قصة بالدارجة المغربية : مذكرات معلم في المدينة

Houmidi59

::الفارس المغربي ::

غير متصل
#61
رد: قصة بالدارجة المغربية : مذكرات معلم في المدينة

[FONT=&quot]الحلقة 32 :[/FONT][FONT=&quot] ذكرياتي مع أخي جمال[/FONT]


[FONT=&quot] الجزء الثالث عشر : حوميدي وسفر العودة فالطيّارة (1)[/FONT]


[FONT=&quot]اليوم اللي كنت ناوي نرجع فيه للمغرب ، دزْتْ شفتْ خويا جمال.كان يبان ليا فرحان وراشقا ليه[/FONT][FONT=&quot].[/FONT]
[FONT=&quot] _ تْصوّرو ، قال ليا، راني ما بْقيتش نَتْنيرفا (نغضب) كيف ما كنت.سبحان الله راني رجعت بحالك .أنت خويا دمّك بارد وكتْردْ على بْنادَمْ غير بالبارودي [/FONT]
[FONT=&quot] بعدما سوّلتو على الصحة ديالو ، ضحك وقال لي : شوف راني دابا مْخَيّرْ ولَمْخيْخة ديالك راها لقاتْ بْلاصْتها فالعظام ديالي.راني من داك الشّي الرفيع.هي هاديك جا الطبيب باش حتى هو يطْمئنْ على المريض .من بعد قال لي : العملية نجحات بفضل الإرادة والعزيمة ديال ميسيو جمال .[/FONT]
[FONT=&quot] قبل ما نمشي قال لي خويا : راني تْعارفتْ مع مغرابية حتى هي راها دارت عملية ديال زرع مخ العظام .مسكينة بْقاتْ فيا .الحالة ديالها ما منْهاشْ.هاديك موحال الى تْعيشْ.[/FONT]
[FONT=&quot] فعلا مْشيتْ نْشوفها.خوتنا بالله ماتاكول ما تشرب .النهار كامل وهي تتْقيّى.غير اللي يْجي ويْشوفها ، يرثي من حالها.[/FONT]
[FONT=&quot] واخّا هكْدا دعيت معاها وقلت ليها : الله يْشافيكْ ويعافيكْ.[/FONT]
[FONT=&quot] داكْ النهار وصلت انا وعبد الحفيظ للمطار وكانت الطيارة يا الله فاشْ قَلْعاتْ.المشكل خاصنا نصَّبْرو باش نمشيوْ فالطيارة اللي من بعد.من زهري هي ديال إيرْ فْرانسْ. [/FONT]
[FONT=&quot] خاصكوم تعرفو ما كاينش بحال الشركة ديالنا الخطوط الملكية المغربية .ديالنا كيتْهلّاوْ مزيانْ ، لا فمعاملة وحتى فالماكلة.[/FONT]
[FONT=&quot] المهم كان عندي شوية الميزان زايد، يمكن الى 15 كيلو من فوق داك الشّي المسموح بيه.لفرنساويين الى زدتي غير نص كيلو تْخلّصْ عليه .تصورو ديك لوقيتة كان كل كيلو زيادة خاصك تخلّصْ عليه 40 فرنك فرانساوية.اوى على هاد لحساب خوكم الحوميدي غادي تْقام عليه هادْ السُّخْرة بغْسيل الفندق.زعما خاصني ندفع للشركة تقريبا 600 فرنك فرنسي .واه ! هدا هو لحْماقْ بْعينيهْ.خوكم الحوميدي مْشى لْتاتي(tati) وتْسلّعْ مع راسو يا الله كولشي داك اللي جابْ معاه ما يوصلشْ حتى 300 فرنك فرانسوية .ها العطور رجالية ونْساوية ، ها الأدوات المدرسية ، ها الفولاراتْ (foulards)، ها الاواني المنزلية .....ماكاين غير الصّولد (solde)وغير اللي ما بْغى يْشري.ماغاديشْ نكدب عليكوم ونقول ليكوم يا خّوتي شي حْوايج لْقيتهوم غير مرْميينْ فالطريق.هاد النْصارى غير الحاجة تطْلع ليهوم فالراسْ ، يْحطّوها أحْدى الباب.كاين شي وحدين مْخرْجين فوتاياتْ (fauteuil)وتلفزة كولور .هادو خاصْهوم كامْيو باشْ نْهزْهومْ.واخّا هكْدا خوكم الحوميدي خْدى ليه شي بركة : واحد راديو مسجّلة ، آلة حاسبة كبيرة ، مجلات باقية ما وصلات عندنا (حيت فالمغرب كنقْراوْ المجلة ديال فبراير حتى لشهر ماي)، كاسكيطة (casquette)، آلة تصوير ...المهم هاد الشّي اللي عاقل عليه.[/FONT]
[FONT=&quot] دابا الى مْشيتو لفرنسا الى لْقيتو شي حاجة راها كتْباع فالجوطية وما كاين غير الأورو(euro) .شي ناس ساكنين حْدايا عندهوم بنتهوم كتْجيب ليهوم شي معلّبات ديال القهوة وْ أتاي والشيكولا والكاطو والفرماج دايز عليهوم الوقت شحال هادي ، زعما بيريمي (périmé).قالت لك أسيدي راها شارياهوم من شي محال بثمن رخيص بزاف.الفاميلة ديالها طايحين على السلعة ديالها بحال لعْمى.المشكل ما واقع ليهوم والو .دابا هاد شعب البيريمي اللي هو المغرب راه ملقّح ضد أمراض المعلّبات[/FONT]
[FONT=&quot] المهم خوكم الحوميدي كان يْبانْ ليه يسمح فهاد السلعة لأنها غادي تْقامْ عليه غالية.[/FONT]
[FONT=&quot] ولكن الحظْ كيلعب دور كبير.واحد المغرابي خدّام فالمطار شافني ، جا لعندي وقال لي :[/FONT]
[FONT=&quot] _ انا عندي ليك الحل باش هاد لحوايج يمشيوْ معاك ويتْقامو عليك تقريبا والو [/FONT]
[FONT=&quot] خوكم بالله الحوميدي راه عايق وفايق : باينة غادي يتْقامو علي غير فلوس القهوة ديالك ، ياكْ ؟[/FONT]
[FONT=&quot] _ أخويا انت تفهمها وهي طايرة [/FONT]
[FONT=&quot] _ وخّا تكون حتى تحت الأرض نفهمها[/FONT]
[FONT=&quot] _ ياكْ بعدى معنْدكْشْ شي حاجة ممنوعة ؟[/FONT]
[FONT=&quot] _ آه يا ودّي ! اللي عندي كله حلال طيّبْ[/FONT]
[FONT=&quot] _ اوى أجي نْورّيكْ آشْ ادّيرْ[/FONT]
[FONT=&quot] الطريقة ساهلة ولكن ما غاديشْ نكشفها ليكوم .يمكن شي واحد غادي يطبقها وأنا ما خاصني صداع مع الديوانة(douane).المهم اللي كان عْطيتْ لْخونا بالله واحد 100 فرنك فرانسوية .مْشى راشقة ليه.[/FONT]
[FONT=&quot] مع ديك الستّة ديال لعشية قَلْعات الطائرة اللي من نوع كارافيل (caravelle) متوجهة الى المغرب.كان باقي المغرب ما ودّنش .نْسيتْ ما قلتش ليكوم ان رمضان داك العام كان في شهر أبريل .[/FONT]
[FONT=&quot] يا الله فاشْ طلعنا ، جاتْ المضيفة وجابت لينا الماكلة .شي ماكلة كلها فالعلب : فرماج ، كونفتر(confiture) ، خبيزة صغيرة ، مورصو ديال الكاشير(cachère) وقْريعة موناضا ، مع زعما المايونيز والموتارْدْ.[/FONT]
[FONT=&quot] داخلْنا عليكوم بالله : واش هادا فْطور يصلح لْشي واحد صايم النهار كلّو ؟[/FONT]
[FONT=&quot] انا بعدما ردّيتْ شوية الصّحة والعافية ديالي مين كنت ففرنسا ، حيتْ كْليتْ لو راسو (رمضان ههه)[/FONT]
[FONT=&quot] من بعد صُمْتْ ومن الصدف النهار الاول الي صمْتو هو اللي كنت غادي نْسافر فيه.تصورو انه كنّا تقريبا اليوم 14 أو 15 ، هدا يعني ان الحوميدي راه طاحنْ نصْ رمضان وخاصّو يْصومو مين يرجع لبْلادْ ولكن الحمد لله بلا قضاء ولا كفّارة[/FONT]
[FONT=&quot] خوتنا بالله حطّاتْ لي هاد البْلاطو الهزيل.شَفْتْ فيها وقلت ليها بالفرنسوية : سمحي ليا سيدتي راني صايم.واش ما يمكنش ليك تاخدي هاد الأكل وترجعيه ليا حتى يْودّنْ المغرب ؟[/FONT]
[FONT=&quot] عرفتو آشْ جاوباتني الكافرة بالله ؟[/FONT]
[FONT=&quot]_ ميسيو (monsieur)ممنوع الماكلة ترجع للصندوق .انا ماشي شغلي كولْها ولّى رْميها.[/FONT]
[FONT=&quot] عندها الزهر ، السْراجم مسْدودين باشْ هي اللي نرْميها.خوكم الحوميدي مين يغضب ما يلقاشْ بْحال الدارجة باشْ يْشبّعْ هاد الكافرة بالله بالمعْيورْ.فعلا ما قصّرْتْشْ معاها :[/FONT]
[FONT=&quot] _ الله ينْعلْ والدك يا الكافرة بالله .ما باغْيانيشْ نْصومْ وجايْبا لي الحلّوف.الله يْلكّيها ليكْ .[/FONT]
[FONT=&quot] الزغبية ما قفْلاتْ والو من غير كلمة حلّوف.هي هاديك ابتاسمت وقالت لي :[/FONT]
[FONT=&quot] _ كنْأكّدْ ليكْ يا ميسيو راه هاد الماكلة ما فيهاشْ الخَلّوفْ (راها نطقتها كيف ما كتبتها ليكوم : خلّوف)[/FONT]
[FONT=&quot] خوكم زاد دوزا فالمعيور : وايَنّي هاد الكلبة ما بغات تفهم .راه ما زال ما ودّنْ المغرب ما خاصْنيشْ نْميمّي (ناكول) دابا.[/FONT]
[FONT=&quot] واحد خونا بالله كان مورايا (بولحية) من بعد عرفتو جزائري : يا حَوْجي مالكْ ، كولْ وسْكتْ وداكْ الشّي اللي دْكَرْتو موحال ![/FONT]
[FONT=&quot] الهضْرة دابا رجْعات مع هاد السيد : آ خويا راني صايم [/FONT]
[FONT=&quot] _ اوى مالكْ واشْ غير أنت اللي صايمْ ؟[/FONT]
[FONT=&quot] دَبَّرْ عْليا الله يرحم الوالدينْ ![/FONT]
[FONT=&quot] _ كولْ أصاحبي ! راه الاسلام عاطيك الرخصة .[/FONT]
[FONT=&quot] _ عندك الحق ولكن يا خويا انا يا الله فاشْ كومانْسيتْ[/FONT]
[FONT=&quot] _ تبارك الله واش عاد فاشْ بانْ لكْ الشْهرْ (الهلال)[/FONT]
[FONT=&quot] _ لّا أخويا راني كنت داير عملية .[/FONT]
[FONT=&quot] بولحية ضْحكْ حتى شبعْ بالضّحك .النصرانية مْشاتْ في حالاتها بعد ما خلّاتْ لي لبْلاطو :[/FONT]
[FONT=&quot] خْلا دارْ امّكْ أنت كامبو .أنا بْحالكْ نضْربْ الشهر كامل.[/FONT]
[FONT=&quot] _ زعما غير ناكول ، ياكْ ؟[/FONT]
[FONT=&quot] _ كول يا وعْدي كولْ راكْ درْتْ لي الغُصَّة فْليسْطوما (المعدة)[/FONT]
[FONT=&quot] _ وأنْتَ ، واشْ غادي تاكولْ؟[/FONT]
[FONT=&quot] _ أبَرْدي كولْ غادي تْهبّلْني![/FONT]
[FONT=&quot] اللي كان خوكم ما كْلاشْ .المهم شي شوية ، دازتْ عدوة الله وخْداتْ لبْلاطوياتْ.[/FONT]
[FONT=&quot] _ ميسيو ما بْغاشْ ياكولْ[/FONT]
[FONT=&quot] _ راني صايمْ[/FONT]
[FONT=&quot] _ مزيان ميسيو .ماكاين والو من غير مبردات .[/FONT]
[FONT=&quot] الحمد لله كاين شي ناس مومنينْ.شي واحد أعطى ليا بنانة وتفاحة وقال لي : عْتقْ بْهادو.دابا راه المغرب ودّنْ غير كولْ.هاد السيد فرانساوي وكيعْرف الدين ديالنا مزيان.[/FONT]

