قصة حياة بغريرة | فطيمة أم القاسم الشريف

11 أبريل 2014
91
1
8
حكاية بغريرة


أنا بغريرة ولدت بين الفيافي والوديان قبل سنين وأعوام
بعمل الفلاح من أمي الأرض وأبي المطر بإرادة الواحد القهار
وجهي كالقمر إن اكتمل .. وطعمي لذيذ لا يقاوم


فالقرية .. فدوّار موحا وسعيد .. وفـ دار خالتي أم العيد ..


خالتي الأخرى .. في الحلّاب عجنتني
بيديها الكحلة بالحناني .. خالتي حادة بالمهل خلطاتني ..
من الدقيق والسميد والحليب .. والخمّار وجدتني ..
فـ ميكة كحلة رزماتني ..وفالكاميلة من البرد غطّاتني ..
وجنب الكانون فالكشّينة رقّداتني ..




- وقت الفطور تاع العشرة .. تّي نوضي خبزي الفطور يا زهرة
- شعلي الكانون تاع العواد وديري فيه اللّوكيد وشي جدرة
- باش تبقى العافية شادّة الجمر .. راه قتلتنا البرودة والسمرة



إوى حطّااات زهرة الطاجين تاع التراب فوق مناصب الكانون
ودهناتو بالزيت غير بالقياس والقانون
وهزاتني بمغرفة د العود وخا مهرسة .. راه كبيرة وملسة
وسرحاتني فالطاجين خو القدور .. كي رقّاص المكانة إلا تايدّور




- ها الفطور موجود يا مّالين الدار ..
- واآآا خيرة .. رشّي المراح شطبيه وفرشي الحصيرة
- وحطي الميدة .. وعيّطي لرابحة وبناتها .. وخالتي الكبيرة
- سعيدة .. حطّي المقراج على الفاخر .. والبراد والكيسان فالصينيّة




تجمعو الوليدات والبنات والعيالات
وحطوني فطاجين السلاوي .. وحداية الخبز والملاوي
والمقراج تيغلي .. ومن فمّو السبولة خارجة طالعة وتعلّي ..


زبيدة .. قربي ليا قلّوش السمن .. وبيدو تاع زيت العود وسطيلة د العسل ..




وأنا البغريرة الزوينة البيضة والمسيريرة ..
أم عوينات منها الكبيرة والصغيرة ..
فرغَت عليا مّي زهرة التغميسة حتى غرقت بحال الرفيسة
ولّيت بعويناتي ساكتة وكنشوف ..
كي شي سكيطة تاع الخروف
بسم الله ألبنات .. كولو يا العيالات
وانتما يا الوليدات .. الكبار وللي ما عندو سنينات
كولو وعمرو بيا الكريشات




- زهرة .. مال ولدك ما بغا يبرا ؟ ومال كمّارتو درما صفرا ؟
- غي سكتي على هاذ القهرة .. قالت الفرّاكة ضارباه الصرّة
- ويلي على السرّة ؟ ّ
دّيه لسّي موحا يبخّ عليه وبيخر ليه بعين تيقليت الحمرا
وسيري زوْريه لالة كركابة وكتبي ليه عند مول الفال والحضرة
- وااا عيطونة .. مالكي مقابلة غير النكير والهضرة
- نوضي شدّي ولدك راه بغات تنطحو البقرة




وأنا البغريرة غرام المّوحمة والنفاس ..
غير بشوية كنذوب بين اللّقامي والضّراس ..
هاالطاجين خوى وباقي غير الخبز فالطبيقة مغطّي بالكرّاص


راه ماشي كيعرفوني غير ناس الدشر والعروبية
حتى فـ الديور الكبار والصغار فالمدينة
غير بدلو حلّاب العجية وعجنوني فمولينيكس الماكينة



وخمروني فالغضارة .. ولّا يغطِّوْني فالكاسرونة
ويخبزوني فتيفال فوق البوطة بحال العروسة المرهونة
وياكلوني فطبسيل الطاوس بالزبدة والكوفيتير مدهونة
الولاد ياكلوني بالفرشيطة والموس .. ومولات الدار مع الماعن مشطونة




