طاجين الحوت مغربي 100 %

moroccan women

::مغربية::
18 يوليو 2013
34
0
6

هادا طاجين الحوت مغربي و ساهل التحضير .

كناخد الحوت و نغسلو مزيان و نعصر عليه حامضة كاملة و نخليه جانبا
دابا في طبسيل اخر كنخلط القسبور +ثومة +كمون + التحميرة + القرفة + ابزار
السكنجبير+ ملح+ الزيت البلدية والرومية + الهيل مطحون +كنور ديال الحوت.

كناخد هاد تشرميلة و نحشي بيها الحوت من الداخل و ندهنو من برة .

دابا في الطجين كندير 2 معالق كبار ديال زيت بلدية و كنقطع مطيشة دوائر و كنستفها و كنرشها بشوية تحميرة ثم نقطع بطاطا دوائر و نديرها فوقهاو نكب عليها معلقة ديال زيت بلدة و شوية شرمولة ثم نوضعو الحوت من فوق و فلفلة حمرا مقطعة بالطول و الماء و نخليه يطيب على نار هادئة.

قبل ما نطفي عليه بشي 2 دقايق نضيف ليه الزتون حمر او بيض حسب الرغبة

و بالصحة و الراحة