[FONT=&quot]الجزء الرابع عشر : حوميدي باقي فالطيّارة(2)[/FONT]

[FONT=&quot]شي وْقيتة الطيّارة بْداتْ تشْطحْ .آه يا خّوتي شدّاتني الخلعة .شي وحْدينْ حْدايا كانو يْشَهْدو .دابا عادْ عْرَفْتْ باللي هادومسَّلْمينْ.مساخط الوالدين ، مين اعْطاتهوم المضيفة الماكلة ، كْلاوها بالزربة.[/FONT]
[FONT=&quot]النصارى اللي كانو راكبين ما باين عليهوم خوف.هاد النصراني مول التفاحة والبنانة قال لي : ما تقلّقش هادي غير حفْرة هوائية (trou d'air) هادي راها عادية .[/FONT]
[FONT=&quot]شي شوية سمعنا القائد ديال الطائرة كيتكلّم معانا : سيداتي ساداتي المرجو منكم الهدوء.دابا راحنا كنجتازو عاصفة جوية وهي اللي راها تدفعنا والمشكل حاولنا نهربو منها وراحنا طحنا فحْفاري ديال لهْوى.ولكن ما تقلقوش غادي نطلع فوق السحاب باش نكونو في مأمن.[/FONT]
[FONT=&quot]دابا الله يخلّيكوم غادي تستعملو الاقنعة اللي حْداكوم.قبل سمعو بعدا كيفية الاستعمال .المضيفات غادي يشرحو ليكوم كولشي.[/FONT]
[FONT=&quot]دوّزْنا وقيتة صعيبة يمكن بانتْ لي بْحال الى داز عليا 10ديال السوايع وانا راكب.[/FONT]
[FONT=&quot]شي شوية الطيارة شدّاتْ ليكيليبْرْ (l'équilibre) ديالها.كولشي بْدى يْصفّقْ .[/FONT]
[FONT=&quot]هي هاديك جات المضيفة وطلبات منّا نربطو الأحزمة حيت صافي الطيّارة غادي تهبطْ.[/FONT]
[FONT=&quot]الحمد لله هبْطاتْ بسلام.[/FONT]
[FONT=&quot]فالمطار كان الواليد والواليدة وخويا محمد كينتاضْروني.هي هاديكْ مْشينا للدار.فالطريق الواليدة بْقاتْ تسوْلني على خويا جمال .أعطيتها كل التفاصيل وطمْئَنْتها باللي راه في صحة جيدة.[/FONT]

[FONT=&quot]يوم الأحد[/FONT]
[FONT=&quot]يتبع الحلقة 33 من ذكرياتي مع أخي جمال [/FONT]
[FONT=&quot]الجزء 15 : جمال في مرحلة النقاهة[/FONT]
[FONT=&quot]الجزء 16 : كيفاش توفى أخي جمال ؟[/FONT]
[FONT=&quot]الجزء 17 : جمال يعود في صندوق الى المغرب[/FONT]
[FONT=&quot]هذه هي الحلقة الأخيرة من مذكراتي مع أخي جمال.[/FONT]


 

Houmidi59

::الفارس المغربي ::

غير متصل
#62
رد: قصة بالدارجة المغربية : مذكرات معلم في المدينة

[FONT=&quot]الحلقة 33 من ذكرياتي مع أخي جمال
[/FONT]

[FONT=&quot]الجزء 15 : جمال في مرحلة النقاهة
دازتْ الأيام والواليد كي العادة يتّاصل تقريبا يوميا باشْ يتبّع الاحوال ديال جمال.انا حيت كنت رجعْتْ لتاوريرت ، كانت توصلْني لخبار شوية معطلة .على كل حال كانت ديما أخبار سارة.
الاخ جمال خرج من الغرفة الاصطناعية وكلّو حيوية ونشاط.قبل ما يْودّع المستشفى ، داز عند هاديك الأخت اللي كانت جْراتْ نفس العملية والاخ الله يرحمو شْحال واساها ودْعى مْعاها ولكن في نفسو كان يقول "موحال الى خوتنا بالله تعيش".هاد الهضْرة كان ديما يْرَدّدْها مع كل واحد يتلاقى بيه.
قدرة الله كبيرة والغيب ما يعلمو الا هو: هاديك البنت عاشت وطوّلْها ربّي فعمرها.مين سمعات خبر موت جمال شْحال تفقْصاتْ مسكينة.
من بعد كان على الأخ جمال يقضي 3 ديال الشهورا ديال النّقاهة بعيد على البشر .هاد الدار كبيرة جاية فلعروبية ديال باريس .يعني بعيدة على الدخان ديال السيارات والهراجْ والصداع .خاص جمال يستاعد الصحة ديالو فهاد الجو الصافي.باش تفهمو مزيان : الخلايا الجديدة عند جمال باقية ضعيفة حيت ما زال في طريق النمو .جمال راه دابا بحال الرضيع أي مرض او عدوى ولو كانت حتى الزكام تقدر تقضي عليه ويقدر يموت.خويا جمال واخّا نجحات ليه العملية راه ما زال مهدّد بالموت في أية لحظة.على داك الشّي الاطباء اعطاوه تعليمات صارمة .الحاجة الأولى خاصّو يْديرْ كمامة على فمّو.الحاجة الثانية الناس اللي يتواجد معاهوم ما خاصشْ يكونو أكثرْ من جوج .الحاجة الثالثة الراحة والنوم بكثرة والأكل المعتدل.الحاجة الرابعة وهادي الأهم ممنوع يخرج او يمشي لْشي بْلاصة من غير مرافق.
الأخ ديالي ماكانش يقول كولشي للواليد واللي وقع ما كان فالحسبان.كان الله يرحمو على حسب القول ديالو يقنط من الجلوس غير بوحدو.كانو معاه شي ناس ولكن الأغلبية ديالهوم غير ناس كْبار وشارفينْ.هي هاديك ، كان يسْلتْ بحال فالمدرسة ويمْشي بتْخبْيا عند خالي بوزيان .
هدا خالي كان ديما يقول لو : واش ماشي خطار عليك تخرج غير بوحديتك ؟
كان يجاوبو : ما تخافش انا كبير ونعرف آش نْديرْ.
المهم هاد خالي اسكت وخلّاه مع خاطرو.
من بعد هاد خالي اخبر الواليد .الواليد اتاصل بجمال وشحال زْعفْ عليه.جمال يمكن رْجع راسو قاسح بْحالي زاد استامرْ فالخرجاتْ ديالو ولكن ماشي عند خالي اللي فضحو.هاد المرّة مْشى عند واحد أخت الزوجة ديالو ساكنة في نواحي باريس.
هاد الناس حيت ما عارفين والو على العملية من غير أنها نجحات بْداوْ يستقبلوه وفرحو بيه .
من بعد الادارة ديال المستشفى ساقو لخبار وقالو لو خاصْ يْجي شي واحد يْقابْلك وخاصُّو يوقّع التزام.
من الصدف الزّوجة ديالو جاتْ لفرنسا.كانت هي اللي تاخْدو للدار وترجعو للمصحة.
الله يحسن العون ديما سيرْ واجي راها تتطلعْ فالراس.
الزوجة دارت طلب لإدارة المستشفى باش جمال يْكمّلْ العلاج ديالو عند الأخت ديالها.طبعا قبلو الطلب ديالها ولكن بشروط.من هاد الشروط خاص جمال تكون عندو غرفة مستقلة.خاص صباغة ديال البيت تكون بيضا .خاص الأثاث يكون قليل .خاص ينعس بكري.المهم شروط قبلاتْ عليهوم الزوجة .
اللي وقع اّنَّ جمال خلق جو فيه بزاف ديال الاكراهات وعلى داك الشّي وقعو مشاكل .جمال بْدى يْعاني مسكين ولكن ما عمرو قال شي حاجة للواليد.
من بعد تْخاصم هو والزوجة ديالو .الأمر راه باين : الأخت مسكينة عْياتْ وعندها الحق ولكن ماشي لدرجة تجري على جمال من الدار


[/FONT]
[FONT=&quot]الجزء 16 : كيفاش توفى أخي جمال ؟

جمال صافي ما بقاشْ حْملْ يبقى فالدار .واحد النهار قال في نفسو غادي نمشي عند خالي ونحكي لو كولشي .من الزهر ديالو ما لقى حتى واحد فالدار.رْجع ولكن فين غادي يمشي ؟ للمصحة ؟ ما يمكنش على حقّاش راه سالا مْعاهوم مين وقّعْ على الخروج ديالو .عند دار أخت الزوجة ؟ لا ما خاصّو صْداع معاهوم.
اوى آشْ المعمول ؟
هي هاديك تفكّر صاحبنا ادريس التوبيس (مدكرات معلم في البادية) .هدا ادريس حنْ عليه ربي ومْشى لفرنسا وتْزوّجْ فرانساوية ودار معاها لولاد.فديك لوقيتة كان ساكن في مدينة رْوينْ(Rouen) هاد المدينة كتبعد على باريس ب90 كيلومتر.
جمال بدون تردد ، ركب القطار السريع المتوجه الى تلك المدينة معرضا حياته للخطر.
فعلا اللي وقع هو أنّه فْقد الوعي ديالو في محطة القطار غير فاشْ وصل.الناس شافو جمال بالكمامة ديالو طايح فالأرض.دغيا جات لامبيلانص وخْداتو للمستعجلات.لخّوت دارو من جهدهوم دارو لو الانعاشات شحال من مرة.كل مرة كان يسكت ليه القلب.المهم من بعد بحثو فالملف ديالو ولكن لقاوه بعد فوات الأوان.
هي هاديك مات جمال موتة نهائية بعدما المخ حتى هو تْعطّل على الخدمة وكان ذلك صباح السبت 4 غشت من عام 1990 مع الجوج و30 دقيقة

