كل يوم نكتة ...ولكن مغربية

عبدالخالق الكوتاري

::مراقب مغربي ::
طاقم الإدارة

غير متصل
رد: كل يوم نكتة ...ولكن مغربية

النكتة رقم 91 : كايتخيل راسو دجاجة

قاليك هدا واحد الراجل ديما كايتخيل راسو دجاجة

واحد النهار مشا لعند الطبيب قالو اخويا راني فيا هاد المرض وديما كانتخيل راسي دجاجة

قالو من فوقاش ونتا فيك هاد المرض ؟ قاليه ملي كنت ...فلوس
:15_8_212:
 
التعديل الأخير:

Houmidi59

::الفارس المغربي ::

غير متصل
رد: كل يوم نكتة ...ولكن مغربية

اسمع هادي خويا عبد الحق
قالك هادو جوج اعروبية بغاو يدخلو للجندية الفرنسية.
اللول سميتو الميلود والثاني العربي
القبطان سوّل الميلود وقال ليه بالفرنسوية : أشنو هادا اللي كتشوف قدّامك ؟
الميلود شاف العلم الفرنسي وقال ليه : هادا الدْرابو(drapeau) ديال فرنسا
القبطان زْعف وقال ليه : لّا غلط ! هدا راه أمّك أبّاكْ خوك أختك عمّك عمْتك .....
العربي اسمع كولشي حيت كان قريب منهوم
غير سوْلو القبطان ، جاوبه بكل تلقائية : هادا اسيدي القبطان الفاميلة ديال الميلود



 

Houmidi59

::الفارس المغربي ::

غير متصل
رد: كل يوم نكتة ...ولكن مغربية

اسمع أخويا عبد الخالق هادي
قالك أسيدي هادا ميريكاني كان في وجدة وقعات ليه شي كْسيدة .زعما حادثة ، ياك ؟
اوى أدّاوه لسْبيطار الفارابي المعروف بوجدة ودارو لو عملية وبدْلولو المخ ديالو
المهم مين فاق ، قال ليهوم الخوت شي جوج دراهم الله يرحم الوالدين .باغي نشْري شَمَّة

هههههههه لوجادة عندهوم بزاف مع الشّمّة (طابا)
 

bouchaib56

::مراقب مغربي ::

غير متصل
رد: كل يوم نكتة ...ولكن مغربية

زدنا الاخ الحوميدي
هاذ الشي كيضحك
قتلت الضحك اليوم امعاك
فوجتي اعلينا
الله يحفظك
 
التعديل الأخير:

Houmidi59

::الفارس المغربي ::

غير متصل
رد: كل يوم نكتة ...ولكن مغربية

هاد واحد الراجل مشى القهوة واطلب قهوة بالحليب مع كيكة. جاب ليه الكارسون كيكة بايتة او قاسحة هو يديرها في الكاس باش ترطاب شوية
هي تشرب القهوة كلها هو يعيط على الكارسون او كاليه جيب لي قهوة وحدى اخرى او شوف هد الكيكة اش باغى تشرب.........ههههههههههه
 

Houmidi59

::الفارس المغربي ::

غير متصل
رد: كل يوم نكتة ...ولكن مغربية

النكتة رقم 95 : اللي كان يعاقب غادي يجي النهار ديالو


… واحد لبوليسي شد واحد المرأة كانت غادة بسرعة او ملي عطاتو لوراق، قال
ليها انتي المعلمة حليمة و الله ما عرفتك فاللول راني قريت عندك، السيدة
فرحات و قالت ليه إوا دابا غادي تطهلا فالمعلمة ديالك او مغاديرش بروصي،
قال لها الله يا ودي، يا الله جبدي ورقة و ستيلو او كتبي 300 مرة: عليّ
أن لا أتجاوز الحد القانوني للسرعة‌

 

Houmidi59

::الفارس المغربي ::

غير متصل
رد: كل يوم نكتة ...ولكن مغربية

النكتة رقم 96 : الحكّان راه أنواع


… واحد حك يدّو ليمْنيا هو يقول لصاحبو، كاتاكلني يدي ليمنيا هو يقول ليه
صاحبو، غادي تخلص فشي حاجة، هو يحكْ يدّو ليسريا قاليه غادي تشد لفلوس ،شوي
هو يحك رجلو ليمنيا، قاليه غادي تمشي لشي عزا هو يحك رجلو ليسريا ،قاليه
غادي تمشي لشي عرس هو يحك ضهرو هو يقوليه صاحبو نوض من حدايا يالمجراب