إوى سمعو غدايدي مع قوم بنو سام ..
فرنسا والماريكان والنمسا وحتى كندا كيبيك
كنت فبلادي المغرب سميتي للاة بغريرة ودابا أنا مدام بانكيك
من السوبر مارشي جابوني فالباكيا ..
ندبي عليا ودري ليا العزا .. يا خالتي الشبّاكيا
خلطوني بالزربة فزلافة تاع الشلاظة والكيك
وخبزوني فمقلاة الضّو .. بلا بنّة وكنجي كي لاستيك
على وجهي قلبوني فطبسيل الميكا ..
وكبّوا عليا الشكلاط والشيرا بحال إلا أنا كيكة
بقيت غي كنشوف ونتعجّب .. أأ مالهم كياكلوني بالمقلوب ؟
إوى راه قوم سام .. طوْرُو كلشي .. حتى بغرير والطعام


ورااااه ضاعت قيمتي الشكلية وحتى الغذائية
كنت فأصالتي خنشة الطحين وليت نتباع فالباكيا


على أختكم البغريرة .. غير قراو وبكيوْ عليا ..




وسمحو ليا يا سكان الأرض بيت حواء
أش تقولو فهاذ القضيّة ؟
إلا ما عجباتكم جريوْ عليا ..
حتى يعواجو ركابيّا ..





هنا كتبتُ هذه القصة البغريرية
لعضوات أهل منتديات المغرب
تقبّلوها من أختكم في الله فطيمة المراكشية
من بلادنا الحبيبة المملكة المغربية


مع التحية
 

مغربي

::مؤسس الموقع ::
طاقم الإدارة
3 مايو 2012
10,260
382
83
رد: قصة حياة بغريرة | فطيمة أم القاسم الشريف

أم بلقيس

ما الفرق بين الملاوي والرغايف ؟ ههه

...
أولآ قصة زوينة الله يحفظك أختي.
أعتقد أم بلقيس من شمال المغرب و تقصد بالرغايف المسمن . لأن في الشمال و الشرق تيطلق عليه هاد التسمية.
عمومآ شغلكم أنتم ألعيلات ههه
 

عبدالخالق الكوتاري

::مراقب مغربي ::
طاقم الإدارة
8 أبريل 2013
1,885
331
83
Rabat
www.maroc.us
رد: قصة حياة بغريرة | فطيمة أم القاسم الشريف

ها البغرير ها الرغايف ها المسمن والملوي ياخوتي شهيتونا...والقصة البغريرية كملت القضية دبا واقيلا دبرتو لمولاة الدار على خذمة ههه غاديا ان شاء الله تصوب ليا شي بركة وتكون بطريقة الزليجة والمجمر كيجي ذوقها بنين فريد على عكس المقلى
شكرا اختي وتبارك الله عليك باسلوب ادبي فكاهي جميل استطعت نقل الصورة الحقيقية لهذه الأكلة الشهية وطريقة اعدادها وفن تقديمها و الفرق بين تهيئتها وطبخها قديما مقارنة باليوم عصر السرعة والمكننة
 
11 أبريل 2014
91
1
8
رد: قصة حياة بغريرة | فطيمة أم القاسم الشريف

أهلا بك أستاذ مغربي
وشكرا على تفاعلك

المسمّن والرغايف والملاوي راه 3 تسميات لعجينة واحدة ههه

عجن ولوي وخبز ودهن وكول بالصحة والراحة :)
 
11 أبريل 2014
91
1
8
رد: قصة حياة بغريرة | فطيمة أم القاسم الشريف

ها البغرير ها الرغايف ها المسمن والملوي ياخوتي شهيتونا...والقصة البغريرية كملت القضية دبا واقيلا دبرتو لمولاة الدار على خذمة ههه غاديا ان شاء الله تصوب ليا شي بركة وتكون بطريقة الزليجة والمجمر كيجي ذوقها بنين فريد على عكس المقلى
شكرا اختي وتبارك الله عليك باسلوب ادبي فكاهي جميل استطعت نقل الصورة الحقيقية لهذه الأكلة الشهية وطريقة اعدادها وفن تقديمها و الفرق بين تهيئتها وطبخها قديما مقارنة باليوم عصر السرعة والمكننة