[/FONT]
[FONT=&quot]الجزء 17 : جمال يعود في صندوق الى المغرب


لخبر كان كالصاعقة خصوصا بالنسبة اللي كانو يقولو أن العملية نجحات.انا كنت من هاد الناس اللي حاسبين أن جمال كان بخير وعلى خير.ديك لوقيتة كنت في تاوريرت مين الواليد اتّاصل بواحد الحانوت كان جاري يقولو : قلْ للولد ديالي يْجي دغيا للرباط.
انا الصراحة جاتني واحد الخلعة كبيرة .قلت مع راسي شكون اللي يكون مات؟ واشْ الواليدة واش الاخوة والاخوات ؟ الصراحة كولشي كنت نضنْ يقدر يموت من غير خويا جمال.مول الحانوت بْقيتْ معاه حتى قال لي : خوك اللي ففرنسا.الزوجة طاحت بالبكا أما أنا بْقيتْ واقف وساكتْ.ما عرفت آشْ وقع لي .حسيتْ بالضّلْما .ما بْقى يْبانْ لي شي واحد.كرهت نفسي وكْرهت الدنيا كاملة.
مول الحانوت مسكين شْحال واساني وجا واحد لفقيه وشْحال قال لي من الأحاديث والآيات القرآنية في شأن الموت.خوكم حوميدي ما فادو غير قال كي ما يقولو المؤمنون في مثل هاد الظروف " لا حول ولا قوة الا بالله العلي العظيم وإنّا لله وإنا إليه راجعون.
المهم من بعد بْكيتْ وأنا تنتْفكر داك الشّي اللي وْقعْ لي معاه أيامات كنت أنا المشْ وهو الفار.ولكن حمدت الله لأني قمت بالواجب ديالي باش انَّقْدو من الموت.المهم اللي عليا راني درتو.
مع ديك الخمسة ديال لعشية ركابنا فالكار.تصورو ديك الفترة ديال الصيف كولشي كومْبلي(complet) لا كيران لا طاكسيات لا قطارات.
مْشيت مع الزوجة ديالي .فالطريق ما كْلينا ما شْربنا.الغريب فالأمر واحد ما كلّم لاخورْ.وصلنا ديك الجوج ديال الصباح.بقينا فالمحطة حتى صْبحْ الحال ، من بعد شدّينا طاكسي صغير لحي اليوسفية فين يسكن الواليد.
مين وصلنا لقينا الدار مقلوبة .كولشي يبكي ويْغوّتْ.منظر الموت شْحال صعيبْ.يكون ربي فعْوان اللي مات لو شي حدْ.
المهم بعد تبادل التعازي ، مْشيتْ ديريكتْ وطحْتْ بْلا ما نْفيقْ.لعْيا ديال السفر وخوكم ما نْعسْ دقيقة وحدة فالكارْ.
دازت تقريبا 15 يوم وحْنا كنْنْتاضْرو وصول النعش ديال جمال الله يرحمو.مشاكل كبيرة فالاجرائات ولكن الحمد لله واحد لعشية جابو الصندوق اللي فيه جمال.كانو العائلة والجيران وأصْحاب جمال فالخدمة كولهوم حاضرين.يا الله وصلوه للدار ، قال لينا الواليد : ما خاصّوشْ يْباتْ فالدار.تْصوْرو ان جمال دْفنّاه مع المغرب.هادي حالة استثْنائية ماعمرو ما وقعات.
الموكب ديال السيارات اللي مشى معى الأخ ديالي ما يمكن يتْصوْرو غير اللي شافو .واش 100 سيارة أو أكثر .الصراحة العدد الهائل ديال السيارات كان خير دليل بأن هاد الناس اللي جاوْ راه جمال كانت عندو مكانة عندهوم وكان محبوب.فتلك اللحظة بْقيتْ نفتاخر بالأخ ديالي جمال وباللي قمت بالواجب ديالي.هاد الناس حتى انا سوْلو فيا ومساكنْ قالو لي : بارك الله فيك على التضحية ديالك ولكن اصبر ربي يفعل ما يشاء .كنت نجاوبهوم : ونُعْم بالله.
بعد عملية الدفن، رجعنا كاملين للدار .الواليد كنْتْ باقي عاقل كان شاري لعسل كان جابها من تازة(عسل حرة).المهم العزّايا كْلاوْ وشربوا مدة 10 ديال الأيام.
من بعد بقى الواليد والواليدة يمشيوْ لقْبر ديال جمال الله يرحمو كل يوم مدة طويلة يمكن الى دازت 5 سنوات.
اليوم فالمناسبات والأعياد الواليدة كدّيرْ شي طلّة على لقبر ديالو باش تترحّم عليه.
رحم الله جمال وأسكنه فسيح جنانه.الله يرحم كل المسلمين والله يلحقنا بيهوم على شهادة لا إله الا الله وأن محمدا رسول الله

[/FONT]
[FONT=&quot]هذه هي الحلقة الأخيرة من مذكراتي مع أخي جمال.


[/FONT]
 

Houmidi59

::الفارس المغربي ::

غير متصل
#63
رد: قصة بالدارجة المغربية : مذكرات معلم في المدينة

[font=&quot]الحلقة رقم 34[/font] : [font=&quot]حوميدي والدروس الخصوصية[/font]

[font=&quot]فهاد الحلقة غادي نتكلّمْ ليكوم على الدروس الخصوصية.خاصكوم تعرفو أنها كانت موجودة من بكري ، غير أو كان كانت تْهمْ فقط التلاميد اللي عندهوم صعوبات فالفهم وكيحصلو على معدلات ضعيفة.هاد التلاميد الكسالى كانوا يْشوفو شي أستاذ باش يْفهّمهوم الدروس اللي جاتهوم صعيبة.بالطبع كانت هاد الدروس الخصوصية تقريبا بالمجان .تقدر تعرضْ على الاستاد للدار عندك ، منها يساعدك فالدروس ديالك ومنها يشرب كاس أتاي أو عصير[/font].
[font=&quot]من بعدْ ، الدروس الخصوصية خْداتْ واحد المنحنى آخرْ .الاساتذة شافو باللي يمكن ليهوم يجَّمعو بيها شوية دراهم.فْديكْ لوقيتة الله يحسن العَوْنْ.الاستاد كانت المانضة ديالو على قدْ الحال.ما فيها باسْ الى جْمعْ شي بركة باش يشْري مثلا خروف العيد أويدير السْبوع لولدو اللي عاد تْزادْ أو يمكن لهْلا يْقدّر يْديرْ شي عملية للزوجة ديالو[/font].
[font=&quot]انا الصراحة من النهار اللي بدّيتْ كنت نْحاول نبْدل مجهوداتي مع كل التلاميد.مين نْسالي الدروس ، نبغي كاعْ التلاميد يكونو فاهمين.بعض المرات كنت نضْطرْ نْشدْ شي تلاميد فوقت الاستراحة باش نْفهّمهوم شي حاجة جاتهوم صْعيبة[/font].
[font=&quot]ربما هدا هو السبب انَّ ما عمرو شي تلميد عندي لحد الساعة شفتو يْديرْ الدروس الخصوصية عند شي أستاد أو فْشي مدرسة حرّة.للأسف الأساتذة ما كيْقوموشْ بالواجبات ديالهوم مع التلاميد [/font].[font=&quot]هدا هو السبب علاشْ تلقى حتى التلاميد زعما المجتهدين كيبْغيوْ يستافدو من هاد الدروسْ.كاين شي أساتذة الله يسامحهوم كيقولو للتلاميد إما بطريقة مباشرة أو غير مباشرة "اللي يْزيدْ السوايع عندي غادي نْزيدو فالنقط".القضية ساهلة ماهلة : فلوقيتة اللي يكونو عندو فالدعم يخْدمْ معاهوم شي تمارين ديال القسم.من بعد هاد التمارين كيْحطْها ليهوم فالواجب.خوكم التلميد يعَّجْبو الحال وهاهو عندو نقطة ما كانش يحلم بيها [/font].[font=&quot]في حين التلميد اللي زغبو الله وما بْغاشْ يزيد السوايع عند الأستاد واخا بالاجتهاد ديالو يا الله يْجيبْ هاديك 13 أو 14 على 20.أما المستفيدون هادوك يْطْرطْقو غير العشرين على العشرين[/font].
[font=&quot]كانت البنت ديالي عفاف تتعجّبْ من هاد الأمر وفعلا هدا غريب نكيف يُعْقلْ أن تلاميد يلقاوْ صعوبات في انجاز تمارين في الرياضيات أو الفيزياء أوالعلوم خلال الدروس العادية ، بين عشيّة وضحاها فواجب اللي من المفروض تكون فيه الصعوبات كولْها مجْتامْعةْ، يْجيبْ لك كولشي صحيح ؟ أما المجتهدون او الى بغينا نقولو النوابغ ياالله مساكين يْنَيْطو (ياخْدو) نقطة لابأس بها[/font].