 

Houmidi59

::الفارس المغربي ::

غير متصل
رد: كل يوم نكتة ...ولكن مغربية

النكتة رقم 98 : وقتاش يمكن تاكول السم ؟



… واحدالخايبة قالت لواحد الساط شفتي انت كون كونتي راجلي كون راني وكّلتك السم
قاليها شفتي انتي كون كنتي مراتي كون أنا اللي كليت السم بلا ما تعطيه ليا

 

Houmidi59

::الفارس المغربي ::

غير متصل
رد: كل يوم نكتة ...ولكن مغربية

النكتة رقم 99 : هادا فيها الطويل ويمكن لقصير هههههه

… هدا واحد الاستاد سوّل التلاميذ : أشنو هي النجمة بالفرنسية ؟
واحد التلميذ أعرفها ولكن هو حشّومي
قالها لصاحبو الكسول .داك الكسول قال للاستاذ
"ليطوال " الاستاذ تعجب او قاليه ركبها في جملة جاوب الكسول
" اللي طوال ارجعو اللّور و اللي قصار ايزيدو لقدّام"
 

عبدالخالق الكوتاري

::مراقب مغربي ::
طاقم الإدارة

غير متصل
رد: كل يوم نكتة ...ولكن مغربية

واخيرا :7_2_211:النكتة رقم 100 : حانوت ﺩﻳﺎﻝ ﺍﻟﺬﻫﺐ

هاذو تلاتة مكلخين... ﻣﺸﺎﻭ ﻓﻲ ﺍﻟﻠﻴﻞ ﻳﺴﺮﻗﻮ
ﺣﺎﻧﻮﺕ ﺩﻳﺎﻝ ﺍﻟﺬﻫﺐ !!
ﺍﻟﻐﺪ ﻟﻴﻪ ﺟﺎﻭ ﺍﻟﺒﻮﻟﻴﺲ ﻟﻤﻜﺎﻥ ﺍﻟﺴﺮﻗﺔ ﻭ ﻫﻮﻣﺎ ﻳﻠﻘﺎﻭ
واحد منهم ﻛﻴﺸﻄﺐ ﻗﺪﺍﻡ ﺑﺎﺏ ﺍﻟﺤﺎﻧﻮﺕ ﻗﺎﻟﻮ ﻟﻴﻪ
ﺷﻨﻮ ﻛﺪﻳﺮ
ﻧﺘﺎ ﻫﻨﺎ ؟؟
ﻗﺎﻟﻴﻬﻢ : ﺍﻟﺒﺎﺭﺡ ﺳﺮﻗﻨﺎ ﺍﻟﺤﺎﻧﻮﺕ ... واحد فينا خذا ﺍﻟﺬﻫﺐ
والتاني خذا ﺍﻟﻔﻠﻮﺱ ﻭ ﺍﻧﺎ اديت ﺍﻟﺤﺎﻧﻮﺕ

:15_8_212:
 

Houmidi59

::الفارس المغربي ::

غير متصل
رد: كل يوم نكتة ...ولكن مغربية

النكتة رقم 101

واحد الولد قال لجدو: جدي كتعرف فرنسا؟
قال ليه جدو: دوزت فيها خمس سنين
قال ليه الولد: كتعرف النجليز؟
قال ليه جدو: دوزت فيها سبع سنين
قال ليه الولد: كتعرف البرازيل؟
قال ليه جدو: دوزت فيها تسع سنين
قال ليه الولد: واو أجدي، كتعرف الجغرافيا
قال ليه جدو: دوزت فيها عشر سنين أولدي




 

Houmidi59

::الفارس المغربي ::

غير متصل
رد: كل يوم نكتة ...ولكن مغربية

النكتة رقم 102 :شكون فيهوم المسخوط لكبير ؟


هادو جوج مساخيط. اللول قال للتاني: أنا مسخوط أكتر منك
قال ليه التاني: لا، أنا مسخوط أكتر منك
ناض اللول شاف واحد المرة شارفة دايزة و اعطاها قتلة ديال العصا. مشى عند صاحبه قال ليه: شفتي؟ حتى الشارفات ما يزهقوش من بين إيديا
التاني شداته الموت ديال الضحك، و قال ليه: إيوا شفتي راه هادي أمي، و كاع ما فكيتهاش منك

 

Houmidi59

::الفارس المغربي ::

