مذكرات حوميدي الجديدة : عودة إلى الأرياف

Houmidi59

::الفارس المغربي ::

غير متصل
#1
السلام عليكم إخواني وأخواتي متتبعي مذكراتي السابقة بالدارجة المغربية ، سواء التي تخص بداياتي في العالم القروي أو التي تهم قرابة 23 سنة من العمل في العالم الحضري بمدينة تاوريرت.
في الحقيقة كنت قررت أن لا أكتب مذكراتي الجديدة بعد انتقالي الى ضواحي وجدة حتى انتقل من هناك ؛ ولكن يظهر أن الإقامة أضحت في سنتها العاشرة وما زالت الوضعية كما هي.لهاذا قلت في نفسي . " علاش ما نكتب على هاد العشر سنوات سيما وأن 3600 يوم غنية بالأحداث ؟ فعلا غادي نكتب الحلقات ابتداء من هاد الليلة .بالطبع كي العادة غادي تكون بالمباشر حيت خوكم الحوميدي ما عندوش مع الكتابة والنقل ههههههه
قبل ما ندخلو للموضوع بغيتكوم تعاودو تقراو الخاتمة اللي كتبت في مذكرات معلم في العالم الحضري

انتهت مذكرات حوميدي في العالم الحضري.دابا حوميدي كيشتاغل في مجموعة مدرسية كتبعد على وجدة ب34 كيلومتر .كل صباح من غير السبت والأحد كيمشي يخدم ويرجع مع الجوج و30 دقيقة.فالبادية كاين كي العادة التكرفيصْ وخاصة حيت كنت آخر من التحق عانيت تقريبا جوج ديال السنوات فواحد الفرعية فيها البيسْتْ وكان عندي مشاكل مع السكان ومع المدير
هاديك قصة أخرى ، شي عام نْعاودها ليكوم بْحالْ الحجاية ، شي عام إما نْكون خْديتْ التقاعد ديالي أو نكون انتاقلت لمدينة وجدة.
على كل حال ، خوكم الحوميدي دائما عضو نشيط وكيخدم بْنيْتو والحمد لله فهاد الساعة راها عندو شْحالْ من مسؤولية كيْقوم بيها بدون أن يقول (أحْ) أو يشْكي كما يفعل المعلمون مين تكترْ عليهوم الخدمة



الحلقة الأولى :
الزيارة الأولى لمجموعة مدارس عبد الرحمان الداخل


أول مرة في حياتي كنت ننتظر الدخول المدرسي بفارغ الصبر.تصورو كنت باغي نعرف الموقع ديال هاد المدرسةوالفرعيات اللي تابعاليها.بالطبع واخا نمشي ليها راها سادّة حيت العطلة .لهادا كان علي نصبر حتى لبداية شتنبر.
فعلا جا شهر شتنبر اللي كنت من قبل كنكرهو حيت كان بداية الفراق مع العائلة ديالي بعدما كنت نمشي لتاوريرت باش أولا نقلّب على الكراء ومن بعد نقل الامتعة اللي نحتاج ليها.دابا تهنّينا من هاد المشاكل ولكن خاصني نمشي نشوف هاد المجموعة المدرسية باش مّا كان.
جا شهر شتنبر والصراحة داز علي شهر يوليوز شحال طويل خلافا للسنوات السابقة.المهم اليوم الأول منّو غادي المديرين يْوقعو محاضر الدخول في النيابة.اوى ما يمكنش ليا نتحرك .الغد ليه المديرين غادي يلتاحقو بالمدارس ديالهوم.اوى خوكم الحوميدي يمشي يزور هاد المجموعة ويتعرف على المدير ديالها ويمكن حتى الفرعية اللي غادي يخدم فيها.
الغد ليه بنتي عفاف بغات ترافقني..حيت حتى هي بغات تعرف مقر العمل ديالي الجديد.
اول حاجة مشينا لمحطة الطاكسيات .مين وصلنا لقينا شي طاكسيات تقريبا عامرين ولكن الوجهة ديالهوم ماشي ديالي والمشكل أنا ما عارفش تقريبا فين نمشي.جاب الله شي واحد ومن حسن الحظ معلم او عندو فالفاميلا شي حدْ فالتعليم أو قاري مزيان ، قال ليا مين قلت لو على الاسم ديال المجموعة المدرسية :
- خاصك تركب فالطاكسيات ديال سيدي بوهرية ولكن تنزل فلبصارة
بعدما شكرتو مشيت نقلب على هاد الطاكسي اللي تكلّم لي عليها المعلم او هاداك اللي عندو شي حد فالتعليم أو قاري مزيان (هههه).فعلا لقيت وحدة ما فيها حتى واحد .قرّبت من الشيفور اللي كان ناعس :
_ السلام عليكم
خونا بالله قفز ولكن غير شافني استبشر :
_ وعليكم السلام
ما خلّيتوش يتكلّم :
_ الله يخلّيك هاد الطاكسي تمشي لسيدي بوهرية
رد علي :
_ نعم سيدي ولكن راك انت اللّول ...مازال ما كاين حد
شفت في بنتي وقلت ليها : اوى يمكن غادي نستنّاو بزاف باش نركبو
مول الطاكسي هو اللي جاوبني :
_ آش نقول لك أسيدي ..داك الشي نهارات واليوم الثلاثاء قليل فيه الركوب فهاد الجهة على حقّاش الناس يمشيوْ لسوق النعيمة أو بركان.
المهم دازت تقريبا ساعة وما بان حتى واحد.
شي شوية قرّبت من الشيفور اللي عاود تاني قْفزْ من بلاصتو حيت كان ناعس
_ اسمح لي الشريف بشْحال لبلاصة ؟
_ 10 ديال الدراهم
شفت فالبنت ديالي وقلت ليها : غادي نخلّصْ كورصة .
سبحان الله العظيم : التاريخ يعيد نفسه.باقي عاقل أول يوم كان خاصني نمشي لعروبية اولاد سليمان اطلب منّي الشيفور ديال الطاكسي 100 درهم .
دابا خاصني نخلّص 60 درهم ولكن الحمد لله عندي الراتب ديالي وهادي قانونية .شفت فيه:
_ يا الله أخويا وصّلنا لسيدي بوهرية ولكن غادي نزلو غير فالطريق
_ ما كاين مشكل
خلّصناه وركبنا
الطاكسي شدّات الطريق ديال الغرب...يعني اتجاه فاس .بعدما قطعت 17 الكيلومتر تقريبا، كاين واحد ملتقى الطرق .الشيفور مشى مع الطريق الثانية وخوكم الحوميدي قْرى فلبلاكة : عين الصفاء - لبصارة - تافوغالت.
هاد الطريق واخا فيها الكودرون(goudron) يعني معبدة ضيقة شي شوية ولكن الميزة ديالها غاديا مستقيمة .كنت راكب حْدى الشيفور والبنت ديالي كانت مورايا .
شي شوية قلت للشيفور : مين تلحق واحد المدرسة الاسم ديالها مجموعة مدارس عبد الرحمان الداخل ، أوقفْ
شي شوية ، قال لي الشيفور :
_ ها المدرسة
هي هاديك انزلنا انا وبنتي وقرّبنا من المدرسة .تبان الصراحة قديمة والباب ديالها فديك لوقيتة فكّرني بالبيبان ديال المستوصفات القروية.ماشي بعيد هاد الباب راها تبرعات بيها وزارة الصحة لخوتنا المعلمين.أما العجيب فالمدرسة السور ديالها اللي ما يتعدّاش العلو ديالو متر.ربما هادي حاجة زينة : الى وصلنا شوية روطار وكان الباب مسدود اوى غير نقّز الحيط
من الصدف الجميلة كان الباب محلول ولكن يا الله فاش بغينا ندخلو ويجي لعندنا شي واحد صحيح.ماشي بعيد المدير .
خوكم فيه الأدب : اسمح لي سعادة المدير
شافْ فيا وضحك : بارك الله فيك أسيدي
تعجّبتْ :
_ ياكْ انت المدير ؟
_ آه يا خويا واش باينة عليا ؟
شي شوية قالت لي عفاف :
_ بّّا ها الادارة ويمكن المدير راه الداخل
خونا بالله قال لي : أنا الحارس ديال المدرسة .آش بغيتو ؟
جاوبتو :
_ أنا الاستاذ الجديد
خونا بالله فرح وقال لي : تبارك الله متشرفين أستاذ...
_ الأستاذ عبد الحميد
هي هاديك وصّلنا لعند المدير.
هاد المدير باين تقريبا فالعمر ديالي ، طويل وأنيق .الصراحة المديرين اللي كنت نعرف في تاوريرت الأغلبية ديالهوم غير بورزة.
_ السلام عليكم
_ وعليكم السلام ، تفضلو
دخلنا للإدارة وقدّمت لو نفسي :
_ الأستاذ عبد الحميد كنت نخدم في تاوريرت وراه جاني الانتقال ل م/م عبد الرحمان الداخل
_ مرحبا بيك عندنا .نتمنّى تلقى راحتك عندنا
جاوبتي : انا راحتي نلقى الجو المناسب ديال الخدمة
_ الله يعطيك الصحة وهادا هو المطلوب
بعدما عبّأت واحد المطبوع ، اعطاني السيد المدير واحد النبدة موجزة على المجموعة المدرسية وقال لي :
_ جوج أساتذة جداد تعينو هنا هاد العام انت واحد منهوم.الثاني راه معرّب وانت مزدوج.يعني انت يمكن ليك تْدرّس العربية والفرنسية
ردّيت عليه :
_ ما كاين مشكل .سبق لي خدمت فلعروبية ولكن هادي شحال وراني قرّيت الثالث والرابع والخامس عربية وفرنسية
_ تبارك الله وهادا فال زين ....بغيت نقول ما غاديش تلقى هنا شي مشكل
_ نتمنى سيدي المدير
المهم سوّلتو على الفرعية اللي غادي نخدم فيها أو هو يقول لي:
_ راها ما بعيداش بزاف ..يا الله هاديك 9 كيلومتر.
اندهشت : 9 كيلومتر !:!!! واش كاين شي مركوب ؟
المدير ضحك وقال لي : سّي عبد الحميد ياكْ ما يسْحاب ليك راك فلمدينة...هادي راها لعروبية
_ اوى ؟
_ ما تضرب هم ، كاين الاخوان معا من يمكن ادّير لانافيط (la navette)
_ الحمد لله
واحد لوقيتة ادخل واحد السيد .عرفت من بعد باللي هو حارس عام ديال الملحقة الاعدادية والمتواجدة داخل مركزية عبد الرحمان الداخل.زعما كاين الابتدائي والاعدادي.
بعد التعارف بيناتنا ودّعنا باش يمشي لوجدة.هي هاديك اقترح علينا باش نرافقوه حيت المركوب ما كاينش.
ودعنا المدير بعدما اخبرني بأن الدخول هو يوم 4 شتنبر وبعدما اعطاني الرقم ديال التيليفون باش نتّاصل بواحد الاستاذ عندو سيارة ويمكن نتّافق معاه بخصوص يوم توقيع المحضر
خلاصة القول هاد المجية كانت مفيدة : راني تعرفت على المدرسة وعرفت الفرعية اللي غادي نخدم فيها ودبّرت على راسي فالمركوب وفي الأخير راحنا راجعين لوجدة بيليكي ( فابور)
السيد الحارس العام كان يسكن في حي الديوانة وبالطبع جينا فالطريق ديالو وما احتاجيناش نركبو فالطوبيس باش نمشيو للدار.

انتهت الحلقة الأولى.أترككم في رعاية الله وحفظه وسنلتقي بإذن الله بعد يومين أي يوم الإثنين في نفس التوقيت.
ملاحظة مهمة : أريد منكم ارتسامات حول الحلقة الأولى فلا تبخلوا بها علي.

 

Houmidi59

::الفارس المغربي ::

غير متصل
#2
رد: مذكرات حوميدي الجديدة : عودة إلى الأرياف

انتهت الحلقة الأولى.أترككم في رعاية الله وحفظه وسنلتقي بإذن الله بعد يومين أي يوم الإثنين في نفس التوقيت.
ملاحظة مهمة
: أريد منكم ارتسامات حول الحلقة الأولى فلا تبخلوا بها علي.
 

Houmidi59

::الفارس المغربي ::

غير متصل
#3
رد: مذكرات حوميدي الجديدة : عودة إلى الأرياف

الحلقة الثانية : يوم توقيع المحضر ولقائي بالميلود

في اليوم الثاني اتصلت بالأستاذ اللي اعطاني المدير الرقم ديال التيليفون ديالو .بعدما عرّفتو بنفسي ، قلت لو : " واش يمكن لي غدّا نجي معاكوم فالطومبيل ؟
الاستاذ تلعثم فالهضرة .يمكن الى هاد لكلام ديالي فاجْؤو ولكن واخا هكدا ردْ علي بكل أدب : " اسمح لي أستاذ عبد الحميد ، ما تقدرش تجي معانا حيت عندي 4 ديال لبلايص وكولهوم عامرين "

مشكلة هادي .الحل يمكن نمشي لبلاصة الطاكسيات ونجرّب حظي .ربما نهار الاربعاء تكون فيه شوية الحركة.
يا الله فاش جيت نقطع بعدما قلت لو ما كاين مشكل ، خونا بالله قال لي : " اصبر أخويا يمكن الى لقيت لك الحل...كاين واحد الاستاذ ولكن ما خدّامش معنا .هذا فواحد المجموعة ماشي بعيدة علينا.هادا تقدر تْنافيطي معاه."
فعلا أعطاني الرقم ديالو والاسم ديالو وقال لي باللي خاصني نتاصل بيه هاد النهار.
ما عليهش.اتاصلت بالأخ نور الدين وبالطبع عرّفتو بنفسي وقلت لو اللي كاين .الحمد لله جوابو فرّحني.دابا ما بقى لي غير نتّافق معاه على لبلاصة ديال اللقاء والتوقيت.
من الصدف العجيبة خونا بالله يسكن في حي كولوش وهاد الحي مُحادي لحي الطوبة اللي أنا ساكن فيه.هي هاديك اتّافقنا نتلقاو قدّام مركز الوقاية المدنية مع الساعة الثامنة صباحا.
فالغد ليه كنت سابقهوم فالموعد.المشكل نسيت باش نقولو النوع ديال السيارة ديالو .
شي شوية يمكن دازت واحد 10 ديال الدقائق وقفت احْدايا سيارة من النوع رونو 18 رمادية ونزل واحد بولحية صحيح ( قوي) واقترب مني وهو يبتسم :