[font=&quot]أنا صراحة ضد الدروس الخصوصية اللي كيعتامدوها الأساتذة بهاد الطريقة واللي يبغيوْ يربحو لفلوس[/font].
[font=&quot]تصورو كاين شي أساتذة بوجدة كيدخلو حتى مليون ديال لفرنك فالشهر ، يعني راتب سلم11 [/font]. [font=&quot]هدا مع المانضة ديالو وديال الزوجة ديالو راه بْحالو بْحال برلماني[/font].
[font=&quot]اوى الله يستر ويْبقي الستر[/font].
[font=&quot]باقي عاقل فلوقيتة مين كانت النِّيَة .كنّا نْديرو الدروس الخصوصية فقط للتلاميد اللي اليوم يطلق عليهم إسم متعثرين.هاد التلاميد كنّا نشرحوليهم القواعد ونعطيوْهوم التمارين باشْ ينجْزوها أحْدانا.خوكم الحوميدي كان يْجيبْ التلاميد للدار ديالو .كنت نطلب منهوم مبلغ ديال 10 ديال الدراهم فالشهر.هاد الفلوس اللي كنت نجمع كنت نْديرْ بيها الفوطوكوبي ونشري بيها مشروبات وحلويات للتلاميد.إيه كيفْ ما قْريتو : كانو يراجعو ومن بعد يْزرْدو مع راسهوم.فآخر الشهر كنت نلقى باللي ديما زايد من جيبي ما بين 50 و100 درهم[/font].
[font=&quot]الحمد لله حْنا كنّا نخدمو لله[/font].
[font=&quot]شي أعْوامْ من بعد ، جا عندي معلم وقال لي[/font]:
_
[font=&quot]سّي عبد الحميد ، عندي ليك مشروع مربح[/font]
_
[font=&quot]واه أخويا ! ياكْ ما نبيعو الببّوشْ ؟[/font]
_
[font=&quot]واشْ راك تضحكْ علي أصاحبي ؟ واشْ أحنا أصحاب الستيلو والطباشير ولّى أصحاب بطاطا ؟[/font]
_
[font=&quot]حاشا ولكن المعلم ما عمْرو رْبح شي حاجة من غير دْعاوي الخير والأجر ديالو ماشي هاديك المانضة اللي يْشدْ فالشهر راه الله عز وجل غادي يغْنيه فالآخرة ويكون مع الصِّدّيقين والشهداء[/font].
_
[font=&quot]آه يا سّي عبد الحميد منّا لْتَمّا يْحنْ الله.دابا خاصْنا نْدوْرو شوية الناعورة [/font]
_
[font=&quot]اوى ندورو هاد الناعورة على ضْهَرْ الناس البوفْريا (الفقراء) اللي ما لْقاوْ ما ياكلو [/font].
_
[font=&quot]باراكا من الفلسفة وعرّي على كْتافكْ الى باغي تخدمْ[/font] !
_
[font=&quot]كْتافي ديما مْعرّي عليهوم مين نْكونْ فالقسم[/font]
[font=&quot]خونا بالله ما عجبوش الحال .باشْ زعما يْبيّنْ ليا باللي راه يْديرْ فيا الخير حيتْ جا عندي قاصدني .زعما كاين اللي يتمنى يربح فْليْسات معاه.خونا بالله عندو مَحالْ مجهّزْ : فيه المقاعد والسبورة يعني قسم بمعنى الكلمة[/font].
_
[font=&quot]واخّا أسيدي آشْ هاد البيعا وشرْية؟[/font]
_
[font=&quot]نْزيدوالسوايع للتلاميد [/font]
_
[font=&quot]مزيانْ اوى ؟[/font]
_
[font=&quot]انا عليا المحالْ وأنت اللي تْقرّي [/font]
_
[font=&quot]ولخلاصْ ؟[/font]
_
[font=&quot]فيفْتي فيفْتي[/font].
_
[font=&quot]زعما النَّصْ بالنَّصْ[/font]
_
[font=&quot]راني مْهلّي فيكْ[/font]
_
[font=&quot]واخّا والتلاميد موجودين ؟[/font]
_
[font=&quot]أعْطى الله الخير .مع غادي يسّمْعو باللي أنت اللي غادي تْزيدْ ليهومْ السْوايع غادي دغيا القسم يعمرْ[/font].
_
[font=&quot]تبارك الله ولكن التلاميد اللي يقراوْ عندي ما غاديشْ يزيدو السوايع[/font].
_
[font=&quot]وعْلاشْ أسّي عبد الحميد ؟[/font]
_
[font=&quot]ما نَقْدرْشْ نْزيدْ أكْتر من داك الشّي اللي نعطي فالقسم [/font]
_
[font=&quot]واخا أسيدي غادي نْجيبْ لك تلاميد من أقسامْ أخْرى[/font]
_
[font=&quot]ولكن عندي جوج شروط[/font] ..
_
[font=&quot]آش هي شروطك ؟[/font]
_
[font=&quot]انا ما نْقرّي غير التلاميد اللي محتاجين للدعم هدا من جهة.من جهة أخرى اللي ما فْحالوشْ نْزيدو لو السوايع بالمجّان[/font]
[font=&quot]شاف حتى عْيى ومن بعد قال لي : قابل أسيدي[/font].
[font=&quot]قبل ما يمشي ، عيّطْتْ لو : أجي بعدا شْحالْ راكْ دايرْ فالواجب الشهري ؟[/font]
_
[font=&quot]عندك الحق نْسيتْ.إوى أسيدي غادي نْبدّيوْ ب50 درهم .من بعد نقّدْرو نْزيدو الى شفنا باللي عْلينا الطّلبْ[/font]
_
[font=&quot]لا أنا ما متّافقشْ معاكْ.الثمنْ مرتفعْ شي شوية [/font]
_
[font=&quot]شْحال بغيتي يْجيبو التلاميدْ؟[/font]
_ 30
[font=&quot]درهم للواحد راها كافية[/font]
_
[font=&quot]آه ياخويا بكْري رْبحنا مْعاكْ[/font]
_
[font=&quot]أنا ما باغيشْ نربحْ[/font]
_
[font=&quot]هاداكْ شغلكْ[/font]
[font=&quot]فعلا بْداتْ عملية التسجيل ونقدر نقول ليكوم أن عدد كبير تْسجّلْ لْجوجْ أسباب.الأوّلْ : عرفو باللي أنا اللي غادي نْزيد ليهوم السوايع .السبب الثاني : لخلاصْ كان فالمتناول ديالهوم[/font].
[font=&quot]باشْ نوفي بوعدي ، واحد المجموعة ديال التلاميد ما فحالهومش كنت نْديرْ ليهوم الدعم فابور[/font].
[font=&quot]ولكن ها هي المفاجأة :لفلوس اللي تقاسمت مع خونا بالله يعني حقّي كنت كنْدير بيه الفوطوكوبي وكنشري بيه الجوائز للمتفوقين اللي جابو نقط مرتفعة فالاختبارات اللي كنت نْوجّدْ ليهوم كل 15 يوم[/font].
[font=&quot]الصراحة عام واحد ربحت معنويا أكثر من ماديا .خوكم الحوميدي اشْتاهرْ مزيان وبْداوْ الآباء يْجيبو وْلادهوم من مدارس أخرى باش يْديرو الدعم.من بعد لقيت بأن الوقت ديالي ما كنسْتافدشْ بيه.هي هاديك قاطعتْ الدروس الخصوصية .ما نْديرْهاشْ واخّا يغْنيوْني[/font].
[font=&quot]العام اللي انتاقلت لوجدة ، لقيت الاغلبية ديالْ الأُسَرْ كيْزيدو لوْلادهوم السوايع [/font].[font=&quot]بصفتي أستاد جاوْ عندي شي آباء باشْ نْدير لوْلادهوم الدعم واقتارحو علي مبلغ 100 درهم فالشهر.خوكم الحوميدي باشْ يْبعدهوم ، ماعمرو ما يْدورو بيه ، قال ليهوم : واخّا تعطيوْني ألْفْ درهم للواحد ما نْديرْشْ الدروسْ[/font]
[font=&quot]هادي هي قصتي مع الدروس الخصوصية .هدا راه رأيي الشخصي وكل واحد عندو رأيو[/font]
.
 

bouchaib56

::مراقب مغربي ::

غير متصل
#64
رد: قصة بالدارجة المغربية : مذكرات معلم في المدينة

كنت أخي حوميدي بدون شك رائع
وسيبقى للأبد صيتك ضاربا ذائع
وأنا لباقي مذكراتك الممتعة جد جائع
ولسلسلتها المشوقة ممتعة ءأنا جائع
ولكل قصة لك رويتها طبعا لها أراجع
جميع ماتدونه لمعلم سيعوضنا له نافع
الى قصة من مذكراتك يوم غد سارع
أحطت بمعاناة المعلم أجل أنت بارع
 

Houmidi59

::الفارس المغربي ::

غير متصل
#65
رد: قصة بالدارجة المغربية : مذكرات معلم في المدينة


[FONT=&quot]الحلقة رقم 35[/FONT]
[FONT=&quot]حوميدي وتلقيحات الأطفال[/FONT]


[FONT=&quot]الحلقة رقم 35 : حوميدي والتلقيحات[/FONT]