ـــــــــ

أهلا بك سّي عبد الخالق

كلما مررت بملوي أو بغرير أو رغايف أو بطبوط أو رزة القاضي ....
كنبقى نفكّر : راه أعباد الله كلشي عجينة وخميرة ومخبوز

راه الفرق غير فالشكل
ما هي الفائدة للجسم من شكل لآهر وأين الإختلاف ؟

إنه الطحين المخبوز نحمد الله عليه ونشكره على هذه النعمة

إنما أريد أن أُلفت الإنتباه أننا نأكل أشكالا مشكلة والمكونات واااحدة ..

إوى العين وما تشتهي
والبطن وما يستقبل :)

بان ليا غير كنكذبو على المعدة >> هاكي بغرير هاكي الرغايف ووو

وهي كتقول لينا : واش كتضحكو عليا بهاذ التنوّع ؟ سحاب ليكم هبيلة ؟

..

 

عبدالخالق الكوتاري

::مراقب مغربي ::
طاقم الإدارة
8 أبريل 2013
1,885
331
83
Rabat
www.maroc.us
رد: قصة حياة بغريرة | فطيمة أم القاسم الشريف



ـــــــــ

أهلا بك سّي عبد الخالق

كلما مررت بملوي أو بغرير أو رغايف أو بطبوط أو رزة القاضي ....
كنبقى نفكّر : راه أعباد الله كلشي عجينة وخميرة ومخبوز

راه الفرق غير فالشكل
ما هي الفائدة للجسم من شكل لآهر وأين الإختلاف ؟

إنه الطحين المخبوز نحمد الله عليه ونشكره على هذه النعمة

إنما أريد أن أُلفت الإنتباه أننا نأكل أشكالا مشكلة والمكونات واااحدة ..

إوى العين وما تشتهي
والبطن وما يستقبل :)

بان ليا غير كنكذبو على المعدة >> هاكي بغرير هاكي الرغايف ووو

وهي كتقول لينا : واش كتضحكو عليا بهاذ التنوّع ؟ سحاب ليكم هبيلة ؟

..


عندك الصح ختي وعين الصواب ماجانبتي ولكن الإضافات هي الجميلة والشهية سبحان الله هي لي كتخدعنا فلو طعمنا البغرير بالزبدة فسيكون شيئ غير عن البغرير بالعسل والمربى او الزيت وهكذا القياس على جميع اصناف الأغذية المعتمدة على الدقيق، مكونها واحد وبالإظافات نستطيع تغير مذاقها، وهنا تبرز مفاعيل الشهية فكلما زوقنا ونمقنا انحلت واقبلت تختار بين الجميل والشهي دون الرجوع للبطن فهو ينتظر في الاسفل وكل ما قسمه الله له يقبل به رغيفا كان او بغريرا او ملويا
 
11 أبريل 2014
91
1
8
رد: قصة حياة بغريرة | فطيمة أم القاسم الشريف

عندك الصح ختي وعين الصواب ماجانبتي ولكن الإضافات هي الجميلة والشهية سبحان الله هي لي كتخدعنا فلو طعمنا البغرير بالزبدة فسيكون شيئ غير عن البغرير بالعسل والمربى او الزيت وهكذا القياس على جميع اصناف الأغذية المعتمدة على الدقيق، مكونها واحد وبالإظافات نستطيع تغير مذاقها، وهنا تبرز مفاعيل الشهية فكلما زوقنا ونمقنا انحلت واقبلت تختار بين الجميل والشهي دون الرجوع للبطن فهو ينتظر في الاسفل وكل ما قسمه الله له يقبل به رغيفا كان او بغريرا او ملويا


نعم أخي ..
نبقى نحن العرب تغرينا الأشكال والزواوق
أما غيرنا فيفكرون في القيمة الغذائية للأكلة قبل أكلها

وحنا : تعماار الكرش والشبعة هو همّنا ..