- السلام عليكم ...الاستاذ عبد الحميد ؟
- نْعام أنا هو ...
- متشرفين أنا الأستاذ موسى والاستاذ نور الدين هو مول الطوموبيل.أجي تفضل....
بعدما ركبت فالسيارة سلّمت على الشيفور ، هي هاديك شدّينا الطريق لواد الناشف.قبل ما نوصلو لمحطة الكيران وقف نور الدين وقال لي : كاين واحد الأخ موالف يركب معانا .غادي نسْتنّاوْ شي شوية .ياكْما كاين مشكل ؟
جاوبتو : أنت مول السيارة وراك داير فيا خير كبير ، علاش زعما ما نستانّاش ؟
فعلا دازت واحد 10 دقايق وشفنا واحد الشاب اسمر اللون يحيينا ويركب
فالسيارة.بالطبع لاحظ الوجود ديالي .الأخ موسى قال لصاحبو : نقدّم لك الأستاذ عبد الحميد.
شافْ فيا وقال لي : هاد الأستاذ اللي خلّنا نستنّاوْ كاعْ هاد الوقت راه الأستاذ أمين.
مدّيت لو يدّي : متشرفين بالمعرفة ديالك سّي أمين
المهم مشينا وبعد تقريبا نصف ساعة كنّا فالمجوعة المدرسية ديالي.الأخ نور الدين قال لي : حنا عندنا الاجتماع في عين الصفاء .خاصنا نمشيو وغادي غير نساليوْ من الاجتماع غادي نْدوزْ لعندك.ماتمشي فين
- ردّيت عليه : واخا وبارك الله فيك.
مين دخلت للمركزية ، كانو المعلمين سابقينّي.كولهوم كانو حاضرين ولكن الحمد لله كانو فالساحة على شكل مجموعات.بقيت زعما نْقلّبْ على شي معرفة فهاد لوجوه ولكن وتقول شي واحد نعرفو.النظرة ديالي لهاد المعلمين أن الأغلبية ديالهوم ماشي كْبار فالسن : تقريبا بين 20 و30 عام ، يا الله واحد 3 اللي بانو ليا كبار ويمكن أكبر مني.
شي شوية بان لي واحد الاستاذ طويل وكبير فالسن واقف غير بوحدو .حتى هو مسكين ما يعرف حتى واحد.شافني وشفتو .اوى كل واحد اتّاجه عند صاحبو.هو اللّوّل اللي تكلّم معايا : باينة انت هو الأستاذ الجديد اللي انتاقل معايا...
جاوبتو : فعلا أنا هو ...حتى أنت جديد هنا ؟
_ إيهْ....فين كنت خدّام من قبل ؟
_ في تاوريرت وأنت ؟
_ في أكليم .....جهة بركان
المهم تكلمنا أنا والأخ وعرفت من بعد عليه بزاف ديال المعلومات.
المهم واحد الربع ساعة دازت والأساتذة يدخلو عند المدير .شي شوية المدير افتتح الاجتماع ورحّب بيا وبالاسالذ البركاني، ثم اسند لكل واحد المستوى ديالو .
انا اللي كان يهمني هو مع من غادي نخدم .فعلا السيد المدير قال لي : أنت عندك المستوى الأول والثاني والثالث في فرعية مرزوك والأستاذ الميلود عندو الرابع والخامس والسادس.
بالطبع قرّبْ مني واحد الرجل يبانو أسنانو طايحين ولكن موحال من كثرة الخدمة.هاد الأخ فالأول يسحاب لي فاسي حيت اللهجة ديالو فاسية مية فلمية ولكن الجميل فهاد الشخص خفيف الظل ودغيا ادخل ليا في خاطري.
المهم قال لي : أجي نخرجو شي شوية برّا باش نتحدْثو
فالساحة تحدثنا ولكن الحديث كان على فرعية مرزوك.
خوكم الحوميدي كان باغي يعرف كولشي على الفرعية :
_ هاد الفرعية ماشي بعيدة ياكْ أخويا الميلودْ ؟
ضحك وردْ علي : ماشي بعيدة بزاف
زدْت قولتو : قال لي المدير راها تبان من هنا ...
دار صبعو في راسو ودار ليا علامة داك اللي خاصّو بولون وقال لي : ياكْ ما
شاربْ ؟
جاوبتو : شارب أتاي
شافْ فيا وقال لي : ما بايناشْ عليكْ.
من بعد تأكد باللي ما رانيش نضحك عليك أو هو يقول لي : شوف أسّي حميد، نتكلمو فالمعقول : واش عندك شي حديدة ؟
ما فهمت والو : زعما ؟
_ واش عندك شي بشكليط أو موطور ؟
ابتسمت : عندي اسمهان لاموطو ديالي
_ اوى خاصك تجيبها والا أوحلتي هنا يا ولدي ..



يتبع بعد غد إن شاء الله الحلقة الثالثة
 

bouchaib56

::مراقب مغربي ::

غير متصل
#4
رد: مذكرات حوميدي الجديدة : عودة إلى الأرياف

في الحقيقة اخي حوميدي جئت في الوقت المناسب وعودتك الى مذكراتك وهذه المرة في التعيين الحالي المهم نقص عليك الكراء وكثرة الغؤبة واصبحت ترى بنتك عفاف كل يوم
والان الذي يهم انك مع العائلة اما قصة لانافيت فمتشابهة عند اساتذة التعليم الاساسي وان لم تخل من مغامرات
ويبقى عنصر التشويق الذي لا تخلو منه مذكراتك اليومية
عودة ميمونة الى الميادين المنتدياتية بعد ان اخذت نفسك والذهاب بعيدا بمذكراتك حتى تنتهي مهمة العذاب والتي لا تخلو من مغامرات شيقة بالنسبة لا لنا كمربين ولا بالنسبة للقراء وتكون تجربة تحميسية للجيل الصاعد رغم ان في عهدهم سيكون اترامواي والقطار التيجيفي
شكرا على حلقة اليوم الى ان تباغتنا بجديد م م عبدالرحمان الداخل تقبل منا ازكى التحيات
 
التعديل الأخير:

Houmidi59

::الفارس المغربي ::

غير متصل
#5
رد: مذكرات حوميدي الجديدة : عودة إلى الأرياف

في الحقيقة اخي حوميدي جئت في الوقت المناسب وعودتك الى مذكراتك وهذه المرة في التعيين الحالي المهم نقص عليك الكراء وكثرة الغؤبة واصبحت ترى بنتك عفاف كل يوم
والان الذي يهم انك مع العائلة اما قصة لانافيت فمتشابهة عند اساتذة التعليم الاساسي وان لم تخل من مغامرات
ويبقى عنصر التشويق الذي لا تخلو منه مذكراتك اليومية
عودة ميمونة الى الميادين المنتدياتية بعد ان اخذت نفسك والذهاب بعيدا بمذكراتك حتى تنتهي مهمة العذاب والتي لا تخلو من مغامرات شيقة بالنسبة لا لنا كمربين ولا بالنسبة للقراء وتكون تجربة تحميسية للجيل الصاعد رغم ان في عهدهم سيكون اترامواي والقطار التيجيفي
شكرا على حلقة اليوم الى ان تباغتنا بجديد م م عبدالرحمان الداخل تقبل منا ازكى التحيات
شكرا لك أخي بوشعيب على مرورك العطر وعلى تعليقك الشيق وأنا جد سعيد بقراءته كلمة كلمة
ولكن يظهر أن الأخ ياسر الذي تعجبه مثل هذه المذكرات لم يحرك ساكنا والعجيب في الأمر أنه متواجد بالمنتدى
أقول له " أخويا غير لايكينا وما تكول والو هههه"
اما عبد الخالق الكوثاري ياك ما التصاور ادّاو لو عقلو .شفتو شحال هادي ارجع مصوّر محترف.
على كل حال ما زال الحال باش تردو
خويا شعيبة موعدك هذا المساء مع الحلقة الثالثة من مذكراتي الشيقة
اوى ما تنساش الرّونديفو ههههههه
 

Houmidi59

::الفارس المغربي ::

غير متصل
#6
رد: مذكرات حوميدي الجديدة : عودة إلى الأرياف






الحلقة الثالثة : مين مشيت الى فرعية مرزوك (1)
الجزء الأول : العودة إلى وجدة
كانت الساعة تقريبا الحادية عشر مين سمعت منبه السيارة وعرفت باللي الأخ نور الدين راه عند كلمتو وراه جا باش نرجعو كلنا لوجدة.فالسيارة الاخوان بْداوْ
يسولوني :
_ آش أعطاك المدير ؟
_ فين غادي تخدم ؟
_ شكون المقابل ديالك ؟
المهم أخبرتهوم بكولشي .شي شوية قال لي صاحبي موسى :
_ على ما فهمت من كلامك كاين شي معلم جديد من غيرك أنت.
جاوبتو : نعم وراه المدير أسند لو الخامس والسادس بفرعية لغراسات .
الإخوان بثلاثة بيهوم ضحكو.الصراحة نوّاوْني وماشي بعيد نكون خنْزرتْ فيهوم وباينة يكونو عاقو.واحد فيهوم قال لي : ما لك أسّي حميد بحال إلى طارتْ لك ؟
_ نعم يا خويا على حقّاش هاد الضحكة ديالكوم ما كتبشّرشْ بالخير
ضحك نور الدين : لاواه يا خويا .حنا الصراحة راحنا متعجبين فقط.
بالطبع شرح لي اللي كاين ومن بعد فهمت .الإخوة تعجبو كيفاش أن المعلم الجديد تعيّن في فرعية قريبة من المركزية ومن المفروض هو آخر من التحق ولذا خاصّو يتعيّن معايا في فرعية مرزوك .العجيب فالأمر الميلود هو اللي خاصو يستافد من هاد المنصب الجديد حيت هو قديم.
بطبيعة الحال باش نختم الموضوع قلت ليهوم : اللي يعطي ليكوم الجواب هو المعني بالأمر ، يعني الميلود.
نص ساعة دازت تكلمنا فيها مواضيع أخرى ولكن اللي باقي عاقل عليه هو قضية لانافيط.
أولا الأخ نور الدين قبل باش نبقى نمشي معاهوم كل يوم وقال لي باللي مرزوك راه فالطريق ديالهوم حيت شي معلم اللي هو أمين كيخدم في فرعية لقرارشة وهاد الفرعية ماشي بعيدة على فرعية مرزوك.اللي كاين أنني نبقى ننزل فهاد الفرعية ومن بعد نكمّل إما على رجلي أو نشوف لي شي بشكليط أو موطور.
الحمد لله عندي موطور وكانت مناسبة باش نخبر نور الدين باللي غادي نجيبو معاي يوم الدخول المدرسي.
المهم الأخ نور الدين عندو شروط مع اللي يدير معاه لانافيط وهي موجزة فهاد الكلمات : لخلاص تسبيق ديما والثمن هو 15 درهم لكل يوم .يعني خاصني نعطيه بداية كل أسبوع 75 درهم.كاينة حاجة اللي أكد عليها " الشيفور" وهو أن النهار اللي ما نجيش فيه مثلا راه خالص ومحسوب في لانافيط.
خوكم حوميدي وافق بدون تردد.
هي هاديك قبل ما ننزل اتّافقت معاهوم باش يكون اللقاء بعد أسبوع ودائما نفس التوقيت ونفس المكان .
بالطبع أعطيت للأخ نور الدين 20 درهم ثمن الركوب ديالي لداك اليوم ولكن رفض وقال لي : اليوم ما تخلص حتى ريال واعتابرها كادو ديال الاستقبال.
شكرتو وودعتهوم

الجزء الثاني : الذهاب إلى مرزوك
الأيام اللي كانت قبل ما نمشي لمرزوك كانت بالعبارة الفرنسية شارجي ، زعما ما لقيت الوقت باش نحك راسي.فعلا كان علي نوجّد التحاضير اللي غادي نخدم بيهوم.من الصدف الجميلة : التحاضير ديال الثالث فرنسية موجودة لأنني كنت نخدم بيها في تاوريرت.التحاضير ديال الأول عندي ، واخّا قديمة تقدر تنفع.بالنسبة للمستوى الثاني يْجيب الله من بعد.بالنسبة للأمر الثاني كان علي نشوف الحالة ديال اسمهان.تصورو كنت قليل فين نركب عليها وما نخبّيش عليكوم راه شي وقيتة يمكن سمحت فيها وكانت ناعسة تقريبا عام.
إذن جات الفرصة باش ناخودها عند السيكليست .فعلا شدّات لي تقريا 4 أيام ومن بعد رجعات حالتها مزيانة بعدما كلّفني العلاج ديالها واحد 400 درهم.
جا اليوم الموعود وجبت الموطور ديالي ومشيت لبْلاصة المعلومة.صاحبي نور الدين دار الدراجة فالكوفر ديال السيارة وسدْ عليها.من بعد مشينا كي العادة باش ننتاضرو الأخ أمين.هاد المرة ما تعطلش علينا ...يمكن 10 ديال الدقائق .
المفاجأة الجديدة: الأخ نور الدين ما مشاشْ مع الطريق ديال واد الناشف.هاد المرة طلع مع اتجاه آخر وعرفت باللي خونا بالله قاصد واحد الجهة تدعى " belle vue"
الأخ موسى ما خلّانيشْ حايرْ :
_ خويا عبد الحميد ، غادي نمشيو نجيبو صاحبك الميلود
ضحكت وانا متعجب : حتى هو يدير لانافيط معاكوم
نور الدين هو اللي جاوبني : هو ما يديرش لانافيط معنا حيت هو يسكن فلعروبية وما يمشي لدارو غير نهار الجمعة
وصلنا للمكان المعلوم ووقفنا قدّام المقهى اللي يحمل إسم المنظر الجميل.كان الميلود داير رْجل على رجل وأحداه كاس قهوة .
غير شافنا ، هزّْ الصاك ديالو وخلّص الكارسون وجا وطلع فالسيارة :
_ السلام عليكم
_ وعليكم السلام
بالطبع لاحظني:
_ سّي حميد راكْ هنا ؟
بحال هاد السؤال موحال الى عندو جواب ، ولكن خوكم الحوميدي رجل المواقف الهزلية جاوبتو : راني لْهيه ماشي هنا
كلنا ضحكنا وخونا الميلود شاركنا فالضحكة. شي شوية ، قال لي : جبتي الموطور ؟
جاوبتو : واهْ (إيهْ)
او هو يقول لي : أنا الموطور ديالي خلّيتو فلقرارشة ، عالم الله كي غادي يكون.
أمين هو اللي ردِْ عليه : غادي يكون كي خلّيتيه .
المهم وصلنا لملتقى الطرق اللي كنت من قبل تكلمت عليه.احْنا خدينا الطريق اللي تمشي لتافوغالت .يا الله تمشّينا واحد 10 كيلومتر ، الأخ نور الدين طلع مع واحد البيست .الصراحة طريقة كلها حجر.السيارة كانت تتمشى غير بالشوية وكنّا نحسّو بالهزات مرّة مرة حيت كثرة لحجر فالطريق.آش نقول ليكوم المسافة ما تتعداش 4 كيلومتر ولكن الوقت اللي داز يمكن 10 ديال الدقايق.
نزل منها الأخ موسى وقال لي : هادي هي المدرسة اللي نخدم فيها أنا ونور الدين.
المدرسة تبان نقية من برّا.أول حاجة لاحظت السور العالي ديالها والباب ديال لحديد والاسم مكتوب فوق من الباب : فرعية الدبّاب
ولكن ما بانوشْ ليا التلاميذ.
الأخ موسى فهم قصدي أو هو يقول لي : التلاميذ ساكنين فالنواحي ديال المدرسة .غادي غير نصفق عليهوم يخرجو كي النحل.
فعلا بحركة اليد التلاميذ بانو .عددهم الى ما خفت نكدب هاديك 15 واحد.
التلاميذ مشاو عند موسى وكل واحد فيهوم باس لو يدّو ودخل للمدرسة
نور الدين قال لينا غادي نوصلكوم ومن بعد نرجع للفرعية.
المهم بعد 10 ديال الدقايق ديال لمْخيض ( ماشي ديال اللبن ههه)وصلنا للطريق المعبدة واستأنفنا الطريق يمكن 4 أو 5 كيلومتر.هاد المرة الأخ نور الدين دخل مع بيسْت تانية ولكن هادي سبحان الله العظيم ما فيهاش حجرة وحدة ، كلها تراب.
فالطريق قال لي الميلود هاد البناء اللي راك تشوف يسمّيوه السكان الرّيّاحة.
شرح لي باللي كاين فيه فالداخل ديالو موتور هو اللي يزوّد المنطقة بالكهرباء.
المهم تابعنا طريقنا فالبيست يمكن واحد 3 كيلومتر ووقفنا أمام مدرسة تقريبا تشبه لمدرسة الدباب .هاد المدرسة ماشي منعزلة حيت قدّامها مسجد ، أما المنازل تقريبا قريبة ليها بزاف.
هنا يخدم الأخ أمين وعندو يا الله 3 مستويات : الأول والثالث والرابع.بالنسبة للتلاميذ يمكن 5 .باقي عاقل فيهوم 3 بنات.
الميلود دخل للقسم باشْ يخرّج الموطور ديالو ، أمّا أنا كانت اسمهان احداي بعد ما حلّيت الكوفر( صندوق السيارة ).
كنت جايب معايا البنزين ديالها.هي هاديك أعطيتها ما يكفيها.
المهم قبل ما يودعنا نور الدين قال لينا غادي يرجع ان شاء الله مع ديك الوحدة .
الميلود ركب فالموطور ديالو وأنا ركبت في اسمهان .
خوكم الحوميدي دار الكاسك على راسو وخونا الميلود شاف فيا واضحك وقال لي : فهاد الطريق ما كاينش الجادارمية ( الدرك الملكي )
الطريق من لقرارشة الى مرزوك طريق كلها التوائات وما يمكنش تدوز منها الا دراجة نارية أو دابة
قلت الملاحظة للميلود .رد علي باللي كاين طريق أخرى كيدوزو معاها السيارات وحتى هي بيست ولكن طويلة بزاف
المهم بعد تقريبا ربع ساعة بانت لي المدرسة فوق من واحد الكدية ( جبل صغير )
شفت فالميلود : خويا الميلود موحال الى الموطور يقدر يطلع !!!!!
ردْ علي : عندك الحق.
هي هاديك ربطنا الدراجات ديالنا مع واحد الشجرة وطلعنا للمدرسة.
طلعة واش من طلعة !!!!!
_ خويا الميلود آتينا بشي كاس ما بارد
_ سّي حميد ، هاد لعروبية اللي انا خدّام فيها ما فيها لا ضو ولا ما
_ واه ...إوى ؟
_ خاصك تجيب معاك الما بارد من الدار