[FONT=&quot]فهاد الحلقة غادي نتكلّمْ ليكومْ عْلى تلقيحات الأطفال.الى ما خانتْنيشْ الداكرة ديالي كانت في سنة 88/89 .قالكْ أسيدي منظمة الصحة العالمية شافت باللي الأغلبية ديال لبْراهش في المغرب كيْموتو قبلْ ما يْبدْلو سْنانْ لحليبْ.هادي كارثة كبيرة خاصْ بْلادنا تَلْقى ليها شي حلْ.الحمد لله هاد المنظمة وبتعاون مع اليونيسيف المنظمة العالمية اللّي عندها البرهوشْ بمختلف أجناسه هو كولشي اقتراحو على بلادنا تنظّمْ تلقيحاتْ للأطفال.داكْ الشّي اللّي كانْ : وزارة الصّحّة ديالنا لانْسات (هادي راها من فعل lancer)حملة تلقيحية للأطفال في كافة مدن وقرى المملكة.بالطبع دارو إعلانات فالتلفزة وفالراديو فالمدن لكبيرة.امّا بالنسبة للمدن الصغيرة والقرى والمداشر ، عَيْطو على البرّاحْ وكلْفوه باشْ يعْلمْ السّكان باللي كاينة حملة ديال لبراهش ديالهوم وخاصهوم يمشيوْ لأقرب مستوصف[/FONT] .
[FONT=&quot]اللي وقع الناس الاغلبية ديالهوم كانو متْخوْفين.كاين شي وحْدينْ عاطيهوم ربّي عْقل كبير يْخدْموه غير فالتّاحْرامياتْ شافو باللي هادي راها عملية لتحديد النسْل.زعما المغرب فيه كثرة البشرْ وخاصْ العدد ينقصْ.فعلا الى مشينا لدْيورْ ماكاينشْ اللي ما فيها على الأقل 4 أو 5 ديال البزاقيل(لبراهش) يْغوْتو وزيدْ عليهم 4 أخْرين رْكايْبية (بالغين)شادّينْ الرّكْنا.المهم هادي راها ماشي دار هادي راها علبة ديال السردين.الكثافة راها الى كانت راها جايّا من عند الفقراء والمساكين[/FONT].
[FONT=&quot]شي ناس وحدين أخرين هادو عندهوم الحكمة الخاوية .قالك أسيدي هادا دْوى أعْطاوَهْ للمغرب باشْ يْجرْبو على الشعبْ ديالو .يمكن ينجح او يفشل .وفي كلْتا الحالتين راهوم دايرين خير فالدول النامية[/FONT].
[FONT=&quot]المهم كان تقريبا عزوفْ فالتلقيحات والمشكل المنظمات بْجوجهوم حاضْيين المغربْ.اوى آشْ المعمول ؟[/FONT]
[FONT=&quot]صافي لْقاوْها[/FONT] !
[FONT=&quot]شي عفريت ديال بنادم ما يكون غير شي مدير أو مفتشْ قال ليهوم : هادي ما يسلّكها ليكوم غير المعلّمين[/FONT].
[FONT=&quot]شافو المسؤولين ولقاوْ باللي لمْيوطا ديال ديك لوقيتة (هادو ديال دابا اللي عندهوم لاليسانْسْ(الإجازة) اللي ما تسْوى حتى الشهادة الابتدائية ديالْ الواحد والسبعين ما يْسوكْرو(ما يقْضيوْ والو) والو )قلت لمْيوطا ديال ديك لوقيتة عندهوم سمعة طيبة وكلامهوم ديما مسموع واللي قالوها هي اللي تكون.من الفوق فيهوم لعنادْ وراه الى بغاوْ يوّصْلو لشي نتيجة يوّصْلو ليها وربّي كبيرْ[/FONT].
[FONT=&quot]على داك الشّي اتّاصلو بالمديرين ديال المدارس الابتدائية وطلبو منهوم يعزْلو ليهوم معلمين قارْيينْ مزيانْ لفرانسوية باشْ يْشاركو فحملة التلقيح.المدير (راكو عارفينها هادي) اختارني أنا مع واحد المعلم (صاحبي علي[/FONT]) .
[FONT=&quot]غادي تتْساؤْلو علاشْ اللغة الفرنسية ؟ اوى التمويل راه أجنبي ومّاليه (أصحابو)غير النْصارى ، يعني خاص شْكون اللي يتْكلّم معاهوم.ثانيا وزارة الصحة (ما زال لحد الآن) كتعْتامد لوْراق ديالها باللغة الفرنسية[/FONT].
[FONT=&quot]كان الرّانْديفو(الموعد) فالمستوصف لكبير ديال تاوريرت.اجتامعوا واحد النهار المعلمين باشْ يْديرو لينا سْطاجاتْ.الاطباء جايين من الخاريج شرحو لينا الله يْجازيهوم الأمراض اللي راها موجودة بالمغرب وكتَفْتكْ بالألوف ديال الاطفال كل عام ومن هاد الأمراض والأوبئة الله يستر كاين بوحمرون ولمكلْفة وبوصفير (الملاريا[/FONT]) [FONT=&quot]والجدري .المهم عرفنا الأعراض ديالهوم وكيفية العلاج فقط نظريا.من بعد جاوْ خوتنا الأطباء المغاربة شرْحو لينا كيفية ملءْ المطبوعات اللي غادي نستعملوهوم فالحملة التلقيحية[/FONT].
[FONT=&quot]من بعد يمكن 3 أيام ديال التكوينات المعلمين اللي كان عددهومْ 40 معلّم كانو جاهزينْ باشْ ينْطالقو مع الممرضين داخل المدينة أو في القرى المتفرقة[/FONT] .
[FONT=&quot]هداكْ النهار قسْمونا مجموعات .كل مجموعة فيها 4 ديال المعلمين و3 ديال الفرْمليا[/FONT].
[FONT=&quot]حْنا عندنا لوراقْ والستيلواتْ والممرضون عندهوم الشوكة والسيروم[/FONT].
[FONT=&quot]فالغد ليه مْشيتْ للمستوصف مع ديكْ السّتة ديال الصباح.رْكبنا فلاندْروفيرْ (land rover)متوجهين لأول عْروبية كتبعد بْشي 20 كيلومتر.مين وصلنا الدْيور مْفَرْكتة [/FONT]([FONT=&quot]متفرقة) .الحل هو نمشيوْ للمسجد.لقينا لفقيه خارج لينا .قال لينا : مرحبا بلمْيوطا ومرحبا بلْفْرامْلية(زعما المعلمين والممرضين).هادا نْهارْ كبير اللي جيتو عندنا[/FONT].
[FONT=&quot]يا الله تفضلو لمحاضرة راهوم كولهوم كاينين باش تْلقْحوهوم.التلاميد غير سمعو اللي كاين شدّاتهوم الخلعة.بْداوْ يبْكيوْ.الآن جا دور المعلمين.دخلنا عليهوم .غير شافونا يا خّوتي اطمائنّو .قلت ليهوم : ما تْخافوشْ هادي غير شوكة بْحالْ الخبْشة ديال المشْ (القط)غادي نْديرو ها ليكوم فْيدّيكوم[/FONT].
[FONT=&quot]واحد البرهوشْ صغير قرّبْ منّي : انا ديما يخْبشني المشْ[/FONT]
_
[FONT=&quot]اوى ولدي انت راكْ مجرّبْ .ماغادي تْحسْ بْوالو [/FONT]
[FONT=&quot]باقي لمْحاضرة سكتو .وْأنا نقولْ ليهوم :شكون اللي شي نهار خبْشو مشْ؟[/FONT]
[FONT=&quot]التلاميد بْداوْ يْغوْتو : أنا ..أنا ...أنا[/FONT].....
_
[FONT=&quot]حتى انتوما ما غاديشْ تْحسّو بْشي حاجة[/FONT]
[FONT=&quot]بعد هاد الحملة التوعوية واللي شارك فيها المعلمون اللي كانو مْعايا عيّطْنا للفَرْملي باشْ يقوم بعملية التلقيح.حْنا كنّا نْسجلو الاسم والنسب والعمر ديال كل ولد تْلقّحْ[/FONT].
[FONT=&quot]من بعد عيّطْنا على النْسا ديال القرية[/FONT]
[FONT=&quot]حتى لعيالات كان خاص يضّرْبو ليهوم اليبْرى على ود شي حاجة مْخرْمْزة بْحالْ الطيطانوس[/FONT].
[FONT=&quot]لعيالات غير سمعو باللي فيها المعلمين ، جاوْ يجريوْ[/FONT]
[FONT=&quot]الحمد لله السمعة ديال المعلم كانت واضحة للعِيّانْ.المعلم كان هو كولشي لا فالمدينة ولا فالبادية[/FONT].
[FONT=&quot]مع ديك العشرة ديال الصباح القرية بصغيرها وكبيرها تْلقْحو كاملين[/FONT].
[FONT=&quot]هي هاديك جابو لينا واحد الحرشة تقول رْويضة ديال التراكْتورْ.معاها طبسي سْمن وطبسي عْسلْ وبرّادْ عْشاري .كْلينا وشربنا وحمدنا الله[/FONT].
[FONT=&quot]فالنقاشات ديالي مع السكان عْرفت شي حوايج غريبينْ.تْصوْرو أن واحد لمْرى قالت لي أن هادي أولْ مرّة يوْصلْ لعندنا ممرضْ.قلت ليها : ولكن عْلاشْ ما تمشيشْ للمستوصف اللي قْريبْ ليكومْ؟[/FONT]
[FONT=&quot]جاوباتني : أخويا هادو كيضّحْكو علينا[/FONT] .
_
[FONT=&quot]كيفاشْ يضّحكو عليكوم ؟[/FONT]
_
[FONT=&quot]ما يْقلْبونا ما والو غير يعْطيوْنا هادْ الأسْبرو[/FONT]
[FONT=&quot]هي هاديك مسكينة قالت لي باللي لفضل راه ديال المعلمين لأنّهوم كيشْريوْ ليهوم الدْوى وكيساعدوهوم فكتابة الرسائل.المهم المعلم عندهوم يسوى 100 طبيب[/FONT].
[FONT=&quot]مع ديك الوحدة رجعنا لتاوريرت ومشينا ديريكت للمستوصف لكبير.لقينا المعلمين والممرضين تقريبا كاينين.اعطينا لوراق ديالنا لْخلية اليقظة.هادي مجموعة ديال الأطباء كتجمع لوراق باشْ تْوجّدْ التقاريرْ[/FONT].
[FONT=&quot]شي شْوية ، جا القايد ومْعاه المرافقين ديالو وقال لطْبيبْ المسؤول : اوى دكتور كي داز اليوم الأول ديال التلقيح ؟[/FONT]
[FONT=&quot]رد عليه : على أحسن ما يرام سعادة القائد[/FONT]
_
[FONT=&quot]كاين شي إحصائياتْ ؟[/FONT]
_
[FONT=&quot]غير هي .بالنسبة لهاد اليوم راحنا غطّينا تقريبا 40 فالمية وهادا راه مهم بزاف.أحنا كنا دايرين ما نتعدّاوش 20 فالمية[/FONT]
_
[FONT=&quot]اوى بْرافو عليكوم يا دكاترة[/FONT]
_
[FONT=&quot]اسمح لي سعادة القايد راه الفضل كلّو راجع لهيأة التدريس.الصراحة تقالْ كانو خير محفّزْ لسكان اللي تْوافدو علينا بكثافة لا مثيل لها[/FONT].
[FONT=&quot]شاف فينا حْنا المعلمين وضْحكْ .من بعد قال لينا[/FONT]:
[FONT=&quot]لبْلاصة اللي فيها المعلمين فيها التْبَرْزيطْ والمعلمين معروفين راسهوم قاسح الحاجة الى دارو شي حاجة فْراسهوم ماكاينش اللي يْحيّدْها ليهوم .دابا هاد لَعْناد ديالهوم راه فالصاليحْ ديالنا[/FONT].
[FONT=&quot]المعلمين حتى هوما ضحكو [/FONT]
_
[FONT=&quot]اوى راها راشقا ليكوم ، ياكْ؟[/FONT]
[FONT=&quot]_ يا الله وجدو راسكوم راه لغدا موجود وكولشي فابور[/FONT].
[FONT=&quot]بْقينا نْشوفو فيه .شي شوية قرّبْ منّو شي خونا بالله من المعاونينْ ديالو وهْمسْ ليهْ فْودنو[/FONT] .
[FONT=&quot]القايد ابتاسم وقال للحضور : سمحو لي يا سادة آشْ بغيتو تتْغدّاوْ ؟ كاين الكفتة ، كاين الكوتليتْ ، كاين لحم مْفوّرْ ، كاين طاجين لبطاطا والزيتون بالدجاج[/FONT].
[FONT=&quot]هي هاديك ناضتْ القربلة فالمستوصف.كلْ واحدْ يلغى بلْغاهْ.شي باغي الكفتة ، شي عندو مع الكوتْليتْ ، شي اللي يعجبو الطاجين ، شي اللي خاصّو اللحم مْفوّرْ.المهم الطلبات كتراتْ.آشْ المعمولْ؟[/FONT]
[FONT=&quot]القايد شافْ ياللي حاجة وحدة هي اللي غادي تْسلْكو : هاد المأكولات كاملة يْجيبها واللي بغى شي حاجة راها حْداهْ[/FONT]
_
[FONT=&quot]اوى تْبرعو مع ريسانكوم [/FONT]