جوزيت خيرا على إضافاتك واهتمامك
 

مغربي

::مؤسس الموقع ::
طاقم الإدارة
3 مايو 2012
10,260
382
83
رد: قصة حياة بغريرة | فطيمة أم القاسم الشريف

نعم أخي ..
نبقى نحن العرب تغرينا الأشكال والزواوق
أما غيرنا فيفكرون في القيمة الغذائية للأكلة قبل أكلها

وحنا : تعماار الكرش والشبعة هو همّنا ..

جوزيت خيرا على إضافاتك واهتمامك
عندك الحق أختي.
لكن ماتنسياش أن لمغاربة عشاقة ماشي غلاقة ههه.
شوفي غير دوقنا العالي في اللبس التقليدي أو المعمار التقليدي أو الأثاث التقليدي و كذلك الأكل و عدة أشياء أخرى.
و الله يدومها علينا نعمة. و بصدق موضوعك لقا تفاعل كبير من زيارات الزوار.
 

koora

::مغربي ::
20 يونيو 2012
182
8
18
رد: قصة حياة بغريرة | فطيمة أم القاسم الشريف

نشهد بالله أنك مبدعة .
تبارك الله عليك و تشرفنا بإنضمامك معنا كأخت فالمنتدى
 
رد: قصة حياة بغريرة | فطيمة أم القاسم الشريف

[=أم القاسم الشريف;31976]

حكاية بغريرة

أنا بغريرة ولدت بين الفيافي والوديان قبل سنين وأعوام
بعمل الفلاح من أمي الأرض وأبي المطر بإرادة الواحد القهار
وجهي كالقمر إن اكتمل .. وطعمي لذيذ لا يقاوم
فالقرية .. فدوّار موحا وسعيد .. وفـ دار خالتي أم العيد ..
خالتي الأخرى .. في الحلّاب عجنتني
بيديها الكحلة بالحناني .. خالتي حادة بالمهل خلطاتني ..
من الدقيق والسميد والحليب .. والخمّار وجدتني ..
فـ ميكة كحلة رزماتني ..وفالكاميلة من البرد غطّاتني ..
وجنب الكانون فالكشّينة رقّداتني ..

- وقت الفطور تاع العشرة .. تّي نوضي خبزي الفطور يا زهرة
- شعلي الكانون تاع العواد وديري فيه اللّوكيد وشي جدرة
- باش تبقى العافية شادّة الجمر .. راه قتلتنا البرودة والسمرة

إوى حطّااات زهرة الطاجين تاع التراب فوق مناصب الكانون
ودهناتو بالزيت غير بالقياس والقانون
وهزاتني بمغرفة د العود وخا مهرسة .. راه كبيرة وملسة
وسرحاتني فالطاجين خو القدور .. كي رقّاص المكانة إلا تايدّور
- ها الفطور موجود يا مّالين الدار ..
- واآآا خيرة .. رشّي المراح شطبيه وفرشي الحصيرة
- وحطي الميدة .. وعيّطي لرابحة وبناتها .. وخالتي الكبيرة
- سعيدة .. حطّي المقراج على الفاخر .. والبراد والكيسان فالصينيّة

تجمعو الوليدات والبنات والعيالات
وحطوني فطاجين السلاوي .. وحداية الخبز والملاوي
والمقراج تيغلي .. ومن فمّو السبولة خارجة طالعة وتعلّي ..
زبيدة .. قربي ليا قلّوش السمن .. وبيدو تاع زيت العود وسطيلة د العسل ..
وأنا البغريرة الزوينة البيضة والمسيريرة ..
أم عوينات منها الكبيرة والصغيرة ..
فرغَت عليا مّي زهرة التغميسة حتى غرقت بحال الرفيسة
ولّيت بعويناتي ساكتة وكنشوف ..
كي شي سكيطة تاع الخروف
بسم الله ألبنات .. كولو يا العيالات
وانتما يا الوليدات .. الكبار وللي ما عندو سنينات
كولو وعمرو بيا الكريشات

- زهرة .. مال ولدك ما بغا يبرا ؟ ومال كمّارتو درما صفرا ؟
- غي سكتي على هاذ القهرة .. قالت الفرّاكة ضارباه الصرّة
- ويلي على السرّة ؟ ّ
دّيه لسّي موحا يبخّ عليه وبيخر ليه بعين تيقليت الحمرا
وسيري زوْريه لالة كركابة وكتبي ليه عند مول الفال والحضرة
- وااا عيطونة .. مالكي مقابلة غير النكير والهضرة
- نوضي شدّي ولدك راه بغات تنطحو البقرة