الجزء الثالث : مدرسة مرزوك
ماكنتش ناوي هاد المدرسة تكون في هاد الحالة.واه لا ما لا ضو ومن الفوق ما تقولش عليها مدرسة.تصورو حتى السور ما عندهاش وبطبيعة الحال ما كاين لا سمية ( إسم ) لا حتى شي إشارة تبيّن باللي هادي مدرسة.
تصورو 2 أقسام واحد قديم .هادا فكرني بالسكنى ديال لمكانسة في أولاد سليمان والثاني يبان جديد.
بانو لي شي بيوت تقريبا نصهوم مهدّم دايرين بحال صومعة حسّان : نصفها ذهب.هادو يمكن نقولو عليهوم سقفها وشي حْيوط فيها ذهبوا ههه
الميلود شدْ القسم الجديد وخلّالي البيت المهجور.غير قرّبت منّو حسيت بحال الى داخل فشي مغارة.السقف ديالو فيه لخشب والخش.كي ما يقولو خوتنا راه مبني بلحْنية.السراجم فيه جوج يمكن يا الله يدخل منهم قط.
ولكن الحمد لله فالقسم سبورة ومقاعد ومكتب
اوى هادا هو المهم.
القسم ديال الميلود تبارك الله مهوي وفيه سراجم منها يدخل نور الشمس وبالطبع المقاعد والسبورة والمكتب كلّو جديد.
فالقنت الميلود باني عشّة ( خيمة )
قال لي : هنا ننعس.
وفي القنت التاني كاين طابلة فيها مرميطة ( طنجرة ) وبوطة وصحون ومقراج ( غلّاي وبرّاد مع كيسان .هادي ما تكون غير الكوزينة.كولشي باين معفن.لعفو يا مولانا.
مين وصلنا ما لقيناش التلاميذ وبالطبع ما بانت لي حتى دار قريبة من المدرسة من غير جوج بيوت مْهدْمين.زعما الأطلال وصافي.
شي شوية جاوْ التلاميد.يمكن الى العدد ديالهوم 20.
مشاو نيشان عند الميلود باش يسلمو عليه.بالطبع الميلود يعرفهوم واحد واحد.
شي شوية جمع تلاميد الاول والثاني والثالث وقال ليهوم : ها الأستاذ ديالكوم.
التلاميذ شافو فيا .ماشي بعيد نكون دخلت ليهوم في خاطرهوم .هي هاديك قربو منّي وكولهوم سلمو عليا فلوجه.
دخّلتهوم .من بعد عيّطت على كل واحد فيهوم من خلال اللائحة اللي اعطاني المدير باش نشوف واش كاين شي غياب.
المهم العدد ديالهوم كان يا الله 7 .
هي هاديك كتبت لكل واحد لائحة الكتب والأدوات المدرسية .
من بعد ،مشيت لواحد الصّاك كان عندي واعطيت لكل واحد قابسة ( علبة ) كاطو ومورصو ( طرف) شيكولا.التلاميذ فرحو بزاف ومساكن قالو لي : الله يخلف.
شي شوية جا الميلود وقال لي : أجي نشربو أتاي.
هي هاديك قال للتلاميد: يا الله خرجو راها الاستراحة
المهم مشينا للقسم ديالو .لقيت شي بنات عندو دارو الميناج.القسم ارجع نقي ومرتب وحتى الأواني المنزلية مغسولة
شفت فالميلود : تبارك الله كولشي ارجع جديد ونقي ولكن ....ياكْ قلتي ليا ما كاينش الما، مينْ جبتيه؟
ضحك وقال لي :
_ الما كاين ولكن زيد اطلع الفوق .كاين واحد العين نسقيوْ منها والما ديالها شحال حلو وبارد
_ اوى جيب لي شي كاس نشربو
المهم شربنا أتاي وكلينا الحرشة والزبدة اللي جابتها لينا واحد التلميذة .
دازت تقريبا ساعة ونص ، قلت للميلود : راها الطْناشْ .يا الله نمشيو في حالاتنا.هادي هي لوقيتة ديال نور الدين.
فعلا ارسلنا التلاميد للديور ديالهوم وقلنا ليهوم ما يجيو حتى ليوم الاثنين .خاصنا نعطيوْ هوم الفرصة باش يطلعو لمدينة ويشريو الأدوات المدرسية.
الميلود رجع معايا وهاد المرة مشينا مع طريق السيارات.الصراحة هاد الطريق واخّا طويلة ولكن مزيانة.لهاذا قرّرت باش نبقى نستعملها فالذهاب والرجوع.
مين وصلنا لقينا لفقيه مع الأستاذ أمين يتغدّاو.لفقيه قال لينا : لا سلام على طعام.
هي هاديك دخلنا بيدّينا فالطبسي ديال البطاطا باللحم وكلينا وما عَلِّينا يدّينا حتى كان خاوي.من بعد شربنا كاس أتاي منعنع.
شي شوية جا نور الدين.قالّو أمين : منّيعْتي غْدا فاعل تاركْ.
نور الدين شاف البقايا ويمكن لاحظ شي مورصو بطاطا وابتاسم وقال لو : الى كان غير البطاطا غادي غير نوصل نلقاها تسْتانّاني
كولنا ضحكنا وأنا نقول لو : حقّك فالدار

إلى اللقاء مع الحلقة الثالثة يوم الأحد إن شاء الله
ملاحظة ك ما زلت انتظر ارتساماتكم وملاحظاتكم.لا تبخلوا بها علي واعلموا أنكم تشجعونني على كتابة المزيد من المذكرات لاسيما وأن أخوكم يكتب على المباشر.شكرا لكم وليلتكم سعيدة
 

Houmidi59

::الفارس المغربي ::

غير متصل
#7
رد: مذكرات حوميدي الجديدة : عودة إلى الأرياف

تذكير : ما زلت انتظر ارتساماتكم وملاحظاتكم.لا تبخلوا بها علي واعلموا أنكم تشجعونني على كتابة المزيد من المذكرات لاسيما وأن أخوكم يكتب على المباشر.شكرا لكم وجمعة مباركة سعيدة
 

Houmidi59

::الفارس المغربي ::

غير متصل
#8
رد: مذكرات حوميدي الجديدة : عودة إلى الأرياف


[FONT=&quot]الحلقة ال[FONT=&quot]رابعة[/FONT][/FONT][FONT=&quot] : [/FONT][FONT=&quot]مين مشيت الى فرعية مرزوك (2[/FONT][FONT=&quot])

[/FONT]
[FONT=&quot]الجزء الأول[/FONT][FONT=&quot] : [/FONT][FONT=&quot]الرجوع إلى وجدة[/FONT][FONT=&quot]

[/FONT]
[FONT=&quot]شدّينا طريق الرجوع لوجدة.الحديث هاد المرة كان مْوجْه للميلود.موسى كان اللّول اللي سوْلو : خويا الميلود سمعت باللي شي معلّم جديد خْدى لك بلاصتك[/FONT][FONT=&quot].
[/FONT]
[FONT=&quot]الميلود دارْ راسو ما فاهم والو: أنا باقي فبلاصتي في مرزوك[/FONT][FONT=&quot].
[/FONT]
[FONT=&quot]موسى ماشي من هادوك اللي يقبلو بحال هاد الأجوبة : شوف بلا ما دّوخْ علينا...راه في خبارنا كولشي[/FONT][FONT=&quot].
[/FONT]
[FONT=&quot]الميلود شافْ فيا.زعما باغيني نعتْقو.داكْ الشي اللي درتْ[/FONT][FONT=&quot].
_ [/FONT]
[FONT=&quot]شوف أسّي الميلود ، الاخوان راهوم يتكلمو على المعلم الجديد اللي جا معايا.واش ما كتشوفشْ باللي فالحقيقة خاصو هو اللي يخدم معايا في فرعية مرزوك ؟[/FONT][FONT=&quot]
[/FONT]
[FONT=&quot]الميلود بانْ باللي عاد عاقْ : فعلا هو آخر من التحق ولكن[/FONT][FONT=&quot] ....
[/FONT]
[FONT=&quot]موسى قاطعو : انت اللي خاصك تخدم في فرعية لغراسات ماشي هو [/FONT][FONT=&quot]
[/FONT]
[FONT=&quot]الميلود بقى ساكت ، ما عرف آش يقول.هي هاديك انا اللي تكلمت : سّي الميلود ، السؤال بدون لف أو دوران : واش عاجبك الحال تبقى في مرزوك ؟[/FONT][FONT=&quot]
[/FONT]
[FONT=&quot]أمين اللي باقي ما قال والو هو اللي جاوب : الميلود راه خلوي وكيبغي العزلة ومية فالمية راه لاقي راحتو.ياكْ أسّي الميلود[/FONT][FONT=&quot] ؟
[/FONT]
[FONT=&quot]الميلود ابتاسم : بحال الى علمك الله[/FONT][FONT=&quot]
[/FONT]
[FONT=&quot]شي شوية وصلنا لوجدة .الميلود نزل في واد الناشف باش يركب فالطوبيس.أمين حتى هو نزل معاه.بقينا ثلاثة : نور الدين وموسى وأنا[/FONT][FONT=&quot].
[/FONT]
[FONT=&quot]موسى قال لي : سّي حميد علاش ما تطلبش أنت من المدير تخدم في لغراسات؟[/FONT][FONT=&quot]
[/FONT]
[FONT=&quot]أنا ماشي بحال الميلود ، عندي لكل سؤال جواب : أنا آخر من التحق ومن الفوق لبلاصة اللي خاص ديال معلم معرّب ماشي مزدوج بحالي[/FONT][FONT=&quot].
[/FONT]
[FONT=&quot]دابا المعلمين عاقو : ايه دابا فهمنا علاش المدير ما عطاشْ هاد لبلاصة للميلود[/FONT][FONT=&quot].
[/FONT]
[FONT=&quot]نور الدين هو اللي زاد شرح : الميلود بحالك مزدوج[/FONT][FONT=&quot]
[/FONT]
[FONT=&quot]انا اللي ختمت النقاش : اوى شفتو ...المدير كان عندو الحق وحتى سّي الميلود عارف اللي كاين وما بغاش يتكلم[/FONT][FONT=&quot]
[/FONT]
[FONT=&quot]وصلنا لفيلاج الطوبة وخوكم الحوميدي نزل بعدما اتّافق مع لخّوت يتلاقاو يوم الإثنين مع الديك السبعة والنصْ[/FONT]
[FONT=&quot].

[/FONT]
[FONT=&quot]الجزء الثاني[/FONT][FONT=&quot] : [/FONT][FONT=&quot]أول عطب في الطريق [/FONT][FONT=&quot]

[/FONT]
[FONT=&quot]يوم الاثنين مع الصباح، انطلقات بينا سيارة نور الدين إلى بلدة لبصارة.كان الجو مشمّس ومازال علامات الصيف.هاد المرة السيارة ما مشاتش مع البيست لأن نورالدين بغى يوصلنا عاد يرجع لفرعية الدبّاب[/FONT][FONT=&quot].
[/FONT]
[FONT=&quot]المهم بعدما وصلنا لقرارشة لقينا لفقيه واقف احْدى المدرسة .غير شافنا ، قال لينا : نشربو شي كاس أتاي[/FONT][FONT=&quot].
[/FONT]
[FONT=&quot]أنا شفت فالساعة : اسمح لينا الفقيه ، مرة أخرى إن شاء الله[/FONT][FONT=&quot]
[/FONT]
[FONT=&quot]الميلود ضحك وقال لي : باينة عليك عزيزة عليك الخدمة[/FONT][FONT=&quot]
[/FONT]
[FONT=&quot]أنا شفت فيه وابتاسمت : وأنت باينة عليك لعْكيلْ ( الكسل )[/FONT][FONT=&quot].
[/FONT]
[FONT=&quot]المهم ركبت فالموطور ديالي باش نمشي لمرزوك.الميلود قال لي :غادي نلحق بيك ولكن حتى نشرب شي كاس أتاي[/FONT][FONT=&quot]
[/FONT]
[FONT=&quot]الصراحة كانت الساعة التسعة وحنا من المفروض نبداوْ العمل مع التمنية .التلاميذ غادي يكونو فالمدرسة[/FONT][FONT=&quot].
[/FONT]
[FONT=&quot]على كل حال مشيت مع الطريق المختصرة باش نوصل بكري[/FONT][FONT=&quot].
[/FONT]
[FONT=&quot]اللي وقع ما كانش فالحسبان : فجأة الموطور حْبسْ.واه آش عندك يا اسمهان حتى سكتْي ؟ اول حاجة شفت واش خاصها ليصانصْ ولكن مازال فيها.مشيت للْبوجي.: يْبان مزيان.اوى آش خاصني نشوف ؟ خوكم ما عندوشْ مع الديباناج.فلمدينة كانت الدراجة ديالي تحبس ندّيها لسّيكليست.دابا فين غادي نلقى السيكلسيست فوسط هاد الجبال[/FONT][FONT=&quot].
[/FONT]
[FONT=&quot]المهم قررت باش نْسوقها حتى للمدرسة .يا الله تمشيت واحد 20 متر ويبان مشكل آخور.تصورو أن العجلة الثانية ديال الدراجة تْفشّات[/FONT][FONT=&quot].
[/FONT]
[FONT=&quot]دابا ما عليا غير نوقف ونسْتنّى الميلود.هادي هي طريقو[/FONT][FONT=&quot] .
[/FONT]
[FONT=&quot]دازت يمكن نص ساعة والميلود داز من جهتي.غير شافني قال لي : ياكْ ما عجبك المنظر هنا[/FONT][FONT=&quot].
[/FONT]
[FONT=&quot]ما فادني غير قلت لو الحقيقة.هاد المرة الميلود ضحك علي بالمعقول : باين راك حاصل ، ياكْ ؟[/FONT][FONT=&quot]
[/FONT]
[FONT=&quot]جاوبتو : راكْ تشوف [/FONT][FONT=&quot]
[/FONT]
[FONT=&quot]المهم نزل من الدراجة ديالو وجا يشوف آش عندها اسمهان[/FONT][FONT=&quot].
[/FONT]
[FONT=&quot]الصراحة تقال ، الميلود يفهم مزيان لدرجة أنه في ظرف ربع ساعة لقى الخلل وبالطبع حتى لبياسة تكلّف بيها[/FONT][FONT=&quot].
[/FONT]
[FONT=&quot]مين سالا ، قلت لو : الله يرحم الوالدين وبالطبع واعدتو بأن غدّا إن شاء الله الكاسكروط على حسابي[/FONT][FONT=&quot]
[/FONT]
[FONT=&quot]الميلود ضحك وقال لي : الى كان هكدا غادي نصايب لك الدراجة ديالك كل ما توْقع[/FONT][FONT=&quot] en panne