[FONT=&quot]اليوم الثاني كان خاصني نكون فالمستوصف مع الجوج ديال الصباح.كان خاصنا نمشيوْ لواحد القرية تبعد بْشي 60 كيلومتر.هاد القرية السكان ديالها متنقّلين.يعني ما يبقاوْشْ فمكان واحد.لهادا خاصنا نْشدّوهوم او هوما باقيينْ ناعسينْ[/FONT].
[FONT=&quot]فعلا مْشينا شي 50 كيلومتر والطوموبيل حبْساتْ حْدى وادْ كانْ حامَلْ.من الصدف كانو ناس المنطقة دايْرين خشْبة طويلة شادّة العرض ديال الواد.آه يا خّوتي ضروري نقطعو الواحد وحْنا نتْمشّاوْ فوق الخشبة.خوكم يْجيهْ دغيا الفيرْتيجْ (الدوخة).صافي غادي نْطيحْ ويَدّيني الواد[/FONT].
[FONT=&quot]شي وحدين معلّمين بْغاوْ يرجعو في حالاتهوم ولكن ما يمكنش ليهوم حيت حْنا بْعاد على تاوريرت[/FONT].
[FONT=&quot]فْلخَّرْ ما فادْهوم غير يتْمشّاوْ من فوق الخشبَة.شْحالْ من واحد طاحْ ولكن الحمد لله دغْيا لقْفوه.خوكم الحوميدي مْنعْ ولكن ب66 كْشيفة[/FONT].
[FONT=&quot]المهم تمشينا على رجلينا واحد الساعة ديال الطريق.هي هاديك وْصلنا لواحد الخيمة كبيرة.قبل ما نقرْبو جاوْنا شي كْلابْ كوحَلْ .باغيينْ يهَّجْمو علينا.الحمد لله خرج شي نومادْ (من الرُّحَّل) من الخيمة وقال لينا : شكونْ انتوما واشْ باغْيين عندنا.جاوبناه : حْنا المعلّمين جينا نْلقحو وْلادكوم[/FONT] .
_
[FONT=&quot]ما عندنا وْلادْ[/FONT]
_
[FONT=&quot]اوى خَرجْ لينا لعْيالاتْ[/FONT] !
[FONT=&quot]النومادْ طارتْ ليه (ماشي معْزةْ) : الله ينْعلْ اللّي ما يحشمْ.آشْ دّاكوم للنْسا ديالْنا ؟[/FONT]
_
[FONT=&quot]خاصْهوم يتلقحو [/FONT]
_
[FONT=&quot]واخّا صبْرو ولكن ما غاديشْ يخّرجو ليكوم [/FONT]
_
[FONT=&quot]حتى حْنا بْغينا غيرْ يدّيهوم[/FONT].
_
[FONT=&quot]الله ينعل ما يحشمْ أنتوما ضاسرينْ[/FONT]
[FONT=&quot]عادْ عقنا باللي خونا بالله يْسْحابْ ليه باغيين نتزوْجو.كيفما تعرفو بالدارجة المغربية طلب يد البنت هي معناها باغي يتزوجها[/FONT].
_
[FONT=&quot]اسمح لينا يا الشريف.بغينا نْدكّو ليهو لبْرى فاليدْ[/FONT]
_
[FONT=&quot]واخّا [/FONT]
[FONT=&quot]هي هاديك خرجو لينا شي عْيالات مْلثْماتْ.يا الله عرّاوْ يدّيهم كولْها معَمْرة وْشامْ[/FONT].
[FONT=&quot]المهم انتهات هاد العملية على خير وسلام[/FONT].
[FONT=&quot]شي شْوية ، جا لعندنا واحد الولد كبير وقال لينا : حتى أنا بْغيتْ نتْلقّحْ[/FONT].
[FONT=&quot]الفرملي ردْ عليه : لا يا ولدي انت كبير على التلقيحْ[/FONT]
[FONT=&quot]خوكم الحوميدي ديما فنصرة المظلوم والمقموع والجيعان والعطشان.هي هاديك دُرْتْ فالممرضْ : مالكْ أخويا حارَمْ الولد من التلقيحْ؟ واشْ راكْ مادّو من جيبك ؟[/FONT]
_
[FONT=&quot]ولكن راه ما يحقْشْ عليه[/FONT]
_
[FONT=&quot]باراكا من لفهامة ، اوى لقّحْ الولد [/FONT]
_
[FONT=&quot]واخا أخويا على مسؤوليتكْ[/FONT]
[FONT=&quot]الولد مسكين فْرحْ.غير الممرضْ لقْحو دخَلْ يجري للخيمة وقال لبّاهْ: ابّا حتى انا تلقّحْتْ [/FONT]
[FONT=&quot]من بعد شفنا باقي الخيمات .الاغلبية ديالهوم ما عندهومش لبراهش.اللي كان اننا لقحنا لعيالات[/FONT] .
[FONT=&quot]مع ديكْ السبعة ديال الصباحْ رجعنا لتاوريرت منهوكين عيّانين .أنا مْشيتْ ديريكت للدار باشْ ننعسْ[/FONT].
[FONT=&quot]مع ديك الوحدة مْشيتْ للمستوصف باش نعطيهوم الرّابّور(التقرير).قال لي الطبيب : أخويا واش عاد دابا جاي؟ صحابك كانو هنا مع ديك العشرة ديال الصباح[/FONT].
[FONT=&quot]المهم ما فادو غير خْدى لوراق ديالي وقال لي راهوم تْغدّاوْ ولكن بْقى باشْ تاكول معانا[/FONT].
[FONT=&quot]فعلا كْليتْ معاهوم .من بعد اكتاشفت باللي هاد الناس المهمين يْخلّيوْ الطبسي تقريبا عامر.هوما عندهوم مع الفواكه[/FONT] .
[FONT=&quot]اليوم الثالث والأخير من زهري قْضيتو فواحد المستوصف ديال لمدينة .المشكل كاين البشر بزاف والتنظيم ماكاينش.كان هاد النهار اصعب يوم قضيتو في الحملة التلقيحية[/FONT]




[FONT=&quot]عودة لمذكرات معلم في الوسط الحضري مع ما تبقى من الحلقات

[FONT=&quot] حوميدي وقصتو مع صاحب الطبسي ديال الطعام كل جمعة[/FONT]
[FONT=&quot]حوميدي وولادة ابني أنس[/FONT]
[FONT=&quot]حوميدي والتلفزة كولور وشرارة [/FONT]
[FONT=&quot]حوميدي والخزانة المدرسية[/FONT]
[FONT=&quot]حوميدي ومعلمة بنتو عفاف[/FONT]
[FONT=&quot]حوميدي وصديقي السقرام نبيل (1)[/FONT]
[FONT=&quot]حوميدي وصديقي السقرام نبيل (2)[/FONT]
[FONT=&quot]حوميدي والإنتقال إلى وجدة (نهاية المذكرات)[/FONT]
[/FONT]
 

Houmidi59

::الفارس المغربي ::

غير متصل
#66
رد: قصة بالدارجة المغربية : مذكرات معلم في المدينة

[font=&quot]الحلقة رقم 36[/font][font=&quot] : [/font][font=&quot]حوميدي وقصتو مع صاحب الطبسي ديال الطعام كل جمعة[/font][font=&quot]

[/font]
[font=&quot]الجزء الأول[/font][font=&quot] : [/font][font=&quot]لكْرى من دارْ لْدارْ وقصتي مع ولد فجيج[/font]
[font=&quot]

[/font]
[font=&quot]هاد القصة مْشاتْ لي من بالي ويا الله فاشْ تفكّرتها.هادي يا خّوتي فالعام التاني ديال التْزوفيرة ديالي في تاوريرت.كنت من قبل قلت ليكوم باللي سكن معايا خويا حسن.ياكْ باقي عاقلين؟ اللي كان أنه بعد العطلة الصيفية تْلاقيت مع خويا حسن باشْ نْقلبو على لكْرى[/font][font=&quot].
[/font]
[font=&quot]فالأول لْقينا واحد البيت وكوزينة فواحد الباطيما مولاها مْقسّمها بيوت للكراء.هادي كان كْراها رخيص ما يتْعدّاشْ 300 درهم للشهر فيها خْلاصْ الضّو والما.سكنت فيها أنا والأخ حسن لمدة شهر فقط وهربنا منها دغيا.الأسباب كانت كثيرة.السبب الأول هو أننا اكتشفنا ان هاد العمارة وكْرْ ديال الفساد.السبب الثاني : كاعْ اللليل كامل والَخّوت مقصْرين.السبب الثالث : هجمو علينا الحشرات (بْحال داكْ الشّي اللي وْقع لْخونا بالله عبد الحي[/font][font=&quot])
[/font]
[font=&quot]من الزهر ديالنا لقينا واحد الأستاذ (هادا أصلو من فجيج) ساكن غير بوحدو فْدار كبيرة ، فيها 3 ديال لبيوت وكوزينة وحمّام .الصراحة دار نْقية.خونا بالله يا الله فاش دخلنا باش نسكنو معاه قال لينا : بغيت كومْ تعّرفو حاجة مهمة وهي أنه نْهار اللي نتزوّج غادي تخويوْ الدّار[/font][font=&quot].
[/font]
[font=&quot]شوفو الوقاحة ديالو[/font][font=&quot] !
[/font]
[font=&quot]خوكم الحوميدي مْقزْدرْ أكثر منّو : اوى خويا وقتاشْ غادي تتزوّجْ بالسلامة[/font][font=&quot]
[/font]
[font=&quot]رد علي هاد الكامبو : ما زالْ ما عارفْ لْحدْ الساعة[/font][font=&quot] .
[/font]
[font=&quot]صاحبي حسن كان ذكي مينْ طْرحْ عليه هاد السؤال : واشْ بعدا خاطبْ ؟[/font][font=&quot]
_ [/font]
[font=&quot]ما زالْ[/font][font=&quot]
_ [/font]
[font=&quot]اوى انت كتْبيعْ الحوتْ فلبْحرْ[/font][font=&quot] !
_ [/font]
[font=&quot]شوفو الله يْخلّيكومْ انا النْهارْ اللي نبغي الدار خاصْكومْ تخويوْ[/font][font=&quot]
[/font]
[font=&quot]أنا اللي ردّيتْ عليه : اوى حتى يْزيدْ ونْسمّيوَهْ سْعيدْ[/font][font=&quot]
[/font]
[font=&quot]المهم سكنّا معاه واحد الأسبوع .خونا بالله قال لينا أنا اللي نتْكلّفْ فالماكلا.قلنا لو ما فيها باسْ.خونا بالله كان يْوجّد كل يوم الماكلا .ها لبْطاطا بالجلبان، ها الكرعة باللحم ، ها اللوبيا بالدجاج....المهم برنامج غني ، الصراحة تقال[/font][font=&quot].
[/font]
[font=&quot]كان خونا زعما حادق حيت كان مع هاد لمْراقي يْصايبْ مرّة فلفلة بماطيشة ومرّة ماطيشة بالبصلة[/font][font=&quot].
[/font]
[font=&quot]اوى هادا حادكْ (ماهر باللغة العربية)بمعنى الكلمة[/font][font=&quot].
[/font]
[font=&quot]اللي انا تْعجَّبتلو من هاد السيد انّه تقريبا النهار كامل فالدار، قْليلْ فينْ يمشي يخدمْ[/font][font=&quot].
[/font]
[font=&quot]المهم واحد النهار خوكم جا من الخدمة مع ديك الطْناشْ وكي العادة كان ضارّو الجوع[/font][font=&quot].
[/font]
[font=&quot]مينْ وْصلتْ شمّيتْ المرميطة : لعدسْ ! الله شْحالْ بنين[/font][font=&quot]!
[/font]
[font=&quot]خوكوم بالله قال لصاحبنا (عبد لكبير) يا الله نتغدّاوْ راني قريبْ نموتْ بالجوع[/font][font=&quot]
[/font]
[font=&quot]فعلا حطْ الماكلة ، جا خويا حسن.شفتو بْحال الى شبْعان .يا الله نْقبْ (بحال الدجاجة) شْوية عْدسْ .قلت لو : خويا حسن : ياك الفلفل عزيزْ عليكْ.اوى جاهدْ شي شْوية وكولْ حقّي[/font][font=&quot].
_ [/font]
[font=&quot]لا أخويا حميد هاد النهار ما عندي شهية[/font][font=&quot]
[/font]
[font=&quot]خوكم الحوميدي كْلى حقّو وزاد عليه حقْ صاحبو[/font][font=&quot].
[/font]
[font=&quot]هاداك النهار كانت عندي سْواري، هي هاديك ضْربتها بْتكرْشيخة حتى للمغربْ[/font][font=&quot].
[/font]
[font=&quot]مينْ فقْتْ من النعاسْ، توضيتْ وصلّيتْ العصر والمغرب وخْرجتْ نْديرْ شي دورة فالقهوة.لْقيتْ خويا حسن كيشرب أتاي وحْداه الحرشة ولمسمّنْ[/font][font=&quot] .
_ [/font]
[font=&quot]واه أخويا حسن يمكن الشهية راها تفتْحاتْ ليكْ[/font][font=&quot] !
_ [/font]
[font=&quot]خويا حميد راني ميّتْ بالجوع .خلّيني ناكولْ ، من بعد نحكي لك[/font][font=&quot].
[/font]
[font=&quot]الصراحة كونْ غيرْ ما حكى لي[/font][font=&quot].
_ [/font]
[font=&quot]سّي عبدالحميد انا فلغْدا كنت جيعانْ وْما بْغيتْ ناكولْ والو [/font][font=&quot]
_ [/font]
[font=&quot]ياكْ ما طيّرْها لكْ خونا بالله [/font][font=&quot]؟
_ [/font]
[font=&quot]بالعكس كان مْعايا مزيانْ[/font][font=&quot]
_ [/font]
[font=&quot]اوى فينا هو المشكل ؟[/font][font=&quot]
_ [/font]
[font=&quot]آه يا خويا اللي شفتو كرّهني فالماكلة [/font][font=&quot]
_ [/font]
[font=&quot]واه لهاد الدرجة[/font][font=&quot] !
_ [/font]
[font=&quot]واشْ راكْ عارف واشْتا (آشنو)شفتْ ؟[/font][font=&quot]
_ [/font]
[font=&quot]لّا ولكن خاصك تقول ليا [/font][font=&quot]
_ [/font]
[font=&quot]شفت عبد لكبير فالمرحاض[/font][font=&quot]...
_ [/font]
[font=&quot]اوى حاجة عادية أخويا ، حتى أنا راني نمشي للميضا (المرحاض) غير ما راكشْ تْشوفني[/font][font=&quot]
_ [/font]
[font=&quot]خويا حميد ما راكشْ فاهمني[/font][font=&quot].
_ [/font]
[font=&quot]واخا شفتي عبد لكبير فالمرحاض، إوى؟[/font][font=&quot]
_ [/font]
[font=&quot]شفتو ...حاطْ الفلفل فلْأرضْ ويغسل بالسطل ديال المرحاض[/font][font=&quot].....