غير متصل
رد: كل يوم نكتة ...ولكن مغربية

النكتة رقم 103 : حتى الوالد ما كرهش الرشوة



هادا واحد الولد ساقط فالامتحان ورّا النتيجة ديالو لبّاه. أعطاه بّاه قتلة ديال العصا وقال ليه يا الكسول أشنو كنتي كتدير ملي كانو اقرانك كيقراو
منين كمّل معاه جات نوبة خوه. ورّا لباه النتيجة اللي مكفسة بحالها بحال ديال خوه. شاف فيها بّاه وهو يقول ليه: سير أولدي الله يهديك، ولكن العام الجاي خاصك تدير احسن من هاكا.
الولد اللي كلا العصا بغى يحماق ما فهمش القضية كي دايرة. وهو يسوّل خوه: كيفاش زعما بجوجنا ساقطين وأنا ناكل العصا وانتا لا؟
قال ليه خوه: حيت حطّيت ليه مية درهم ف وسط النتيجة
 

Houmidi59

::الفارس المغربي ::

غير متصل
رد: كل يوم نكتة ...ولكن مغربية

النكتة رقم 104 : نقّالين فْشي شكل


ثلاثة ديال الكسالى مشاو يدوزو امتحان.
ملي سالاو، كل واحد سول لاخور آشنو دار
الاول قال ليهوم: أنا خليت الورقة خاوية

التاني قال ليهم: حتى أنا خليتها خاوية
الثالث قال ليهم: صافي مشينا فيها، ملي كلنا دايرين بحال بحال غادي يعرفونا تناقلنا. عولو على السقوط
 

Houmidi59

::الفارس المغربي ::

غير متصل
رد: كل يوم نكتة ...ولكن مغربية

النكتة رقم 105 : هي اللي بغات توصل معطْلة




هادي تلميذة (عندها 15 عام) وصلت للقسم معطلة..قالها الاستاذ" أش هاد التعطال؟..جاوباتو: كان تابعني واحد الولد وكان يْبَسَّلْ عليا
قال لها الأستاذ: إيوا راه خاص توصلي بكري ماشي تعطلي
جاوباته: لااا..راه كان كيتمشى بشويا

 

Houmidi59

::الفارس المغربي ::

غير متصل
رد: كل يوم نكتة ...ولكن مغربية

النكتة رقم 106 : هدا فيه غير لغوات





هادا واحد مراتو خارجة عليه، ديما هو كيغسل المواعن .. واحد نهار جلس يعاود لواحد صاحبه جا هو قاليه هاد المرة ملي تدخل للدار مع الدخلة غوت عليها و قول ليها واش كاين شي غدا.
مشا هو دخل للدار و غوت بالجهد :حناااااااااااااان ... و هي ترد عليه بجهد كتار : ماااااااااااااااااااااااالك؟؟؟؟
قال ليها : كاين شي مواعن نغسلهم؟؟؟

 

Houmidi59

::الفارس المغربي ::

غير متصل
رد: كل يوم نكتة ...ولكن مغربية

النكتة رقم 107 : الفاطر يقلّب على الصايم



هادا قائد وصّى لمخازنية ديالو باش ايقلبو في رمضان على وكّالين رمضان وايجيبوه للقائد .
فعلا مشاو المخازنية كايقلبو على وكالين رمضان .جابو واحد كلا رمضان .حيت دخلوه لقاو القائد تاياكل رمضان .
هو يقول ليهم القائد :
مال هذا علاش جبتوه ؟؟؟
ردو عليه المخازنية :
سعادة القائد لقيناه صايم .

 

Houmidi59

::الفارس المغربي ::

غير متصل
رد: كل يوم نكتة ...ولكن مغربية

النكتة رقم 108 : هبّاط أو صبّاط




هادا واحد المعلم رسم سباط ف السبورة وسول واحد التلميد: أشنو هادا؟
قال ليه الولد: هباط
سلخو المعلم مزيان وقال ليه: لا هادا سميتو سباط
الغد ليه عاود المعلم رسم سباط وسول نفس التلميد: أشنو هادا؟
عاود قال ليه الولد: هباط
عاود معاه المعلم نفس السيناريو شحال من مرة ولا بغى الولد يحفض هاديك سباط. المعلم طلع ليه الدم، وقال ليه: صافي جيب ليا ولي أمرك
منين جات أم الولد، قال ليها المعلم: شوفي أ لالة، راني عييت مع ولدك... ديما كنرسم ليه هادا وكيقول ليه هباط
بقات المرا تفكر شوية وهي تقول ليه: إيوا أشنو بغيتيه يقول ليك؟ هبرديلة؟


 
أعلى