[/FONT]
[FONT=&quot]الجزء الثالث[/FONT][FONT=&quot] :[/FONT][FONT=&quot]العمل في مرزوك[/FONT][FONT=&quot]

[/FONT]
[FONT=&quot]وصلنا لمرزوك مع العشرة وربع.الحمد لله لقينا التلاميذ باقيين يلعبو قدّام المدرسة.غير شافونا جاوْ يجريوْ لعندنا.هي هاديك دخّلت التلاميذ ديالي باش نقرّيهوم[/FONT][FONT=&quot].
[/FONT]
[FONT=&quot]أول حاجة اللي قمت بها هي مراقبة الأدوات المدرسية.الحمد لله التلاميذ شاريين الكتب والدفاتر.كان خاصهوم شي حوايج بحال الأغلفة والتيكيتات[/FONT][FONT=&quot] هادو جبتهوم معايا.[/FONT][FONT=&quot]
[/FONT]
[FONT=&quot]تقريبا ساعة قضيتها باش نغلّف ليهوم الكتب ونكتب الأسماء ديالهوم فالدفاتر[/FONT][FONT=&quot].
[/FONT]
[FONT=&quot]مع ديك لحْداش و30 دقيقة ، قلت ليهوم : الاستراحة[/FONT][FONT=&quot] .
[/FONT]
[FONT=&quot]هي هاديك مشيت عند الميلود ولقيتو يوجد أتاي ويسلق شي بيضات.خوكم الحوميدي ما دخلش بيدّيه خاويين .حتى أنا جبت معايا الفرماج والكونفتير والخبز[/FONT][FONT=&quot] .
[/FONT]
[FONT=&quot]كلينا وتحدثنا فأمور عادية لا علاقة لها بالتعليم[/FONT][FONT=&quot].
[/FONT]
[FONT=&quot]جات الطْناشْ، قلت للميلود غادي نخدم واحد الساعة مع التلاميذ[/FONT][FONT=&quot].
[/FONT]
[FONT=&quot]التلاميذ ديال الثالث قرّيتهوم شوية الرياضيات والفرنسية والتلاميذ ديال الأول اعطيتهوم ورقة وقلت ليهوم : يا الله كتبوا اللي بغيتو [/FONT][FONT=&quot]
[/FONT]
[FONT=&quot]شافو فيا بجوجهوم .واحد فيهوم قال لي : أسّي ما نعرفش نكتب[/FONT][FONT=&quot]
[/FONT]
[FONT=&quot]ابتاسمت : انا عارف باللي ما تعرفش تكتب ولكن شدْ الستيلو ، غادي تخرج منّو لكتابة[/FONT][FONT=&quot].
[/FONT]
[FONT=&quot]التلميد حار لو لعجب : أسّي غادي تعلّمني[/FONT][FONT=&quot] .
[/FONT]
[FONT=&quot]شجعتو : غير اكتب[/FONT][FONT=&quot]
[/FONT]
[FONT=&quot]المهم بداو يخرمزو فالورقة حتى رجعات الورقة كلها رموز غريبة[/FONT][FONT=&quot] .
[/FONT]
[FONT=&quot]من بعد اعطيتهوم ورقة تانية وقلت ليهوم : باراكة عليكوم من لكتابة .فهاد الورقة غادي ترسمو[/FONT][FONT=&quot].
[/FONT]
[FONT=&quot]بحال المرّة اللّولى ، عاود قالو لي : ما نعرفوش نرسمو[/FONT][FONT=&quot].
[/FONT]
[FONT=&quot]قلت ليهوم : رسمو ولد[/FONT][FONT=&quot] .
[/FONT]
[FONT=&quot]بداوْ يشوفو فيا حالّين فمْهومْ.كان علي نساعدهوم[/FONT][FONT=&quot].
_" [/FONT]
[FONT=&quot]شوفو ...رسمو دائرة بحال هادي....زيدو خط بحال هدا[/FONT][FONT=&quot].....
[/FONT]
[FONT=&quot]بقيت نمشي معاهوم خطوة خطوة حتى رسمنا ولد[/FONT][FONT=&quot]
[/FONT]
[FONT=&quot]التلاميذ فرحو : أسّي نعرفو نرسمو[/FONT][FONT=&quot]
[/FONT]
[FONT=&quot]ابتاسمت : تعرفو ترسمو مزيان ...اوى لكتابة حتى هي بحال الرسم .غادي نرسمو كل نهار حرف .واش مستعدّين[/FONT][FONT=&quot]
_ [/FONT]
[FONT=&quot]نعمْ أسّي مستعدّين[/FONT][FONT=&quot]
_ [/FONT]
[FONT=&quot]يا الله كتبو معايا هاد الحرف. " ب[/FONT][FONT=&quot]"
[/FONT]
[FONT=&quot]التلاميذ كتبوه وخا بصعوبة ولكن بعد 10 ديال المرات نجحو فالكتابة ديالو[/FONT][FONT=&quot].
_ [/FONT]
[FONT=&quot]اوى هدا نقراوه بَ[/FONT][FONT=&quot]
[/FONT]
[FONT=&quot]بهاد الطريقة اجعلت التلاميذ يبغيو لقراية[/FONT][FONT=&quot] .
[/FONT]
[FONT=&quot]في ظرف تقريبا نص ساعة تقريبا جعلت الرغبة ديالهوم فالقراءة والكتابة تقوى[/FONT][FONT=&quot] .
_ [/FONT]
[FONT=&quot]اليوم باركة عليكوم غير هاد الشي.غدّا ان شاء الله غادي نجيب ليكوم أوراق الكتابة والقراءة[/FONT][FONT=&quot]
[/FONT]
[FONT=&quot]مع ديك الوحدة شدّيت الطريق لمدرسة لقرارشة.الميلود حيت ساكن فالمدرسة كلّفتو باش يقابل التلاميذ ديالي حتى لموعد الخروج اللي هو الجوج والنص[/FONT][FONT=&quot].
[/FONT]
[FONT=&quot]مين وصلت لقيت نور الدين يساين فيا.بالطبع باين زعفان[/FONT][FONT=&quot] :
[/FONT]
[FONT=&quot]سّي حميد الله يرحم الوالدين تبقى تجي شوية بكري.راه تقريبا ساعة وْ أنا واقف هنا[/FONT][FONT=&quot].
[/FONT]
[FONT=&quot]شفت فيه وجاوبتو : اسمح لي ما يمكنش ليا نجي بكري .خاصني نخدم مع التلاميد على الأقل 3 ساعات[/FONT][FONT=&quot] .
[/FONT]
[FONT=&quot]المشكل أنهم بتلاثة بيهوم كانو متافقين بيناتهوم لدرجة أنني فهمت باللي يقدرو يكركبوني الى ما تفاهمتش معاهوم.في الأخير تفاهمت معاهوم نْجي لعندهوم مع الطناش و30 دقيقة.كان علي نوصل لهاد الحل والا غادي نحصل غير فالمواصلات[/FONT][FONT=&quot].
[/FONT]
[FONT=&quot]من بعد وقعو لي مشاكل مع السكان وبالطبع حتى مع المدير بسبب هاد التوقيت .هادا موضوع آخر غادي نتحدثو عليه فالحلقة القادمة

[/FONT]
[FONT=&quot]الى اللقاء مع الحلقة الخامسة[/FONT][FONT=&quot]
[/FONT]
 

bouchaib56

::مراقب مغربي ::

غير متصل
#9
رد: مذكرات حوميدي الجديدة : عودة إلى الأرياف

اخي حوميدي احمد الله بعث الله لك صديق وهو ميلود نعم الصديق في العشرة والديبناج الحمد لله
لكن روح العمل فيك باش تخدم مع تلامذك تصطدم بمشكل النقل ولكن كما
يقال الضرورة تبيح المحظورات والمترتب عنه مواجهة اباء التلاميذ
والمدير والله يكون في عونك الزغبي مازلنا نستافذو منك في مشاكل
تعليمية تربوية وطريقتك في حل معظمها لعل الاساتذة الشباب الذين سيختارون
هذه المهنة الشاقة يكونون فكرة عن ولوجية ميدان التعليم
 

bouchaib56

::مراقب مغربي ::

غير متصل
#10
رد: مذكرات حوميدي الجديدة : عودة إلى الأرياف

القاء النظرة الاولى على المقر الجديد
وكما يقول المثل المغربي
على الاقل
في تبدال المنازل راحة

وتبدا تدور عجلة الحياة المدرسية من
جديد بكل همها ومشاقها سيئها وخيرها
 

bouchaib56

::مراقب مغربي ::

غير متصل
#11
رد: مذكرات حوميدي الجديدة : عودة إلى الأرياف

اخي حوميدي انا متواجد معك واتتبعك خطوة خطوة
اولا
بصحت القسم الجديد الذي نافذته لا تدخل الا قطة بمعنى اختناق في الهواء
ثانيا
ظهر لي فلتتي الغرارسة لانها قريبة من المركز احسن بكثير من مرزوقة
تربط الموطور الذي سميته اسمهان وتتمم الطريق بالمشي على الاقدام
باختصار كلكم في الهوى سوى
 

Houmidi59

::الفارس المغربي ::

غير متصل
#12
رد: مذكرات حوميدي الجديدة : عودة إلى الأرياف

[font=&quot]الحلقة ال[font=&quot]خامسة[/font][/font][font=&quot] : [/font][font=&quot] بداية المشاكل مع السكان ومع المدير(1)
[font=&quot]الجزء الأول : بداية المشاكل (1)[/font]
[font=&quot]داز تقريبا أس[font=&quot]بوع وخوكم حوميدي يمشي مع الإخوان [font=&quot]عل[font=&quot]ى الطريقة اللي فرضو عليه وهي فالصباح ن[font=&quot]خ[/font]رجو من وجدة مع التمنية وفلعشية نرجعو مع الطناش والنص.الميلوك كان الله يجازيه بخير يقابل ليا التلاميذ ديالي لا فالصباح ولا فلعشية.هو فالحقيقة هو السبب الرئيسي ديال المشاكل.السكان كانو يشوفوه كل نهار ويبان ليهوم غير هو اللي خدّام ، حيت القسم ديالو مفتوح أما القسم ديالي كان مسدود .
[font=&quot]واحد النهار يا الله فاش وصلت قال لي الميلود بعد التحية الصباحية :
[font=&quot]_ خويا حميد المدير اتّاصل بيا هادي نص ساعة وسوّل عليك .
[font=&quot]ردّيت عليه : اوى آش قولتي ليه ؟
[font=&quot]_ قلت لو راك باقي ما وصلتي وقلت لو راه ما يكون غير الموطور دارها بي[font=&quot]ك[/font] .
[font=&quot]_ مزيان عندك الحق ، حتى انا داك الشي اللي غادي نقول ليه.
[font=&quot]يا الله بغيت نمشي للقسم ديالي والميلود يعيّ[font=&quot]طْ عليا :
[font=&quot]_ أجي باقي ما ساليت كلامي ...
[font=&quot]_ واه ...ياكْ ما شي حاجة أخرى ماشي زينة للس[font=&quot]ماع
[font=&quot]ضحك الميلوك : بحال الى علمك الله
[font=&quot]قرّبت منّو : الله يسمّعنا [font=&quot]سماع[/font] الخير
[font=&quot]_ اودّي موحال الى كاين شي خير فهاد لكلام
[font=&quot]_ اوى غير كول راحنا مستعدّين
[font=&quot]_ اللي كاين يا خويا حميد ، المدير راها طايرا لو بزاف منك.
[font=&quot]خوكم الحوميدي بقى ساكت وينتظر الميلود يشرح لو .
[font=&quot]_ ر[font=&quot]اه فخبارو كولشي .الصباح وقتاش تجي ولعشية وقتاش تمشي.راه قالها لي بالطاي طاي
[font=&quot]الميلود شافْ فيا وزاد قال لي : خويا حميد انا يظهر[font=&quot]أن[/font] [font=&quot]السكان باعوك وماشي بعيد تكون كاع لقبيلة مورا هاد الش[font=&quot]ي
[font=&quot]_ ولكن يا خويا الميلود ، السكان ما زال ما شفتهوم.يا الله شي جوج ديال الناس كانو جاوْ يسلمو عليك.ياك باقي عاقل : صاحبك الشيشان وهاداك الرجل الزين عبد العزيز
[font=&quot]الميلود هزْ راسو : أخويا هاد السكان راهوم موالفين يشكيوْ بالمعل[font=&quot]ّمين.راهوم من قبل شكاوْ بخونا شْعيبي وبالهواري
[font=&quot][font=&quot]هاد الجواب الصراحة فرحني.ا[font=&quot]احمد لله أنا ماشي اللّول وهادا عادي حيت اللي جا لهاد القنت ما يمكنش يبقى النهار كامل والّا موحال يلقى المركوب
[font=&quot]_ شوف خوي[font=&quot]ا الميلود غدّا ان شاء الله غادي نمشي ديريكت عند المدير ونشرح لو اللي كاين.
[font=&quot]الميلود استحسن الفكرة: مزيان ولكن لعشية وقتاش غادي ترجع لوجدة ؟
[font=&quot]_ كي العادة مع الطناش والنص.
[font=&quot]_ خويا حميد علاش ما تخلّيهاش الوحدة ؟
[font=&quot]_ عندك الحق ولكن لخّوت راني ما خبرتهومش
[font=&quot]_ ما تخافش ما يقدروش يمشيوْ بلا بيك ومن الفوق انا غادي نتّاصل بيهوم ونقول ليهوم الموطور ديال حميد حبسْ لو فالطريق.
[font=&quot]المهم م[font=&quot]شيت[/font] للقسم ديالي وخدمت مع التلاميد حتى للساعة لحداش والنص.
[font=&quot]فوقت الاستراحة مشيت عند الميلود ولقيتو داير كاس أتاي .هي هاديك حطّيت فالطابلة الكاشير والفرماج وجوج خبزات.
[font=&quot]الميلود ابتاسم : راك مولا خير أخويا
[font=&quot]ردّيت عليه : [font=&quot]حميد عايش فالخير من بكري
[font=&quot]الميلود جبدْ 20 درهم وقال لي : خويا حميد من اليوم فيفتي فيفتي فالماكلة.حتى انا خاصني نخلص حقي فالكاشير والفرماج
[font=&quot]المه[font=&quot]م كلينا وتحدثنا في أمور كثيرة ومرة مرة كنا نتكلمو على السكان
[font=&quot]- قولْ لي خويا الميلود ، كي دايرة علاقتك مع قوم مرزوك ؟
[font=&quot]الميلود ضحك وقال لي : آش غادي نقول لك علاقة فشي شكل .شي وحدين يجيوْ لعندي فلعشية ويبركو معايا حتى لوقت المغرب ويمشيو في حالاتهوم
[font=&quot]_ اوى بعدا راهوم يجيبو لك ما تاكول وتشرب.
[font=&quot]_ آش عندهوم ما يجيبو الله يهديك .....
[font=&quot]_ كيفاش ما فهمتش
[font=&quot]_ أسيدي هوما اللي يشمو ريحة المرميطة ويجيو باش ياكلوهالي
[font=&quot]_ تبارك الله خويا الميلود حتى نمشي عاد تبان لك الكاميلة
[font=&quot]_ أخويا حميد واش بغيتني نصوم النهار كامل
[font=&quot]_ واخا أسيدي غادي نجيب معايا كل نهار كاسكروط ونتقاسموه
[font=&quot]_ واخا ولكن فيفتي فيفتي
[font=&quot]_ مشات !!!!!!