_ [/font]
[font=&quot]صافي أخويا واشْ باغي تْقيّيني[/font][font=&quot]
_ [/font]
[font=&quot]ما زال ما ساليت حتى لعدس كان[/font][font=&quot] .......
_ [/font]
[font=&quot]أخويا غادي نتقيّى (حاشاكوم[/font][font=&quot])
[/font]
[font=&quot]يمكن هاديك الليلة ما نعستْ تقريبا والو.فالصباح قلت لحسن خاصنا نرحلو من هنا وخّا نمشيو نسكنو فالأوطيل ديال البخّوشْ[/font][font=&quot]
[/font]
[font=&quot]قال لي : حتى أنا راحل معاكْ ومنْ دابا[/font][font=&quot]
[/font]
[font=&quot]فاشْ يا الله جْمعنا حْوايجنا ، خرجْ لينا خونا بالله : اوى واشْ راكو زاهْقينْ (هاربين) ؟[/font][font=&quot]
_ [/font]
[font=&quot]لّا غير كنّا نديرو شوية النظافة[/font][font=&quot]
_ [/font]
[font=&quot]لاعنداكْ أخويا أنا وحسن غادي نرَّحْلو [/font][font=&quot]
_ [/font]
[font=&quot]تبارك الله بْلا ما تْخلصوني ؟[/font][font=&quot]
_ [/font]
[font=&quot]عْلاشْ أخويا نْخلْصوك.شحال بعدا جاتكْ[/font][font=&quot]
_ [/font]
[font=&quot]صْبرْ كولشي مْسجّلْ فالكارني[/font][font=&quot].
[/font]
[font=&quot]خونا بالله بْدى يقرى علينا لحوايج اللي شْرى من نْهار اللي جينا لْعندو.الغريب فالأمر مْسجّلْ شي حوايج ما عندهوم حتى علاقة بالكوزينة بحال ورق المرحاض ، الساعة ديال البوطة ، فوطة ديال الحمّام ، صندالة ميكة[/font][font=&quot].
[/font]
[font=&quot]حسن قالّو : الله يخلّيك بْلا ما تقرى غير أحسب واقسم وقولْ لينا شْحالْ جاتْ لكلْ واحد فينا ؟[/font][font=&quot]
_ [/font]
[font=&quot]هادا هو لكلام[/font][font=&quot]
[/font]
[font=&quot]خونا بالله جْبدْ شي آلة حاسبة عندو تقريبا الأرقام ديالها ممسوحين.بْدى يكتب ويحسب.شي شوية ، قال لينا راها جاتكوم أسيدي 400 درهم[/font][font=&quot] .
_ 400 [/font]
[font=&quot]درهم ؟ أحنا بْجوجْ ، ياكْ ؟[/font][font=&quot]
_ [/font]
[font=&quot]الّا للواحد[/font][font=&quot] !
[/font]
[font=&quot]هاد السيد إما خطّافْ كبير او مسكين ما يعرفشْ يحسبْ[/font][font=&quot]
_ [/font]
[font=&quot]شوف مزيان أخويا ياكْ ما راكْ زايدْ شي صفر بْلا ما تْفيقْ[/font][font=&quot]
_ [/font]
[font=&quot]كولشي محسوب نيشانْ[/font][font=&quot]
_ [/font]
[font=&quot]اسمح لي انا ما يمكنشْ نْعطيك هاد القدر ديال لفلوس على 10 أيام كْليتهوم معاك[/font][font=&quot]
_ [/font]
[font=&quot]واشْ باغيينْ تاكْلوني ؟[/font][font=&quot]
_ [/font]
[font=&quot]حاشا ولكن أنت باغي تخْطفْنا[/font][font=&quot]
_ [/font]
[font=&quot]واخّا أسيدي شْحالْ شْريتي ديال اللحم فهاد 10 أيام ؟[/font][font=&quot]
[/font]
[font=&quot]هاد السؤال ما كانشْ طايح لو فالبال[/font][font=&quot] .
[/font]
[font=&quot]انا اللي ردّيتْ عليهْ : 4 كيلو ؟ موحال ..اللحم كنّا تقريبا ما نتعدّاوش رطل[/font][font=&quot].
[/font]
[font=&quot]حسن زاد قالّو : 4 كيلو يا الله تسوى 200 درهم[/font][font=&quot] .
[/font]
[font=&quot]زدتْ قلت لو أنا : الخضرى هاديك كاملة ما غاديش تتعدى 100 درهم [/font][font=&quot]
[/font]
[font=&quot]حسن خويا هو اللي كمّلْ : 200 درهم و100 درهم ونْزيدو عليها 60درهم ديال لحليب والخبز والزبدة المجموع 360 درهم نقسموها على 3 جاتك 120 درهم للواحد.هادي راها بالزيادة [/font][font=&quot]
_ [/font]
[font=&quot]شاف حتى عْيى وقال لينا اللي بغيتو[/font]

[font=&quot]هدا دليل باللي خونا بالله كانْ رابح مْعانا بالمعقول.
[/font]
[font=&quot]
[/font]
[font=&quot]الجزء الثاني[/font][font=&quot] :[/font][font=&quot]قصتي مع مول الطعام (كسكسو) ديال الجمعة[/font][font=&quot]

