طاجـــــيــ اللحم محمر مزين بالثمر..البرقوق واللوز...ـــــــــــــن

دموع بلا ثمن

::مغربية::

غير متصل
السلام عليكم جميعا
بينما كنت ابحر في عالم النت غرقت ..هههه.. فأنقذني هاذ الطويجن دلحم بالبرقوق
وحلفت مع راسي هههه حتى نغرقكم حتى انتم معاي (شنو زعما غير انا نغرق )ههههههه

اقدم لكل محبي طواجن المغربية هاد الطاجين اللذيذ كنتمنى يعجبكم
كما عجبني وجربتو وجا زوين

اولا ناخدو طريفات اللحم نضيفو لهم ربيع و ثوم مدقوقين شوية زعفران حر ملح ابزار شوية سكين جبير(زنجبيل) خرقوم(كركم) زعفران بصلة مقطعة مربعات

درتهم فطنجرة فوق النار حتى تقلا اللحم مزيان و دبالت البصلة

عاد زدت شوية زيت لعود و بصلة شرائح شوية الماء غطيت عليهم حتى طابو

من بعد حيدت طريفات اللحم حطيتهم فطاوة مفرشة بابيي المنيوم دهنتهم بشوية زبدة بلدية مخلطة مع تحميرة وشوية موطارد دخلتهم لفران تحمرو

و فورت شوية الثمر درت منو كرات صغار فندتهم فزنجلان درت فجنابهم لوز ايفيلي

و عسلت شوية لبرقوق من بعد فتحت كل برقوقة حطيت فيها 2 لوزات مقليين وحطيتها وسط عجين الثمر

ستفت اللحم المحمر فطويجين فوق لمريقة و زوقت من لفوق بثميرت المعمرين بالبرقوق

ليس من مجهودي الشخصي بل نقلته من احدى المنتديات حتى تعم الاستفاذة
لكنني قمت بتجربته ........الله المعين للجميع:36_1_11:
 

بنت الأمازيغ

عضو ذهبي
طاقم الإدارة

غير متصل
رد: طاجـــــيــ اللحم محمر مزين بالثمر..البرقوق واللوز...ـــــــــــــن

هاي هاي على ختي دموع حادقة مع راسك
تبارك الله عليك
ختك كيعجبوها التصاور هههههه
الله يعطيك الصحة واخا بلا صور بين فيه طاجين لذيذ وغرقتينا معاك حتى حنا هههههههه
 

polatcan

::مغربي ::

غير متصل
رد: طاجـــــيــ اللحم محمر مزين بالثمر..البرقوق واللوز...ـــــــــــــن

عنداكم ادراري تاكلوووه ديك المسمومة ديال بنت الامازيغ
تافقات مع دموع بلا تمن و دارت فيه السم
بغات تقتلني وما عندها غرض الى قتلاتكم
حتى نتوما ياكي المسمومة
 

بنت الأمازيغ

عضو ذهبي
طاقم الإدارة

غير متصل
رد: طاجـــــيــ اللحم محمر مزين بالثمر..البرقوق واللوز...ـــــــــــــن

عنداكم ادراري تاكلوووه ديك المسمومة ديال بنت الامازيغ
تافقات مع دموع بلا تمن و دارت فيه السم
بغات تقتلني وما عندها غرض الى قتلاتكم
حتى نتوما ياكي المسمومة

جيت المشاكس ديال ماماه :clap:
سير أولدي تلعب برا خرج من الكزينة
راه الرجل لي يدخل الكزينة مايكبرو له الشلاغم
:strongly::strongly::strongly:
 

كنزة

::مغربية::

غير متصل
رد: طاجـــــيــ اللحم محمر مزين بالثمر..البرقوق واللوز...ـــــــــــــن

مشكورة اختي على الوصفة وراني دخلت بلا عراضة هههههه
في انتضار جديدك
 

كنزة

::مغربية::

غير متصل
رد: طاجـــــيــ اللحم محمر مزين بالثمر..البرقوق واللوز...ـــــــــــــن

جيت المشاكس ديال ماماه :clap:
سير أولدي تلعب برا خرج من الكزينة
راه الرجل لي يدخل الكزينة مايكبرو له الشلاغم
:strongly::strongly::strongly:
هي دابا مسكين غايبقة بلا شلاغم :strongly:

 

دموع بلا ثمن

::مغربية::

غير متصل
رد: طاجـــــيــ اللحم محمر مزين بالثمر..البرقوق واللوز...ـــــــــــــن

اشكركم كثيرا لمروركم بموضوعي
وهذا قد زادني شرف واحسست بفخر كبير
بارك الله فيكم كلكم
 

مغربية و افتخر

::مغربية::

غير متصل
رد: طاجـــــيــ اللحم محمر مزين بالثمر..البرقوق واللوز...ـــــــــــــن

تبارك الله عليك [/siz
ماعندي مايتسالك ............... E]
 
أعلى