[/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][font=&quot] الجزء الثاني : الحديث عن المشاكل فالسيارة (2)

[font=&quot] مع الوحدة شدّيت الطريق لقرارشة.بالطبع لقيت نور الدين وأمين وموسى يستانّاو في[font=&quot]ا[/font] وباينة عليهوم ما عاجبهومش الحال[font=&quot].[/font]
[font=&quot]نور الدين هو اللي بدى النقاش :
[font=&quot]_ أخويا حميد كيفاش هاد التعطيلة ؟
[font=&quot]جاوبتو : ياكْ قالكوم سّي الميلود اللي كاين
[font=&quot]أمين تابع النقاش : ما قال لينا والو
[font=&quot]جاوبتو : راه ماشي معاك اللي تكلّم مع نور الدين
[font=&quot]موسى بغى يوضع حد للنقاش : [font=&quot]ص[/font]افي ما كاين مشكل.السيد خسر ليه الموطور فالطريق .اوى ما فيها باس الى اليوما مشينا مع الوحدة والنص
[font=&quot]شفت فموسى وقلت لو : خويا موسى ، حتى غدّا ان شاء الله غادي نجي مع الوحدة ويمكن كاع الايام ديال الخدمة
[font=&quot]نور الدين طارت لو : ها اللي ما بغيناش ؟
بالطبع كان علي نقول ليهوم اللي كاين، ربما [font=&quot]هاد الاخوان يشوفو لي شي حل.
[font=&quot]فعلا موسى اتّافق معايا على التوقيت وزاد قال لي : خاصك غدّا تمشي عند المدير وتشوف آش تحت راسو
[font=&quot]فالطوموبيل كان الحديث غير على سكان مروزك وحتى على الميلود.
[font=&quot]شي شوية قال لي موسى : خويا حميد انا يبان ليا أن الميلود هو السبب ديالك فهاد المشكل اللي راك واقع فيه.
[font=&quot]هي هاديك شرح لي : الميلود يبقى النهار كامل فالمدرسة.السكان مين يشوفوه يقولو باللي راه خدّام ويشوفو القسم ديالك غادي يحسبوك سالت.
[font=&quot]_ اوى المعمول ؟
[font=&quot]_ خاصو حتى هو يبقى يمشي ويرجع كل يوم
[font=&quot]_ زعما ما خاصّوش يخيّ[font=&quot]م فالمدرسة
[font=&quot]أمين ضحك وقال لينا : الميلود ما يقدرش يدير لانافيط حيت ما يقدرش يتمشى.راه مسكين دار عملية
[font=&quot]اللي كان ختمت الموضوع وقلت ليهوم باللي غدّا يبان لخبر.
[font=&quot]وصلنا لوجدة [font=&quot]وتفارقت مع الاخوان بعدما طلبت منهوم باش غدا يجيو شوية بكري حيت خاصني ندوز عند المدير.
[font=&quot]نور الدين جاوبني : ما كاين مشكل[font=&quot] .نلقاوك مع السبعة والنص

[font=&quot]الجزء الثالث : زيارة المدير

[font=&quot]فالصباح يا الله وصلت لفرعية لقرارشة ، خديت الموطور ومشيت لبصارة .الأخ موسى [font=&quot]كان نصحني باش نمشي مع واحد الطريق مختصرة.هي فالحقيقة بيست ولكن دغيا نوصل ومنها نمشي لواحد السيكليست حيت كان عندي مشكل فالموطور.
[font=&quot]فالطريق حبس[font=&quot]ات ليا الدراجة.هاد المرة ماشي المشكل ديال البوجي او حتى الرويضة.اللي كاين ما بغاتش تتمشى.
[font=&quot]جاب الله ما كنتش بعيد على هاد البلدة.تمشيت واحد ربع ساعة ووصلت عند السيكليست .
[font=&quot]دام الاصلاح ديال الموطور ساعة تقريبا .مين خرجت من عند[font=&quot]و كانت الساعة تقريبا العشرة.وصلت للمركزية كانو الاساتذة فالاستراحة.هي هاديك عيطو عليا باش نشرب معاهوم أتاي...ولكن كان خاصني نشوف بعدا المدير.
[font=&quot]الا[font=&quot]خوان قالو لي : أجي بعدا واحكي لينا على اولاد مرزوك.راحنا نعرفوهوم مزيان.
[font=&quot]حكيت ليهوم اللي كاين وهوما يسمعوني .من بعد واحد فيهوم قال لي : هادوك السكان راسا خامجة.المعلم اللي يخدم عندهوم يشكيوْ بيه
[font=&quot]شي معلم آخور قال لي : الى بغيت تتهنى من صداعهوم ، ديرْ بحال الميلود
[font=&quot]معلم ثالث قال لي : وايّاك هادو بغاونا نكونو خدّاما ديالهوم
[font=&quot]المهم الاخوان قالو لي ما تقلش راحنا معاك
[font=&quot]هي هاديك مشيت عند المدير .بعد التحية والسلام ، اعطاني المدير ورقة وقال لي هدا استفسار خاصك ترد عليه .
[font=&quot]درت راسي ما عارف والو : ديالاش هاد الاستفسار ؟
[font=&quot]المدير ماشي من دوك الناس اللي يرضعو اصباعهوم : شوف الله يخليك راك عارف كولشي
[font=&quot]_ الله يخلّيك يا السيد المدير أنت عاطيني استفسار وتقول لي عارف.زعما آش عارف [font=&quot]؟
[font=&quot]_ واخا أسّي عبد الحميد السكان في مرزوك كيشكّاو منك حيت كيقولو راك [font=&quot]تجي معطّل وكتمشي بكري.واش [font=&quot]هاد الشي كاين او لا [font=&quot]؟[/font]
[font=&quot]خوكم الحوميدي ديما صريح : كاين ، اوى من بعد
[font=&quot]_ اسّي عبد الحميد راه عندك است[font=&quot]عمال الزمان خاصك تحتارمو وهو الدخول من التامنة صباحا والخروج مع الثانية والنصف
[font=&quot]_ ما يمكنش ليا نطبق هاد التوقيت في ظروف بحال هاد[font=&quot]ي.
[font=&quot]_ كيفاش زعما [font=&quot]؟[/font]
[font=&quot]_ او[font=&quot]ى[/font] الموطور يحبس مرة مرة وزيد عليها الطريق واعرة كلها حفاري وحجر.
[font=&quot]_ عندك الحق .حتى انا شرحت للسكان باللي الاستاذ ما يقدرش يوصل فالوقت حيت عندو مشكل مع المواصلات فالصباح ولكن فلعشية خاصك ترجع فالوقت .
[font=&quot]_ ما يمكنش خاصني نمشي بكري باش نلحق على الاساتذة والا خلّاوني
_ شوف [font=&quot]أ[font=&quot]أستاذ خاصك تحتارم الوقت والا غادي نكتب بيك.
[font=&quot]قبل ما نخليه قلت لو : غادي[font=&quot] نرسل ليك [font=&quot]جواب الاستفسار مع الميلود مين غدّا يوصل عندك
[font=&quot]_ وهو كذلك
[font=&quot]بالطبع يا الله خرجت من عند المدير عيّط لي صاحبي حميد وقال لي : ياكْ
ما داروها ؟
[font=&quot]جاوبتو : داروها وها العربون: المدير اعطاني استفسار وخاصني نجاوب عليه.


[font=&quot]الى اللقاء مع الحلقة السادسة[/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font][/font]
[/font][/font]
[/font]
 

bouchaib56

::مراقب مغربي ::

غير متصل
#13
رد: مذكرات حوميدي الجديدة : عودة إلى الأرياف

الصراحة الرياح اصبحت في الاتجاه المعاكس ميلودك الغزال من الاباء الى المدير
الاستفسار والله كانك امامي الان في المشكل لاحول ولاقوة الا بالله
امورك ليست بخير
على ضرب المثل
فكها يا من وحلتيها
الله يكون في عونك لله شهادة طبية ومن بعد يفكها ربي حتى تمر السنة
والمشكل كنعرفك دوغري يا مسكين ماتعملها
الان اطرح عليك سؤال لو وقع لك ما وقع في هذه الواقعة الان في هذا الوقت ميلود الساكن في الدوار فاضحك والاباء تتردد عليه ولا تجده الا هو
في كل وقت زاد حمى عليك السوق الاباء يشتكون المدير الان يستفسرك ماذا كنت ستعمل كحل لهذا المشكل؟
 
التعديل الأخير:

Houmidi59

::الفارس المغربي ::

غير متصل
#14
رد: مذكرات حوميدي الجديدة : عودة إلى الأرياف

الصراحة الرياح اصبحت في الاتجاه المعاكس ميلودك الغزال الى الاباء الى المديسر
الاستفسار والله كانك امامي الان في المشكل لاحول ولاقوة الا بالله
امورك ليست بخير
على ضرب المثل
فكها يا من وحلتيها
الله يكون في عونك لله شهادة طبية ومن بعد يفكها ربي حتى تمر السنة
والمشكل كنعرفك دوغري يا مسكين ماتعملها
الان اطرح عليك سؤال لو وقع لك ما وقع في هذه الواقعة الان في هذا الوقت ميلود الساكن في الدوار فاضحك والاباء تتردد عليه ولا تجده الا هو
في كل وقت زاد حمى عليك السوق الاباء يشتكون المدير الان يستفسرك ماذا كنت ستعمل كحل لهذا المشكل؟
لا تقلق أخي بوشعيب الأمور من بعد غادي ترجع مزيانة ولكن ما نقدر نقول لك والو فهاد الساعة .
الحلقة ديال الغد غادي يكون فيها جواب التساؤلات ديالك
تصور باقي ما كاتب الحلقة 6 لحد الساعة وغادي كي العادة نكتبها على المباشر بالاعتماد على الذاكرة
يا الله يومك مبروك


 

Houmidi59

::الفارس المغربي ::

غير متصل
#15
رد: مذكرات حوميدي الجديدة : عودة إلى الأرياف


الحلقة السادسة : بداية المشاكل مع السكان ومع المدير(2)

الجزء الرابع :بعدما طلع لي الدم

وصلت لمرزوك مع لحضاش وبالطبع طالع ليا الدم وما عندي كانة للخدمة.لقيت خونا الميلود ناعس ومن الفوق يتموسق ( يستمع الى الموسيقى ) مع راسو.التلاميذ ديالو خدامين بالمعقول : كانو يرسمو ويلونو في كتاب التربية التشكيلية.
شوفو هاد خونا بالله ، كل ما ندخل عندو نلقى التلاميد ديالو ديما غير يرسمو أو يلونو.هاد المرة ما بغيتش نفيقو.هي هاديك قلت مع راسي نْدير شي طلّة ونشوف كيفاش دايرة الخدمة ديال الأستاذ.ما نكدبش عليكم الى قلت ليكوم باللي خونا بالله راه محطم الرقم القياسي ....ردّو بالكوم فالتربية التشكيلية !!!!! تصورو أن هاد لبراهش طحنو تقريبا 16 درس من 24 درس مقررة فالبرامج ديال وزارة التربية الوطنية واحنا ما زال في شهر اكتوبر.بالنسبة للرياضيات اوى هادي حاجة أخرى : حتى درس واحد ما مخدوم على حقو وطريقو .بالنسبة للمواد الأخرى : خلّيوْ الجمل راكدْ ههههه.
شفتْ فواحد التلميذ يظهر باللي ذكي وماشي بعيد عندو رغبة كبيرة فالقراءة.الدليل الدفاتر ديالو نقيين وخادم التمارين ديالو ويمكن نقول باللي أن الأغلب ديالها صحيحة.
_ قلْ لي أولدي كاين شي واحد فالدار يعاونك باش تخدم التمارين ؟
جاوبني بدون تردد : الأم ديالي .
الصراحة تعجبت وخاصة راحنا فالبادية والناس هنا أميين ، اللي قاري فيهوم حافظ شي سور قرآنية : واه أمّك قارية !!!!!
رد علي : عندها الباك أأستاذ
أول مرة نسمع باللي إمرأة من لعروبية عندها مستوى عالي والباكلوريا .هاد الملاحظة قلتها لهاد الولد الذكي وبالطبع برهن ليا باللي راه أذكى من داك الشي اللي نتصوّر : أستاذ حنا من لمدينة وراه جينا نسكنو هنا حيت لقينا جو البادية صحي ومفيد.
_ تبارك الله وعندكوم شي دار هنا ؟
_ نعم أستاذ عندنا فيرما كبيرة وفيها الما والضو وعندنا التلفزة والبارابول.
خوكم الحوميدي ديما عزيز عليه التقشاب ومع راه طالع ليا شوية الدم قلت لهاد الطفل الشبه قروي بنبرة التهكم : زعما دالاس ياكْ ولكن خاصكوم غير التيليفون.
هاد التلميذ ضحك وقال لي : ما نقدروش نديروه حيت الركايز ما دايزينش من هاد الجهة
_ ولكن عندكوم البورتابل
_ غير أبّا لعندو يا أستاذ
هزيت راسي باش ننهي الحديت ومنها نوافق على كل كلمة قالها هاد البورجوازي المزيف.
هي هاديك قرّبت من خونا الميلود .نسيت باش نقول ليكوم باللي الراديو هو اللي كان يتموسقْ( يسمع للموسيقى ) ماشي هو .الراديو كان مطفي ، هو كان يشخر .
غير شعلت الراديو على فور جهدو ، خونا بالله قفز من فوق المقاعد وطاح فالأرض بحال شي خنشة ديال البطاطا توزن نص قنطار : اززززدرااااااااف (zdddddroufffffffffffffffffffffff)
غير شافني رجعات فيه الروح وهادا ما منعوش باش يقول ليا : واطيّرتي منّي خلعة واش من خلعة.
خوكم الحوميدي قلبها عليه : أخويا انت اللي خلعتيني .كنت حاسبك مريض .
ناض ودار جوج تنقيزات وقال لي : هانا شوف خوك ديما أون فورمْ (en forme)
_ تبارك الله عليك راك حامض بالنعاس وريحتك راها طالقة
خونا الميلود ماشي من دوك الناس اللي يتقلقو دغيا وهو زيادة على هاد الصفة مراوغ كبير.غير تمْ تمْ ، قال لي : وأنت ياخويا فين هاد التعطيلة ؟ ياكْ ما اسمهان دارتها عاود تاني ؟
_ بالعكس اسمهان بعدما اخديتها للسيكليست راها بخير وعلى خير ..
_ اوى ؟
_ كنت عند المدير .
الميلود راه فهم باللي القضية ما تعجبش .هي هاديك قال للتلاميد : استراحة يا الله اخرجو تستاراحو.
غير التلاميد غبرو ، قال لي : أجي نشربو شي كاس أتاي واحكي لي كولشي.
يا الله الميلود فاش امشى يعمّر المقراج ( الغلّاي) وخوكم تبان لو شي صينية مغطية فوق الطبْلة .قلت للميلود : شوف لهيه ، يمكن شي بركة خرجات ليك من الحَلْمة
الميلود حنزَزْ مزيان ، بحال الى ما تايقْشْ : شكون زعما اللي يكون جاب
هاد البركة ؟
سمعنا شي صوت من برّا يقول : راه جابها عبد العزيز ومين لقاك ناعس ما بغاشْ يفيقكْ وقال لينا مين يفيق الاستاد قولوها لو.
المهم ، كشفنا على الصينية ولقيت براد أتاي ومعاه خبزة وشي بيضات وشوية مسمّن.
كلينا وشربنا بلا ما نهضرو.يمكن الميلود كان عارف باللي دغيا غادي ننفاعل.هادي عندو فيها الحق.
بعدما سالينا من الأكل والشراب حكيت لو كولشي .خونا الميلود سمعني بلا ما قاطعني لحظة واحدة. دازت تقريبا جوج دقايق والميلود كان يخمّم .من بعد قال لي : أشنو هو المعمول دابا ؟
هو اللي جاوب على السؤال ديالو : انا في نظري تشوف مع لخّوت شي توقيت مناسب ...
قاطعتو : ما يبغيوش يا خويا الميلود ومن الفوق تقدر تقول باللي راهوم شادّينّي باليد اللي توجعني
_ كيفاش زعما ؟
_ هوما عارفين باللي المركوب قليل وعلى الخصوص فالصباح
الميلود كان حكيم : شوف احكي ليهوم وقول ليهوم اللي كاين ، ربما يلقاو ليك شي حل
_ عندك الحق.
خليت الميلود ومشيت للقسم ديالي زعما باش نخدم.المشكل ما بقاتش عندي الكانة للخدمة.يا الله دخّلت التلاميذ وأنا نتفكر كلام المدير.ما نكدبش عليكوم يا خوتي اكرهت التلاميد كاملين وكرهت الآباء ديالهوم.شفت فيهوم وقلت ليهوم : هاد النهار ما مقريكومش وحتى واحد ما يسالْ لّي.
التلاميد مساكين حيت هوما ابرياء شافو فيا ساكتين .
شي شوية قلت ليهوم : راني شوية مبرزط .ما نقدرش نقرّيكوم هاد النهار.يمكن غادي نمشي في حالاتي ، ربما غدّا نكون مزيان.
فعلا جمعت حوايجي وصيفطتْ التلاميد لديورهم خلافا لما كنت نقوم بيه، حيت كانو التلاميد ديالي يبقاو مع الميلود حتى للجوج والنص.
الميلود لاحظ هاد التصرف وقال لي : حميد راك كرفصتيها.التلاميد غادي يوصلوها لبّاواتهوم سخونة
قبل ما نركب فالموطور جاوبتو : داكْ الشي اللي أنا باغي

الجزء الخامس : مين تلاقيت إخوان لانافيط.

