نتمنى من الناس ياخدو من كلامي عِبرة

بنت الأمازيغ

عضو ذهبي
طاقم الإدارة
1 يوليو 2012
3,481
17
0
في قلب امي
الذهب وكاين النقرة.jpg

كاين الذهب وكاين النقرة ...
كاين الضحكة لي خارجة من القلب وكاين الضحكة الصفرة
كاين لي يولي عزيز علييك من أول نظرة ...
وكاين لي عزيز عليه حشيان الهضرة ...
كاين لي باغي ليك الخير وكاين لي باغي ليك لمضرَّة ...
فوجهك يضحك ليك وهو باغي يكويك بجمرة ...
كاين لي حنين وكاين لي قلبو بحال شي صخرة ...
كاين لي على قبل بنت كاينسى الصحبة والعشرة ...
كاين لي عزيز علبها التبرج والعرا ...
وكاين لي عزيزة عليها الحجاب السترة ...
كاين لي تابعة تقافة الڭاوريات وكاينة المغربية الحرَّة ...
كاين لي باغيها بنت البلاد وكاين لي باغيها سويدية زعرة ...
كاين لي باغي يخدم وكاين لي باغي يقرا ...

كاين لي مكلخ وكاين لي موهوب بالفطرة ...
كاين راجل مزيان وكاين لي عاطيها للجرائم والشفرة ...
كاين لي تابع طريق الله وكاين لي مبلي بالحشيش والغبرة ...
كاين لي كايلقا راحتو فالبيران والزهو والنشاط والسكرة ...
وكاين لي كايرتاح من يمشي يحج ولا يدير العُمرة ...
كاين لي ساكن ف ڤيلا وكاين لي كايبات برَّا ...
كاين لي ينعس على الحرير وكاين لي فراشو التراب وغطاه السماء والقمرة ...
كاين لي عايش فالعز وكاين لي عايش فالحگرة ...
كاين لي فرحان وكاين لي كواتو القهرة ...
كاين لي ديرو على الجرح يبرا ...
وكاين لي تبغي ضربو للراس بحجرة ...
نتمنى من الناس ياخدو من كلامي عِبرة ...
حيت ماشي كلشي باغي ليك الخير وهادي هي الحقيقة المرَّة

13723343711.jpg
 
التعديل الأخير بواسطة المشرف:

مغربي

::مؤسس الموقع ::
طاقم الإدارة
3 مايو 2012
10,177
278
83
تذكرت هاد القصيدة و قلبت عليها في المنتدى ولقيتها.
كانت مرجع ليا ي عدة أوقات،
شكر خاص لبنت الأمازيغ و نتمنى أن تكون ظروفها آلخاصة سمح لها بالعودة من جديد لمنتديات المغرب.​