وأنا البغريرة غرام المّوحمة والنفاس ..
غير بشوية كنذوب بين اللّقامي والضّراس ..
هاالطاجين خوى وباقي غير الخبز فالطبيقة مغطّي بالكرّاص

راه ماشي كيعرفوني غير ناس الدشر والعروبية
حتى فـ الديور الكبار والصغار فالمدينة
غير بدلو حلّاب العجية وعجنوني فمولينيكس الماكينة

وخمروني فالغضارة .. ولّا يغطِّوْني فالكاسرونة
ويخبزوني فتيفال فوق البوطة بحال العروسة المرهونة
وياكلوني فطبسيل الطاوس بالزبدة والكوفيتير مدهونة
الولاد ياكلوني بالفرشيطة والموس .. ومولات الدار مع الماعن مشطونة
إوى سمعو غدايدي مع قوم بنو سام ..
فرنسا والماريكان والنمسا وحتى كندا كيبيك
كنت فبلادي المغرب سميتي للاة بغريرة ودابا أنا مدام بانكيك
من السوبر مارشي جابوني فالباكيا ..
ندبي عليا ودري ليا العزا .. يا خالتي الشبّاكيا
خلطوني بالزربة فزلافة تاع الشلاظة والكيك
وخبزوني فمقلاة الضّو .. بلا بنّة وكنجي كي لاستيك
على وجهي قلبوني فطبسيل الميكا ..
وكبّوا عليا الشكلاط والشيرا بحال إلا أنا كيكة
بقيت غي كنشوف ونتعجّب .. أأ مالهم كياكلوني بالمقلوب ؟
إوى راه قوم سام .. طوْرُو كلشي .. حتى بغرير والطعام
ورااااه ضاعت قيمتي الشكلية وحتى الغذائية
كنت فأصالتي خنشة الطحين وليت نتباع فالباكيا
على أختكم البغريرة .. غير قراو وبكيوْ عليا ..

وسمحو ليا يا سكان الأرض بيت حواء
أش تقولو فهاذ القضيّة ؟
إلا ما عجباتكم جريوْ عليا ..
حتى يعواجو ركابيّا ..

هنا كتبتُ هذه القصة البغريرية
لعضوات أهل منتديات المغرب
تقبّلوها من أختكم في الله فطيمة المراكشية
من بلادنا الحبيبة المملكة المغربية


مع التحية
*********************************

للأخت / أم القاسم الشريف .. أشكرك لقوة وحسن الأسلوب
السهل الممتنع و الوصف الراقي و لديك منهج البلاغه فى غايهــ
من الأتقان أتمنى أستمرار ك ليكون الهدف الأسمى هو اعادة
احياء تراث و فصاحة و بلاغة العرب من خلال
منتديات المغرب مرة أخرى أهلآ و سهلآ بك ..


 

مريم أم بلقيس

::مغربية::
7 أبريل 2014
101
1
18
رد: قصة حياة بغريرة | فطيمة أم القاسم الشريف

أختي ام القاسم عاد شفت التساؤل ديالك والي هو شنو الفرق بين الملاوي والمسمن فحال الي قالك الأخ مغربي احنا المسمن عندنا هو الرغايف والي هي على شكل مربع والملاوي هما الي شكلهم مستدير وخا هي عجينة وحدة فالإنسان بطبعه كيبغي التغيير والمهم نكونو دواقة ومشي غلاقة وأهم حاجة نحمدو الله على كل ما انعم علينا به.
 
11 أبريل 2014
91
1
8
رد: قصة حياة بغريرة | فطيمة أم القاسم الشريف

أستاذ الخضير صبّحك الله بالخير

الكتابة بالدارجة لا أثقن التعبير فيها
ربما هذه أول محاولة وإن شااء الله سوف أعمل المجهود للقادم

بوركت أخي وشكرا على استمرارك في حضور خريبشاتي

.