مين وصلت لفرعية لقرارشة ، لقيت أمين مع لفقيه في حديث عن قال الله وقال الرسول.اول حاجة قلتها لسّي أمين : تبارك الله أخويا أمين والمعلّم آش قال ؟
بجوجهوم شافو فيا .لفقيه ابتاسم : اسّي حميد قولْ بعدا غي السلام عليكم
ردّيت عليه وعليكم السلام
أمين قرّبْ منّي : ياكْ ما تخاصمتي مع الميلود ؟
اضحكت : الميلود غير دريويش
_ اوى شكون اللي طيّرها ليك ؟
_ انتوما أخويا وراكو خرجتو علي وندّمتوني على الانتقال لوجدة
أمين شدني من يدّي : أجي أخويا حميد واشرب شي كاس حليب بارد ومن بعد احكي لينا اللي واقع.
بعدما سمع القصة ديالي مع المدير، حتى هو بْدى يفكّر وقال لي : فعلا مشكل هادا .
شي شوية ، قال لي : غادي نعيَّطْ على لخّوت باش يجيوْ ونشوفو كي نديرو نحلّو المشكل.
يمكن ربع ساعة دازت وموسى ونورالدين يدخلو علينا.للمرة الثالثة حكيت ليهوم اللي واقع وختمت كلامي : دابا آش المعمول ؟
نور الدين قال لي : ما عندو ما يدير .
خرّجت لو الاستفسار : وهادا ما كافيش ؟
موسى كان حكيم : شوف اسّي عبد الحميد ، أنا في نظري ترد على الاستفسار وتقول لو باللي الظروف ديال العمل ما متوفْراش ومن ذلك الحجرة مظلامة والطريق كلها حجر والاهم المواصلات منعدمة وباللي راك تمشي مع أساتذة ديال عين الصفاء
فعلا داك الشي اللي غادي ندير.المهم قلت للإخوان يا الله نرجعو في حالاتنا لوجدة.
يا الله تمشينا شي ربع ساعة ويتّاصل بيا الميلود وقال لي : حميد ، راه سوّل فيك المدير .
_ اوى آش جاوبتيه ؟
_ قلت لو باللي راك عيّان شي شوية وراك مشيتي لوجدة.
_ مزيان واشْ قال ليك ؟
_ قال لي باش نقول لك مين تجي غدّا ماتنساش تجيب جواب الاستفسار
غير ساليت المكالمة ، قلت لخّوت : خونا بالله باقي شاد فيا .راه باغيني نجاوب على الاستفسار.



الجزء السادس : مين بغيت ندبّر على راسي

فالدار لاحظت الزوجة ديالي باللي ما رانيش مزيان.بالطبع قلت ليها اللي كاين.الزوجة ديالي كتعرفني نخدم وما عمرو ما غشّيت فالعمل .لهادا قالت لي : شوف شي واحد يتكلّم مع هاد المدير قبل ما يكتب بيك .
شي شوية بانت لي فكرة : والله الى عندك الحق ...كاين واحد الصديق هو مدير وعندو المعارف فالنيابة.راه يقدر ينفعني.
غادي نمشي عندو دابا.
_ تغدّى عاد سيرْ لعندو.
_ نمشي دابا ما حدْني سخونْ ومن الفوق خاصني نْشدّو فالدار قبل ما يخرج.
فعلا لقيتو كان غادي ينعس .
_ اسمح لي يا سّي محمد الى جيتك فهاد لوقيتة
_ بالعكس راني فرحان بالزيارة ديالك.ادخل.
فعلا دخلنا للصّالة ديال الضيوف وجاب لي كاس موناضا .
كان علي نحكي لو اللي صار من الطاق الطاق للسلام عليكم.اسمعني بلا ما يقاطعني .فالأخير قال لي : ما تقلقش .ما غادي يوقع والو.غير انت عنداك تتغيب على العمل.خاصك تمشي كل يوم للخدمة واعتمد على توقيت ما يضرش التلاميد ديالك.
هي هاديك تفاهمنا نخدم من التسعة حتى للوحدة والنص .
قبل ما نخليه نصحني باش نجاوب على الاستفسار ونعطي للمدير الاسباب اللي جعلتني نخرج قبل الوقت.زاد فرّحني وقال لي : من جهة الاستفسارات ما تضرب ليها حساب ، أي استفسار يوصل للنيابة عندي شي صحابي فمكتب الضبط غادي يغبروه وما عمرو شي حاجة توصل.
هي هاديك رجعت راشقا لي بعدما شكرت صديقي المدير ووعدتو باش نزورو في اقرب فرصة ممكنة
فالغد تلاقيت مع الاخوان ديال لانافيط وكانت الساعة التمنية.الاخوان لاحظو باللي ما بقيتش غضبان وطالع لي الدم كي البارح.أنا حكيت ليهوم كولشي.
هي هاديك قال لي نور الدين : واخّا أسيدي غادي نمشيو مع الاستعمال الجديد ديالك ونشوفو فين غادي يوصّلنا.
يا الله وصلت لمرزوك ، لقيت الميلود ناعس كي العادة وكان عليا نفيقو من النعاس .يا الله فاق فكّر فلفطور.هاد المرة ماكاينش الصينية.
المهم خليتو يوجّد القهوة ومشيت دخّلت التلاميد باش يقراوْ.
خدمت معاهوم هاديك الساعة.شي شوية قالو لي التلاميد شي راجل راه واقف فالباب.
الصراحة أول مرة نشوف هاد السيد.قلت للتلاميد واش هادا أب ديال شي واحد فيكوم؟
كولهوم جاوبوني : لا أستاذ
هي هاديك سلّمت عليه .بعدما رد علي السلام ، قال لي ، انا رئيس جمعية آباء وأولياء التلاميذ
بعد عبارات الترحيب ومتشرفين بالمعرفة ديالكوم ، خونا بالله دخل فالموضوع : سّي عبد الحميد السكان راهوم يتشكّاوْ منّك .
_ كيفاش زعما واش ما رانيش نقرّي ليهوم اولادهوم ؟
_ حاشا ولكن ماراك تجي فالوقت وراك ترجع قبل الوقت
شفت فيه وضحكت : دبْرو لي المركوب ونحتارم التوقيت
_ أخويا هاداك شغلك
_ تبارك الله مين هادا شغلي ، علاش جاي لعندي ؟
بالطبع خونا بالله بحال الى غضب.خوكم الحوميدي اكثر منّو : شوف أسّي محمد راك هاجم علي فالمدرسة وراه معندكش الحق تدخل علي في اوقات العمل وتكون اللي تكون
قبل ما يمشي قال لي : واخّا أسيدي انا غادي نشوف مع سعادة المدير
_ اوى سعادة المدير فخبارو
قبل الساعة ديال الرجوع اعطيت الاستفسار للميلود وقلت لو الى عندك شي مشية لبصارة وصّلو للمدير او اعطيه لشي واحد غادي لهيه
جاوبني انا غادي نمشي حيت عندي شي غرض.غادي نمشي دابا باش نلحق عليه.



يتبع بعد يومين الحلقة السابعة
 

bouchaib56

::مراقب مغربي ::

غير متصل
#16
رد: مذكرات حوميدي الجديدة : عودة إلى الأرياف

الان الحمد لله اخي حوميدي انت رجل طيب وبالطبع الله سبحانه وتعالى مع الطيبين
زالت غمامة ضباب التمشكل مع المدير بمساعدة ودعم المدير صديقك
على الاقل ارتحت من كثرة التفكير تكتب الاستفسار لا تكتبه الله يكون في العون
وعلى سلامتك اصبحت في موقف قوي
نتمنى ان تنتهي اليوميات الدرامية الى يوميات الغبطة والسرور ونراك في حلقات قادمة بمفاجات ومغامرات التي لاتخلو من تشويق وفرجة وامتاع القارئ المتصفح
 

Houmidi59

::الفارس المغربي ::

غير متصل
#17
رد: مذكرات حوميدي الجديدة : عودة إلى الأرياف

الحلقة السابعة: بداية حل المشاكل مع السكان ومع المدير(1)

الجزء الأول : الخطة العزّوزية

فالغد ليه وصلت لمرزوك مع ديك تقريبا التسعة.الميلود كان فالقسم ديالو ، كي العادة في سابع نومة .التلاميذ ديالو حتى هوما كي العادة خدامين فكتاب التربية التشكيلية.ما بغيتش نفيقو ومشيت ديريكت للقسم ديالي.التلاميذ كانو ينقلو شي درس كنت كتبتو ليهوم البارح.غير شافوني وقفو.واحد فيهوم قال لي : أستاذ انت تقرّي مزيان وتتهلّى فينا.ضحكت وردّيت عليه : ولكن الآباء ديالكوم ما باغيينش يتهلّاو فيا.
التلاميذ غير سكتو .واش ما فهموش كلامي ؟ أو ربما فهمو ولكن ما عندهوم جواب.
المهم خدمت معاهوم شوية عربية وشوية فرنسية وحتى الرياضيات.
مع ديك لحضاش والنص جا وقت الاستراحة.هي هاديك خرّجت التلاميذ للساحة باش يستراحو ولكن قبل ما يخرجو اعطيت لكل واحد قابسة ( علبة ) كاطو.كل واحد فيهوم قال لي " الله يخلف".
مساكين هاد التلاميذ أبرياء .جاوْ للمدرسة باش يتعلمو يكتبو ويقراوْ ولكن واليديهيوم ما بغاونيش نخدم ويمكن بسبابهوم هاد التلاميد غادي يضيعو ..ولكن آش المعمول؟
تصورو أنا نفكر باش نجاوب على هاد السؤال وأنا نسمع شي حدْ يعيّط عليَّ:
_ الأستاذ عبد الحميد.
واحد السيد ما عمّرني سبق لي شفتو مدْ لي يدّيه باش يسلّم علي:
_ الأستاذ عبد الحميد هادي شحال وأنا باغي نتعرّف عليك والفرصة جاتْ ولكن ماشي فوقتها.
أنا درت راسي ما فاهم والو :
_ بالعكس ما كاينش أحسن من هاد الفرصة .التلاميد راهوم في استراحة .بالعكس يمكن نعطيك شوية ديال الوقت من وقتي حيت دابا حتى انا كنستراح .
الضيف الجديد ضحك وقال لي :
_ لا ماشي هادا اللي نقصد...بغيت نتكلم على المشاكل ديالك مع السكان.
صافي هاد خينا باينة جاي من طرفهوم ويمكن جاي باش يضغط علي.اوى بزاف عليه وبزاف عليهوم !!!!!!
هي هاديك بدّلت الابتسامة بواحد التخنزيرة وقلت : شوف أسّي محمد غير ارجع عند اصحابك .أنا ماشي من داك النوع اللي يقبل التهديدات وما عمرو ما نحْني راسي لشي واحد.
مسكين بقى يشوف فيا وما عْرف ما يردْ.جابْ الله الميلود اللي سمع غواتي خرج يجري .نقدر نقول هو اللي برّدني. أول حاجة دارها ، عنّق خونا بالله وقال لو : مرحبا بسّي عزّوز لمقدّم ديالنا .
من بعد شافْ فيا وقال لي : أسّي حميد هادا رجل قانوني وديال المعقول.راه البارح جا لعندي على ودْ المشكل ديالك مع السكان.راه ما عاجبوش الحال من تصرفات أفراد لقبيلة.بالعكس هو يشوف باللي عندك الحق وراه عندو واحد الحل يمكن غادي يعجبك.
شفت فلمقدّم ننتظر منّو هاد الحل .
لمقدّم ابتاسم وقال لي : الأستاذ عبد الحميد بغيت نقول ليك باللي أنا من بكري صديق الأساتذة وكندافع عليهوم وها سّي الميلود شاهد.
المهم حكى لي باللي راه تناقش معاهوم على شي صيغة ديال التوقيت ولكن هاد القوم راسهوم قاسح وناويين يردّوني نْدير داك الشّي اللي بغاوْ.
خوكم الحوميدي طلع لو الدم بالمعقول : سّي عزّوز أنا واخّا ماشي صحراوي راني معاند والى ناضت فيا الكورية راني نقربلها بالمعقول.
الميلود شدْني من كتفي وقال لي : برّد واسمع الاقتراح ديال لمقدّم من بعد عادْ احكمْ
فعلا حاولت نبرد واخّا كنت باقي نرجف من كثرة النرفزة.على كل حال ، حاولت نهدّأ من اعصابي وقلت لمقدّم : تقدر تقول لي هاد الاقتراح ديالك ونتمنى ما يكونش ضدي
جاوبني بالزربة : بالعكس ، غادي تقضي عليهوم ومية فلمية هوما اللي غادي يجيوْ حتى لعندك يطلبو منك الاعتدار.
الصراحة هادا ما كنت باغي :
_ اوى سّي عزّوز، تفضّلْ
_ الأستاذ عبد الحميد الاقتراح ديالي هو أنّك تبقى تجي مع التمنية وترجع مع الجوج والنص...
قاطعتو : كيفاش ؟ زعما راك باغيني نستاجب ليهوم ؟
ضحك الميلود وقال لي : اسّي حميد برّد واسمع لكْمالا ديال الاقتراح ومن بعد عاد احْكم
_ واخّا هاني نسمع
لمقدّم ابتاسم وقال لي : هاد الشي ما غاديش ياخودْ ليك اكثر من 3 ديال الأيام ويمكن قلْ
بعدما شافني منداهش ، زاد قال لي : شوف أسيدي من غدّا ان شاء الله غادي تكون فالمدرسة مع التمنية .غادي يدخلو التلاميد للقسم وأنْت تخرّجْ الكرسي وتستراح مع راسك حتى لموعد خروج التلاميد مع الجوج و30 دقيقة.
فعلا هادا عجيب وما يديرو غير شي احمق او مسطّي : إوى ، آش زعما غادي
يوقع ؟
_ السكان حيت هوما مراقبينك ، غادي ما يعجبهومش الحال.غادي يجيوْ لعندي ويقولو لي باللي ما راكش تقرّيهوم .انا غادي نقول ليهوم : ياكْ كان يقرّي اولادكوم .دابا غادي يحتارم التوقيت وما غادي يضرب فيها ضربة.
غادي يمشيو لعند المدير وبالطبع المدير ما عندو ما يدير حيت انت بالنسبة ليه تحتارم التوقيت.
دابا فهمت : هادي فكرة جهنمية وغادي تجعل هاد القوم يغيرو رأيهوم.
ولكن المشكل هو المواصلات .
الميلود اقتارح علي نبقى نمشي لوجدة ونرجع فالموطور .
_ ياكْ ماشي بعيد الحال وزايدون راه الحال ماشي بارد
_ عندك الحق اسّي الميلود من غدّا ان شاء الله غادي نطبق الفكرة العزّوزية
_ مين جبتي هاد العزّوزية ؟
_ صافي آالميلود ، دغيا نسيتي : الفكرة ديال لمقدّم
الميلود ضحك : ولايَنّي نمْرة أنت


الجزء الثاني : تنفيذ الخطة العزوزية

فوقت الرجوع ديالي لوجدة ، اخبرت الاخوان موسى ونور الدين وأمين بالمشروع ديالي .فالحقيقة عجباتهوم الفكرة.
نور الدين قال لي : يعني ما غاديش ترجع معانا حيت غادي تمشي فالموطور.
ردّيت عليه : فعلا خويا ويمكن غادي نغيب عليكوم يومين أو 3 على حسب انفعال القوم مع هاد الخطة.
المهم ودّعتهوم .هي هاديت شدّيت الطريق لوجدة غير بشوية علي .
مين وصلت لوجدة كانت الساعة يمكن الربعة ولكن ماشي مشكل .غادي نمشي للدار وناخود لي دوش ونتغدى ومن بعد نستاراح مع راسي.
فالصباح فقت مع النبوري وبعدما عمّرت كرش اسمهان بنسبة مهمة ديال البنزين ، شديت الطريق الى مرزوك.الصراحة المشية فالموطور مزيانة وفيها كتمتّع بالمناظر الطبيعية.
وصلت لمرزوك قبل التمنية .التلاميذ غير شافوني جاوْ لعندي يجريوْ.يمكن اول مرة يشوفوني جيت فالوقت.ولكن غادي نخيّب الأمل ديالهوم مينْ اندخّلهوم ونسمح فيهوم.الصراحة موقف ما راضيش عليه ولكن حيت بيه تنجح الخطة ديالي خاصني نصبر.من الفوق هاد السوايع غادي نخلفهوم ليهوم واخّا نخدم يوم السبت على قِبالْهوم.
جا وقت الدخول.التلاميد دخلو للقسم .خوكم الحوميدي دخل للقسم باش ياخود الكرسي ويخرج لتحت للساحة .هي هاديك خْديت ليا موقع استراتيجي باش كاع اللي داز يشوفني.طبعا باش ندوّز الوقت جبت معايا شي مجلّات وجرائد .
الميلود غير شافني وجاب الكرسي ديالو .هاد الكامبو باغي يخسّر ليا الخطة.هي هاديك جْريت عليه وقلت لو : الميلود سيرْ لقسمك وانْعسْ.أنا باغي نبقى بوحدي
الميلود فهم ويمكن دغيا توحَّشْ الناموسية الخشبية ديالو ومشى دغيا يتْلاحْ فيها.
شي شوية وصلني شخيرو وعرفت باللي خونا بالله غادي نتهنّى من التبرزيط ديالو مدّة من الوقت.
المهم دازت جوج سوايع والصراحة حسّيت بيها طويلة واخّا قريت فيها ولكن كنت مرّة مرّة كنشوف الى بانْ ليا شي واحد من السكان.
فعلا فاللّول بان ليا واحد .شي شوية غْبر .دازت واحد لوقيتة غير هو ضْهر ولكن معاه جوج ديال الناس.من الاشارة فهمت باللي راهوم يتحدثو عليا.
شي وقيتة بتلاتة بيهوم غبرو .دازت وقيتة ، هاد المرة بانو لي باللي يمكن يكونو أكثر من 10 .لعجيب فالأمر ما قدروش يجيوْ لعندي.
شي شوية شدّو الطريق ومشاوْ عند لمقدّم .الخطة العزّوزية في طريقها للنجاح.
المهم جات لحضاش والنص موعد الاستراحة .خرّجت التلاميذ.
واحد فيهوم قال لي : أستاد اليوما ما قرّيتيناشْ.واش راك مريض؟
جاوبتو : اولدي كونْ كنت مريض ما نجيشْ للخدمة.
شافْ فيا وما فاهم والو.باينة كان باغيني نشرح لو.
انا من الطبع ديالي ما نخليش بنادم حاير:
_ شوف أولدي الآباء ديالكوم تعاملو معايا بطريقة شينة (خايبة) .أنا دابا كنعاملهوم بنفس الطريقة.ما غاديش نقرّيكوم .غادي نبقى نجي ونستراح مع راسي.
التلاميد حطّو ريسانهوم .شي وحدين كانو يبكيوْ.الصراحة شفّوني ولكن خاصني نبقى قاسح القلب باش تنجح الخطة.
وقت الاستراحة دخلت عند الميلود واكلينا ما كتّب الله.الحديث كان على سكان مرزوك.
_ اوى سّي حميد ، واش كاين شي جديد ؟
_ الجديد راه فالماكازا ولقديم فالخوردة
الميلود شحال ضحك :
_ سّي حميد باراكة من لملاغة .راني نتكلم على هاد القوم .واش بانو ؟
_ كانو يبانو ويغبرو ...سبحان الله بحال لقنية.
المهم حكيت لو اللي شفت ومن بعد اختمت
_ سّي الميلود راهوم باقيين شاكّين .مورا الطناش غادي يرجعو باش يتأكدو
مورا الطناش خرّجت الكرسي ومشيت لواحد الضْليلة باش نستراح .الميلود الله يكثّر خيرو اعطاني واحد اللحاف وقال لي : علاش ما ادّيرش القيلولة ؟
_ والله الى فكرة رائعة
المهم بقيت نراقب لخّوت غير بعين وحدة حيت العين الثانية كانت مغمضة.
شي شوية لخّوت بانو ولكن هاد المرة العدد ديالهوم اكثرْ.دابا شبّهتهوم بليزانْديانْ ( les indiens ) بغيت نقول الهنود الحمر.
شي شوية سمعت اصواتهوم وهراجهوم.صافي لخوت ما بقاوش يتفاهمو بيناتهوم.ماشي بعيد شي وحدين ندمو على التصرفات ديالهوم وعرفو بأن اللي ما قنعْشْ بخبزة يقنع بْنصها.
المهم ، عاود تاني لخوت غبرو.
يمكن دازت ساعة ، ما بقاش يبان ليا الأثر ديالهوم.هي هاديك ضربتها بنعسة حلمت فيها مزيان .ما حسيت براسي الا وشّي واحد يهزْني من كتفي.
هادا الميلود ومعاه لمقدّم.
_ خويا حميد يمكن الى الخطة ديالك راه فالطريق للنجاح.
نضْت دغيا واقف : واه ...واش لخّوت مشاوْ عند المدير؟
لمقدم هو اللي جاوبني : جاوْ فاللّوّل لعندي وقلت ليهوم داك الشي اللي خبرتك بيه.واحد فيهوم قاسح الراس قال لي " غادي نمشيو عند المدير.أنا جاوبتو غير سيرْ ولا تقصّرشْ.
خوكم الحوميدي بانت لو هاد الفكرة ديال المدير فيها شوية الخطر عليه.يقدر هاد خونا بالله يكتب بيا ويقول للنيابة باللي الاستاذ كيدير العصيان المدني.ماشي بعيد يجيبو ليا لجنة ديال التفتيش.
المهم هاد الوسوسة قلتها للميلود ولمقدّم يسمع.
سّي عزّزو ضحك وقال لي : حتى انا فكرت فهاد القضية.اوى اطمئنْ: راني مشيت عند المدير واخبرتو بالخطة ديالي وراه عجباتو.
حتى هو غير يجيوهْ السكان غادي يقول ليهوم باللي الأستاذ راه قانوني وما يقدروش يديرو حتى شي حاجة لأنه راه يحتارم التوقيت.
بالطبع غادي يقولو لو : اعطينا الحل.
المدير غادي يجاوبهوم الحل عند لمقدّم.
مع ديك الجوج والنص ودّعت لمقدم والميلود وركبت الموطور ديالي قاصد وجدة وهاد المرة كنت في غاية الفرحة والانشراح


يتبع بعد يومين


 

Houmidi59

::الفارس المغربي ::

غير متصل
#18
رد: مذكرات حوميدي الجديدة : عودة إلى الأرياف

الحلقة الثامنة: نهاية المشاكل مع السكان ومع المدير(2)
الجزء الثالث : نتائج الخطة العزوزية

فالصباح كي العادة ، دخّلت التلاميذ للقسم و خرجت للساحة باش نتفجّج على قوم مرزوك.دازت واحد الساعة ، بانو لي شي وحدين واقفين ولكن ما زعموش يجيوْ لعندي.عالم الله آش كانو يقولو ؛ على كل حال باين باللي ما عاجبهومش الحال.خوتنا بالله كانو يتناقشو وماشي بعيد كانو يشوفو شي حل باش يخرجو من هاد المأزق اللي طاحو فيه.
شي شوية مشاوْ في حالاتهوم .دابا تأكدو باللي ما غاديش نخدم وغادي نبقى على هاد الحال حتى يشوفو لي شي حل.
المهم مع ديك لحضاش والنص موعد فترة الاستراحة ، خرّجت التلاميذ باش يستراحو وياكلو الكاسكروط ديالهوم؛ أنا مشيت عند الميلود.لقيتو يا الله فاش فاق من النعاس:
_ مالك أخويا الميلود ؟ واش راك مريض ؟
الميلود تكسّل مزيان وجاوبني : واه راها الطناشْ !!!!
خوكم الحوميدي لقاها مناسبة باشْ يْقَصَّرْ على هاد المعكازْ
_ راكْ غالط يا خويا مازال التمنية ما لحقات .أنا غادي ندخّل التلاميذ.يا الله وجّدْ راسك للخدمة..
الميلود شْعل الراديو .شي شوية قال لي : خويا حميد باركة من التفلية .ها لخبار ديال ميدي آن.دابا راها الطناش قل ربع.
_ اوى الله يجيبك على خير .
المهم الميلود وجّدْ لينا شي بيضات مع أتاي .كلينا وشربنا.شي شوية ، جا عزّوز باين يضحك :
_ السلام عليكم .راني جايب ليكوم اخبار الخير.
الميلود هو اللي جاوبو : اشرب بعدا شي كاس أتاي ولكن البيض ما بقاش .
لمقدم كان خاصّو يوصل لخبار .شافْ فيا : أستاذ عبد الحميد ، القوم طيْحو كواريهومْ
_ كيفاشْ زعما ؟ واشْ تراجعو على داكْ الشّي اللي دارو ؟
_ إوى راهوم يطلبو منّك تقرّي اولادهوم والوقت اللي درتيه قابلين عليه.
شفت فالميلود : آش ظهر لك فالتوقيت ديالي غادي يكون كل يوم من التسعة حتى الوحدة والنص ، من غير الجمعة غادي نبقى نمشي مع لحضاش والنص باش نلحق على صلاة الجمعة في وجدة.
لمقدّم عزوز ضحك : أستاذ عبد الحميد راك تهلّيطي فيهوم.راهوم كانو ناويين غادي يا الله تخدم جوج سوايع أو 3 .مساكين صافي ما عمرو يدورو بيك.
قبل ما نودعو لمقدّم قلت لو : قولْ ليهوم راني عند كلمتي ولكن يعطيوني شبر وْسع.

الجزء الرابع : زيارة السيد المدير تنهي المشاكل

الصراحة من الغد ليه بقيت نمشي ونجي على خاطري.بالنسبة للمدير حتى هو ميّك وما بقاش يتكلّم لي على التوقيت .فاش يتاصل بيا مثلا غير باش يعرف النسبة المئوية ديال المواظبة أو مثلا شي احصائيات.انا كنت فالمستوى .هاد المسائل عاطيهوم حقهوم.
واحد النهار باقي عاقل في شهر أبريل .كنت خدّام مع التلاميذ ديالي ودخل علي المدير.الصراحة ما شفتوش حتى لقيتو حْدايا:
_ السلام عليكم أستاذ عبد الحميد.
مفاجأة واش من مفاجأة :
وعليكم السلام ورحمة الله تعالى وبركاته.
المدير شاف فيا وابتاسم : تبارك الله على الاستاذ عبد الحميد والله الى خدّام بالمعقول
خوكم الحوميدي ما عندذوش مع المجاملة : بطبيعة الحال خدّام .واش زعما حْنا مانخافوش من الله؟
المدير ضحك وقال لي : اسمح لي ، أنا بغيت نقول أول مرة كنشوف أستاذ فالعالم القروي لابس الطابلية بيضا ( الوزرة ) وداير وسائل الإيضاح بحال هاد الصويرات الملونة الجميلة.
دابا ابتاسمت : السيد المدير راك ما شفتي والو .
المدير تنبْهضْ : واه كاين شي حاجة أخرى ؟ انا باركة علي غير هاد الشي.
_ ما يمكنش خاصك تراقب سجل الغياب والمذكرة اليومية والتحاضير وحتى الدفاتر ديال التلاميذ
_ ما عليهش بحال الى شفتهوم.
خوكم الحوميدي قانوني : بالعكس تفضل ودير شغلك.
فعلا راقب المدير كل ما دكرت ونقدر نقول ليكوم كان يطأطأ راسو بالاعجاب .فالأخير قال لي : الصراحة راك فاجأتني
_ اسمح لي السيد المدير .كون شفتي الملف ديالي ما غاديش تتفاجأ بالمرّة
ضحك المدير : بالعكس شفتو وما تيّقتشْ
_ دابا ؟
_ من اليوم غادي نعطيك التيقار.بالعكس خاصّك تخدم معايا فالمركز .أنت عنصر نشيط وكتبغي الخدمة.هاد الشي اللي شفت ماكاينش حتى فلمدينة.
المهم قال لي نمشي نشوف الميلود.خونا بالله على حسب الأقوال التلاميذ تلفات ليه الربعة أو القبلة.أول حاجة بغى يلبس الطابلية ولكن مسكين عندو شي وحدة كان راميها والمشكل باقي فيها علامات المرق والفلفلة الحمرى وحتى الغيس والتراب .هادي حتى البنّاي ما يقبلش عليها.خونا بالله بغى يلبسها ولكن التلاميذ قالو لو : أستاذ راها مْودْحة ( بمعنى متّسخة)
الكامبو باش يمشي يوجّدْ المذكرة او على الأقل يكتب غير شي حاجة فالسبورة .ما طاحت لوش هادي على الباب.
ما فاق براسو حتى لقى المدير حداه.ولكن كنت مع المدير.
_ السلام عليكم سّي الميلود.واش كاين شي أتاي ؟
_ كاين ولكن باقي ما طاب
المدير ضحك مين سمع جوابي : عندي أبّا مْبصّح ميّتْ
على كل حال هاد المرة المدير ما راقب والو للميلود.هي وحدة من جوج إما ما باغيش يْخسّرْ الفرحة ديالو معايا أو هو عارف الميلود .أنا الصراحة كيْبان ليا باللي الميلود راه معروف عند الاساتذة والمديرين السابقين بالخمول وكثرة النعاس.
شي شوية جا رئيس جمعية آباء التلاميذ وفيدّو صينية فيها أتاي والحرشة وطبسي فيه لعسل.
بعد السلام قال لينا سّي أحميدة : هادا شرف كبير يزورنا السيد المدير
المهم شربنا وكلينا وتحدثنا في أمور كثيرة منها صعوبة المواصلات والظروف القاسية ببلدة مرزوك.
شي شوية المدير مشى في حالاتو ولكن مشى معاه السيد رئيس جمعية آباء وأولياء التلاميذ.ماشي بعيد كان باغي يتكلّم معاه علي ولكن دابا راني متأكد باللي ما غادي يكون غير فالخير.
سبحان الله العظيم هاد خونا بالله غادي يرجع من بعد من أكبر المدافعين علي.تصورو أنه يوم انتقلت باش نخدم فالمركزية جا لعندي وقال لي باقي عاقل : أرجع اسّي عبد الحميد والله حتى ندبحو على قِبالك جدي كل صيمانة .
بالطبع ما قبلتش حيت خوكم خدم عاميْن في مرزوك .اوى باركة علي .
هادي قصة أخرى مين يجي وقتها نحكيها ليكوم

الى اللقاء مع الحلقة التاسعة
 

bouchaib56

::مراقب مغربي ::

غير متصل
#19
رد: مذكرات حوميدي الجديدة : عودة إلى الأرياف

هنيئا للاخ حوميدي على اطلاعنا بمفاجاة جد سارة وارتحت وارتحنا معك
هذي خرجت امطرفة والحمد لله لانك مرضي الوالدين
تبارك الله عليك سلكتي راسك
 

Houmidi59

::الفارس المغربي ::

غير متصل
#20
رد: مذكرات حوميدي الجديدة : عودة إلى الأرياف

الحلقة التاسعة : العشرة مع الميلود

الجزء الأول : قصة الكاشير والفرماج

الصراحة العشرة مع الميلود دايزها لكلام .خونا بالله واخّا معكاز ولكن مسكين علاقتي معاه طيبة.كنّا تقريبا نتلاقاوْ فالاستراحة ديال لحضاش والنص .كنت نمشي عندو للقسم ديالو.في أغلب الأحيان نلقاه يا الله فاش فاق من النعاس ولكن شي مرّات نلقاه موجّد أتاي .خوكم الحوميدي كان يجيب معاه شي مرّات الماكلة إما لعشى ديال البارح أو المرقة اللي شاطت من لغدى وبطبيعة الحال ديما الفرماج والكاشير.
واحد النهار جا الميلود أعطى شوية كاشير لواحد البنت.باقي عاقل عليها كنّا نعيطو ليها عويشة.الصراحة هادي أنظف بنت عرفتها فالعالم القروي.تلبس مزيان وكانت تتعطّر.واه زعما أفخم العطور....من بعد عرفت باللي الأم ديالها كانت عايشة فلمدينة وعندها الباكلوريا.
هاد البنت كانت ذكية مين اعطاها الميلود المورصو ديال الكاشير.تصورو أنها ما كلاتوش، بالعكس أعطاتو لواحد البنت مسيكينة .أنا فهمت المقصود من البنت .هي هاديك جمعت التلاميذ كاملين وقلت ليهوم : آش ظْهر ليكوم نديرو شي زردة بالكاشير والفرماج.
التلاميذ تقريبا كولهوم جاوبوني : نْعامْ أسّي باغْيينْ
الميلود ضحك وقال ليهوم : كل واحد فيكوم يجيب معاه 5 ديال دراهم

شي وحدين بحال الى حدْرو راسهوم .مساكين مية فلمية ما يقدروش يجيبو المبلغ اللي طلبو الميلود.
شافو فيا زعما باش نقول شي حاجة.فعلا الحوميدي سلّاك لوحايلْ : وليداتي أنا اللي غادي نخلّص عليكوم الكاشير والفرماج وحتى الخبز
التلاميذ فرحو وكولهوم بداوْ يهتفو ويغوْتو : عاش سّي حميد
الميلود حتى هو بغى يرضي التلاميذ : اوى أنا غادي نخلّص عليكوم الموناضا
التلاميذ زادو غوْتو : عاش سّي الميلود وعاش سّي حميد
المهم الميلود ضارْ لعندي وقال لي :
_ دابا وقتاش نديرو هاد المشروع ؟
_ من غدّا أخويا الميلود
الميلود تعجّبْ : واهْ دغيا بغيتي تبرّع التلاميد !!!!!
_ اسمع أسّي الميلود ، التلاميذ راهوم فرحانين وراه اللي طلبتيها منهوم يديروها
_ زعما يراجعو دروسهوم ؟ هادي راهوم يديروها بلا صداع
ضحكت من كلام الميلود
_ عندك الحق ولكن مزيانة ليك أنت
_ كيفاش زعما ؟
_ مرة مرة اطلب منهوم يجيبو ليك برّاد أتاي أو زلافة حريرة أو شي مْسمْنات
_ راني موالف نطلب منهوم وقليل فين يجيبو
_ دابا غادي يبرْعوك
جات الطناش ودخّلنا التلاميد.هي هاديك بْدينا فالدروس.شي شوية جات عندي عويشة وقالت لي : أستاذ بغيت نجيب البيض ، واش ممكن ؟
شفت فيها وبانت لي حشمانة
_ بيض مسلوق ، ياكي ؟
_ خاصني نسلقو ؟
_ اوى الى بغيتي تكمْلي الخير ديالك
بدون تردد قالت لي : واخا أستاذ غادي نقولها لْماما
قبل ما ترجع لبلاصتها قلت ليها باش تجيب على الأقل 10 ديال البيضات .واخا حنا 22 ، نقسمو بيضة على جوج.
قبل الخروج خلّيت ليهوم التمارين ديال غدّا وقلت ليهوم باش كل واحد يجيب معاه كاس باش يشرب الموناضا
هي هاديك ركبت فالموطور ديالي قاصد لقرارشة.
آه نسيت باش نقول ليكوم باللي واحد البنت جديدة سكنات هي والام ديالها عند شي واحد والمشكل هاد الدار بعيدة على المدرسة تقريبا 3 كيلومتر.خوكم الحوميدي ديما مول الخير، اقترحت على الواليدة ديالها باش نبقى ندّيها ونجيبها معيايا كل نهار.
هاد السيدة قالت لي : شحال نخلْصك أسيدي ؟
جاوبتها : برحمة الوالدين
مسكينة ما كانتش ناوية بحال هاد لكلام.
من بعد كانت تْصيفط مع بنتها 4 ديال البيضات مسلوقة أو شوية زيت الزيتون وبعض المرات إما الحرشة أو الخبز.
مين وصلتها للدار : لقيت الأم ديالها واقفة وفي يدّيها ميكة كحلة .قرْبات منّي وحطّات الميكة فوق الكرسي ديال لاموطو ومشات تجري.
زعما آش زعما يكون فهاد الميكة ؟
قلت مع راسي " مع غادي يكون غير الخير." هي هاديك رْبطت الميكة وتابعت طريقي باش نتلاقى باصحابي.
مين وصلت لقيتهوم عند لفقيه .كانو كي العادة يتْغدّاوْ
لفقيه قال لي : يا الله أسّي حميد لا سلام على طعام أدخل دغيا راه الطبسي غادي يْسالي معاه صاحبك نور الدين.
صاحبي نور الدين مسكين ماكانو عندو اسْنان .كان يا الله ياكول غير الحاجة الرطبة .الطبسي باقي عاقل فيه لبطاطا بالدجاج.هي هاديك قلت لفقيه : نور الدين ما عندي ما نخاف من جيهتو، الخطر هو أنت.انتوما الطّلبا كتاكلوالماكلة سخونة وبجوج يدّين
لفقيه شحال ضحك وقال لي : انت باينة تعاشرتي مع الفقها ؟
جاوبتو : عندي معاهوم مغامرات وكنعرف خْروبهوم....
المهم درنا يدّينا وكلينا اللي كتّب الله ..من اللحم حيت نور الدين ما عندو اسنان باش يطمع فيه.
شي شوية مشينا لوجدة شبعانين.
خوكم الحوميدي أول ما وصل لدارو ، حلْ الميكة.
في نظركوم واش لقيت ؟
هاد السيدة اعطاتني شوية لوز وقرعة سمن.
سبحان الله العظيم الناس اللي ما فحالهومش هوما اللي يكونو كرماء.شحال مسكينة دعيت معاها


الجزء الثاني :مين التلاميذ تبرعو بالكاشيروالفرماج

فالغد ليه التلاميذ كولهوم خرجو من القسم باش يستقبلوني.خاصكوم تشوفوني باش تعرفو علاش.
خوكم الحوميدي جايب صندوق معمّر بما لذّ وطاب من كاشير وفرماج وخبز وموناضا.
التلاميذ غير شافو الخيرات ، فرحو.شي ينقز وشي يصفق وشي يصرخ.المهم الحيحة نايضة
حتى الميلود هاد المرة كان فايق واخّا ماشي من العادة ديالو.
خوكم الحوميدي نزل من الموطور وقال لشي تلاميد صحاح : يا الله هزّو الصندوق وادّيوَهْ للقسم عندي.
دابا خاصنا نقراوْ باش نجوعو ومين نجوعو مع لحضاش غادي ناكلو.
يا الله للقسم باش نقراوْ
التلاميذ كولهوم جراوْ للقسم.الميلود بقى واقف
_ مالك أخويا الميلود ؟
_ أخويا مْفيّقني مع النبّوري باش تقول لي الماكلة حتى لحضاش.ما هْنا فكرة هادي
الميلود خاص اللي يقنعو : خويا الميلود راها التسعة .يعني ما زال الصباح.سير اخدم شوية باش تفتح ليك الشهية....
قاطعني : راها مفتوحة وراني باغي ناكول
كان علي نضورْ فيه ضورة شيطانية : أسّي الميلود سير تخدم وباركة من خدمة لبراهش.
المهم مع ديك لحضاش قلت للتلاميذ : سيرو غسلو يدّيكوم ومن بعد صايبو الطْوابل.
من بعد جاوْ باش يعاونوني.الميلود حتى هو جا مع التلاميد ديالو.
أول حاجة درنا قطّعنا الخبز والكاشير .شي تلاميذ كبار وزعو الكيسان والموناضا.
عويشة كانت عند كلمتها حتى هي جابت البيض المسلوق .جابت 22 بيضة مسلوقة ومقشرة.هاد البنت تفهم كولشي.
المهم كل واحد كلى الكاسكروط ديالو .واحد التلميد باقي عاقل ضحكنا مين قال لينا : انا ما غاديش ناكول 3 أيام حيت كرشي عمرات
دازت تقريبا ساعة كلها نشاط وفرحة والصراحة كانت أحسن من 100 حفلة منظمة.
مع ديك الطناش استأنفنا العمل ديالنا حتى لموعد الرجوع.

الجزء الثالث : مين الميلود عرف باللي لكدوب ما ينفعشْ

علاقتي مع السكان رجعات مزيانة .تصورو أن بعض الآباء كانو مرة مرة يدوزو على المدرسة .كنت نعطيهوم الوقت بالتحية ونسوّل على الاحوال ديالهوم.حاجة مهمة اكتاشفوها : كل ما يدوزو يلقاو الميلود ناعس .
دابا راهوم عرفو قيمتي وعرفو باللي حوميدي واخا يخدم مع التلاميد غير 4 سوايع فالنهار راها فايت كافية ليهوم وعرفو باللي خونا الميلود واخا باركِْ مع اولادهوم تقريبا النهار كامل ولك
ن بدون فائدة.
شي أيامات دازو الميلود تغيب على المدرسة لمدة تقريبا 4 أيام.كان عندو شي طارئ الى ما خفت نكدب كانت بنتو والزوج ديالها تعرضو لحادتة سير ولكن الحمد لله لا الولد ولا البنت ما وقع ليهوم والو ولكن الطوموبيل كْلاتها بالمعقول.الاخ الميلود النهار الأول وباقي عاقل كان يوم الاثنين لقيناه في وجدة وقال لي : دخّل التلاميد عندك فالقسم والى سوْلك المدير علي عنداك تقول ليه باللي راني في وجدة
خوكم الحوميدي ما عمروكان كداب ، جاوبتو : ما غاديش نخبرو بالغياب ديالك .كونْ هاني ولكن الى سوّلْ عليك غادي نقول لو الحقيقة.
الميلود زْعف وغضبْ : أنت ما تسْواشْ أصاحبي ...كنت نعتقد باللي راجل ولكن....
المهم ما نشقاش نقول ليكوم باللي شبّعني هضرة ومعيور.
الحمد لله كان نور الدين وموسى وقالو ليه : غير سير اصاحبي راه حميد غير يضحك معاك.
المهم فالسيارة قال لي نور الدين : ساكْ ما أسّي حميد غادي تعلم بيه ؟
ضحكت وجاوبتو : ما غاديش نعلم بيه ولكن كاين اللي غادي يعلم بيه.
لخّوت فهمو قصدي
_ عندك الحق .انت كنتي تجي غير معطّل وما رحموكش.هادا راه مغيّب نهار وعالم الله الى ما غادي يزيد نهار أو يومين.
على كل حال غير وصلت لمرزوك ، دخلت التلاميذ ديال الميلود للقسم ديالهوم وقلت ليهوم خرجو الرياضيات باش تخدمو التمارين.
التلاميذ شافو فيا .واحد فيهوم سميتو منير قال لي : استاد هاد الدرس ما فاهمينوشْ
جاوبتو : غادي نجي ونشرحو ليكوم ، غير اصبرو عليا
فعلا بعد ما قرّيت شوية التلاميد ديالي ، مشيت للقسم ديال الميلود باش نْوَرّي للتلاميد كيفاش تكون لقراية الحقيقية.
اول مرة كنشوف تلاميد عاجبهوم الحال بالمعقول لدرجة أنهوم قالو لي بكل عفوية وتلقائية : الله يخلّيك أأستاد الى ما تبقى تشرح لينا الرياضيات.الطريقة ديال الشرح ديالك عجباتنا
مع ديك العشرة والنص اتاصل بيا المدير وأول حاجة سوّلني على الميلود.خوكم كي ما سبق لي قلت ، حكيت للمدير آش واقع للميلود يعني الحادثة ديال بنتو.
المدير كان راجل ونص ، قال لي : شكرا استاذ عبد الحميد على الابلاغ.
انا ما فهمت والو وبالعكس بانت لي بحال الى قفّرتها .شي شوية شرح لي الأمر وفهمت باللي فعلا قمت بعمل جليل.
تصورو أن بعض السكان ديال المنظقة مشاوْ لعند المدير باش يوصلو لو خبر غياب الميلود وقالو لو راحنا شفناه يتسارى في وجدة ويمكن غادي يتغيب يوم أو يومين.
دابا المدير عرف الحقيقة واقتانع باللي السكان باغيين يخسرو العلاقة بين المعلمين والادارة
قبل ما يودعني قال لي باللي غادي يتّاصل بالميلود باش يْحمّد لو وغادي يقول لو باش ياخود رخصة ديال 3 أيام حتى يْفضّي الامور ديالو وأنا غادي نْقرّي التلاميذ ديالو .
بالطبع الميلود فرح والدليل أنه اتّاصل بيا وقال لي : خويا حميد اسمح لي على لمعايرة.عندك الحق ما كاينش أحسن من الصدق.
وزاد قال لي بأن المدير قالو ما تجي حتى لجمعة غير خودْ راحتك.السكان غادي نعطيهوم درس ما عمرو ما ينساوهْ
ما نشقاش نقول ليكوم أن هاديك 4 أيام جعلت التلاميد ينساوْ الميلود .الحمد لله ما كانتشْ أكثر والّا كانو غادي ينكروه ...هههههههه


يتبع إن شاء الله الحلقة العاشرة
 
أعلى