[/font]
[font=&quot]المهم حْنا كانْقلْبو جهة السوق ، شي أستاد ديال الإعدادي قال لينا الى بْغيتو تسكنو معانا راني موافق ولكن خاصكوم تْشوفو الدار.مْشينا نشوفوها.فيها جوج طبقات : فالطبقة الأولى 2 بيوت وفالطبقة الثانية 2 بيوت والكوزينة.المرحاض جاي فوق السطوح.خونا بالله قال لينا باللي هوما بْجوجهوم ساكنين فالطبقة الثانية حْنا خاصنا نْشدّو الطبقة الأولى ولكن الى بْغينا ناكلو نْجيوْ للكوزينة حيت ما كاينْ غيرْ وحدة[/font][font=&quot]
[/font]
[font=&quot]اما على العشرة ، قالك أسيدي هوما يتْعاشْرو غيرْ بيناتهوم.حسن لْقاها من الجنة والناس وردْ عليه : داكْ الشّي اللّي بْغينا[/font][font=&quot].
[/font]
[font=&quot]المهم جبْنا حْوايجنا وتْعرّفنا على الأستاد الثاني[/font][font=&quot].
[/font]
[font=&quot]دازت ايّامات تْعاشرتْ فيها أنا وخويا حسن.كنّا ناكلو جميع فالكوزينة ولكن كل جوج او ماكلتهوم: هوما من جهة وحْنا من جهة.ما عمرو شي واحد دوَّقْ لاخورْ[/font][font=&quot].
[/font]
[font=&quot]هاد جوج أساتدة فْشي شْكلْ.عندهوم تقريبا نفس الهوايات : بْجوجهوم كيسمعو للموسيقى الهندية ، أما الصلاة ، خاطيهوم.بجوجْهوم كَيْكاليوْ الشمّا (طابا) المهم قوم ديال الجاهلية ولكن لحد الساعة ما عمرو ما ضرّونا[/font][font=&quot].
[/font]
[font=&quot]كنت أنا وحسن خاصة يوم الجمعة كنمشيو نصلّيوْ .من بعد نرجعو من المسجد عاد نتْغدّاوْ[/font][font=&quot].
[/font]
[font=&quot]واحد النْهار كنت راجع من المسجد.كان داك النهار الجمعة.تْلاقيتْ واحد التلميد ديالي كان يقرى عندي فالثالث.سبحان الله ما عقلتشْ عليه ولكن هو عْرفني.جا لعندي مسكين وسلّمْ علي بْحرارة وقال لي : استاد ما عمرو ما ننسى الفضل ديالك .أنت هو سْبابي باشْ رجعت م**** فالرياضيات[/font][font=&quot].
[/font]
[font=&quot]المهم من خلال الهضرة عْرفتو مزيان: صافي انت ما تكون غير داكْ التلميذ الذكي هشام [/font][font=&quot]
_ [/font]
[font=&quot]نعم أستاد راك باقي شادْ[/font][font=&quot]
_ [/font]
[font=&quot]واه أولدي الداكرة هي راسْ مالي[/font][font=&quot]
[/font]
[font=&quot]المهم سوّلْ على الأساتذة وعلى الأحوال ديالي.من بعد قال لي : اسمح لي يا أستاذ على حسب العلم ديالي انت متزوّجْ ولكن شفتك عايش مع الزوفرية.ياكْ ما[/font][font=&quot]...
_ [/font]
[font=&quot]لّا أولدي ، غادي نحكي لك[/font][font=&quot].
[/font]
[font=&quot]مينْ ساليتْ القصة ديالي ، شاف فيا مسكين بْحالْ الى باغي يبكي : يا أستاد انت دائما كضّحّي من أجل الآخر[/font][font=&quot]
_ [/font]
[font=&quot]ما عليهش أولدي الجزاء راه عند الله[/font][font=&quot].
[/font]
[font=&quot]قبل ما يمشي قال لي عند مَنْ تسكنو؟[/font][font=&quot]
[/font]
[font=&quot]قلت لو عند : قدّوري[/font][font=&quot]
_ [/font]
[font=&quot]صافي عرفت الدار.غير سيرو راني لاحق بيكوم[/font][font=&quot].
[/font]
[font=&quot]فعلا مْشيتْ انا وحسن للدار.حَطّينا لغدى باشْ ناكلو.باقي عاقل حسن كان طيّبْ الماقارونية بْلاصوصْ.سمعنا الدّقْ.نزلو الأساتذة يْشوفو شْكونْ.واحد فيهوم قال لي : تْكلّمْ[/font][font=&quot]
[/font]
[font=&quot]نزلتْ.لقيتْ هشام فْيدّو طبسي كبير ديال الطعام (كسكسو): راه صيفطو ليكوم الواليد بالصحة والراحة[/font][font=&quot]
[/font]
[font=&quot]طلّعنا الطعام للدار.حْنا ديما كْرامْ ، عيّطْنا على الأساتدة باشْ يْشاركونا الطعام.كْلينا جميعْ والحمد لله شبعنا[/font][font=&quot]
[/font]
[font=&quot]الجمعة اللي جات من بعد ، مْشينا للجامع كي العادة وتْلاقينا هشام.قال لي مسكين : أستاد راني حطّيتْ الطبسي ديال الطعام عندكوم فالدار[/font][font=&quot]
_ [/font]
[font=&quot]الله يخلف عليكوم أولدي[/font][font=&quot]
_ [/font]
[font=&quot]بالصحة يا أستاد .انا ما كْرهتشْ كل يوم تتْغدّاوْ معانا [/font][font=&quot]
[/font]
[font=&quot]المهم رجعنا للدار.اللّي شفنا يْحيرْ لو لعجبْ.بجوج خوتنا بالله سالاوْ مع الطبسي ديال الطعامْ[/font][font=&quot]
_ [/font]
[font=&quot]واه شكون اللي عْطا ليكوم التسريح تاكلو الطعام ديالي؟[/font][font=&quot]
_ [/font]
[font=&quot]أعْلاه أخويا واشْ مكتوبة فيه سْميْتكْ ؟[/font][font=&quot]
_ [/font]
[font=&quot]هاداك الطعام راه صيفْطو لي التلميد ديالي[/font][font=&quot].
_ [/font]
[font=&quot]راك غالط راه قال لينا ليكوم أنتوما[/font][font=&quot]
_ [/font]
[font=&quot]واخّا تاكلو ان شاء الله الرّهْجْ[/font][font=&quot]
[/font]
[font=&quot]الاسبوع الثالث ، نفس القصة.لخّوتْ فازو بالطبسي ديال الطعام.المشكل ان هاد جوج أساتدة ما بْقاوْشْ يْطيْبو شي حاجة يوم الجمعة حيت صافي ضمْنو الطبسي ديال الطعام كل جمعة[/font][font=&quot].
[/font]
[font=&quot]صاحبي حسن قال لي : خلّيهومْ راكْ تشوف الجوع قاتلهومْ[/font][font=&quot]
_ [/font]
[font=&quot]عندك الحق ولكن خاصني نعلم التلميد ديالي[/font][font=&quot].
[/font]
[font=&quot]فعلا واحد الصباح ديال الجمعة كنت ما زال ما مْشيتْ للجامع، تْلاقيتْ هشامْ[/font][font=&quot] :
_ [/font]
[font=&quot]أستاد الله يْخلّيك راه عندك 3 أو 4 ديال الطْباسلْ باقي ما رديتوهوم لينا[/font][font=&quot]
_ [/font]
[font=&quot]اسمع أولدي هاداك الطعام اللي كتْجيبْ شْحالْ هادي ما كْليتو .شوف مع هادوك الأساتدة اللي كتْجيبو ليهوم[/font][font=&quot].
[/font]
[font=&quot]هشام ما كانشْ يتوقّع هاد الرّدْ : ولكن أأستاد ان الطعام كنْجيبو ليك ماشي لهادوك الأساتدة مع احتراماتي.كونْ ما كنتيشْ انت والله ما نْجيبو[/font][font=&quot]
_ [/font]
[font=&quot]اوى ولدي سير دابا دقْ عليهوم والله يْخلّيكْ ما تبْقاشْ تْجيبْ لينا الطعام[/font][font=&quot] .
_ [/font]
[font=&quot]واخّا يا أستاد[/font][font=&quot]
[/font]
[font=&quot]مْشيتْ مع حسن للجّامع وفي الطريق حْكيتْ لو اللي وْقعْ مع التلميد ديالي .حسن ماتْ بالضحك .قال لي : خاصنا نْرجعو دغيا راه يمكن يسرقو لينا الماكلة ديالنا[/font][font=&quot]
_ [/font]
[font=&quot]واشتا بعدا راكْ مْوجّدْ لغْدا ؟[/font][font=&quot]
_ [/font]
[font=&quot]لعْدسْ[/font][font=&quot]
_ [/font]
[font=&quot]ما تْخافشْ هادوك الكانيبالْ ما عندهومشْ مع القطاني[/font][font=&quot].
[/font]
[font=&quot]المهم مين رجعنا لْقيناهوم باقي يْسايْنو لغْدى.حْنا حطّينا لعدس باشْ ناكلو[/font][font=&quot]
_ [/font]
[font=&quot]أجيوْ تاكلو معانا[/font][font=&quot]
_ [/font]
[font=&quot]الله يخلف [/font][font=&quot]
_ [/font]
[font=&quot]غير شوية عدس قبل ما يْجي الطعام[/font][font=&quot]
_ [/font]
[font=&quot]أخويا غير كولو حْنا صابرين حتى يْجي الطعامْ[/font][font=&quot].
[/font]
[font=&quot]المهم سالينا من الماكلة وجات الوحدة و30 دقيقة.الطعام ما بانشْ[/font][font=&quot].
[/font]
[font=&quot]هي هاديكْ ، قلت ليهوم : ياكْ ما راكو تسْتانّاوْ الطعامْ؟ راه موحالْ الى تاكلوه هاد النهار[/font][font=&quot]
_ [/font]
[font=&quot]وأعْلاشْ أخويا واشْ حاسدنا[/font][font=&quot] ؟
_ [/font]
[font=&quot]حاشا غير كنت شفتْ عندهوم الضْيافْ (الضيوف[/font][font=&quot])
_ [/font]
[font=&quot]زعما موحال الى نتغدّاوْ[/font][font=&quot]
[/font]
[font=&quot]هي هاديك خوتنا بالله اقْتانْعو باللي صافي هاد الجمعة ما فيها طعام.هنا يا خّوتي عْرفتْ أنَّ بنادم شحال نكّار الخير.شوفو شْحال من جمعة وهاد الأساتدة كياكلو من خير الغير واحد النهار ما جابش ليهوم الطعام ، بْداوْ يْسبّو ويْعايرو فمول الطعام : سيرْ الله يْلكّيها لكْ ، الله يعطيك موصيبة ، الله يْريّبْ عليكْ الدار[/font][font=&quot]......
[/font]
[font=&quot]الأساتدة دْعاوْ حتى شبعو ولكن الحمد لله ربي ما عمرو ما يسمع لدعوة الظالمين والجاحدين للخير[/font][font=&quot]
[/font]
[font=&quot]الجمعة اللي من بعد ، مشينا للمسجد كي العادة .رجعنا كي العادة .دخلنا للدار كي العادة .يا الله بغينا نتغدّاوْ، جا هشام ودقْ.خْرج ليه هاد خونا بالله [/font][font=&quot]([/font][font=&quot]شعيب) قالو هشام : انا الطعام ما كنتش نْجيبو ليكوم ، كنت نْجيبو للأستاد ديالي[/font][font=&quot]
[/font]
[font=&quot]هاد شعيب طلع يجري للبيت ديالو ، بْحال الى تقولو هشام صفعو لوجهو[/font][font=&quot].
[/font]
[font=&quot]حْنا نْزلنا ولْقيتْ هشامْ فْيدّو طبسي طعام كبيرْ وقال لي : أستادي هادا طبسي ديال الطعام غير ليك أنت وصاحبك سّي حسن[/font][font=&quot].[/font]


[font=&quot]عودة لمذكرات معلم في الوسط الحضري مع ما تبقى من الحلقات

[font=&quot] حوميدي وولادة ابني أنس[/font]
[font=&quot]حوميدي والتلفزة كولور وشرارة [/font]
[font=&quot]حوميدي والخزانة المدرسية[/font]
[font=&quot]حوميدي ومعلمة بنتو عفاف[/font]
[font=&quot]حوميدي وصديقي السقرام نبيل (1)[/font]
[font=&quot]حوميدي وصديقي السقرام نبيل (2)[/font]
[font=&quot]حوميدي والإنتقال إلى وجدة (نهاية المذكرات)[/font]
[/font]


[font=&quot] [/font]
 

Houmidi59

::الفارس المغربي ::

غير متصل
#67
رد: قصة بالدارجة المغربية : مذكرات معلم في المدينة

[FONT=&quot]الحلقة رقم 37[/FONT][FONT=&quot] :[/FONT][FONT=&quot]حوميدي وولادة ابني أنس[/FONT][FONT=&quot]

[/FONT]
[FONT=&quot]أنس ولدي أدْزادْ بالضّبْط يوم 5 أكتوبر.سبحان الله صدفة عجيبة يصادف يوم ميلادو عيد المدرس.ولكن ديك لوقيتة ما كانتش الأسرة التعليمية فالعالم تحتافل بيه[/FONT][FONT=&quot].
[/FONT]
[FONT=&quot]أناسْ زادْ أيامات الحوميدي كان زوفري فتاوريرت .النهار اللي خرج فيه للوجود كان يوم الخميس وأنا كنت فالمدرسة كي العادة. من بعد جاني تيليفون قالو لي راه عندك ولد مبروك عليكْ.بالطبع فهاديك لعشية شديتْ الكارْ لوجدة.وصلت مع المغرب.الدار كانو فيها لعيالات ضايْرين بالزوجة.خوكم الحوميدي دخلْ باشْ يْسلّم على المولود الجديدْ.أخِداهْ ثم ودّنْ (يعني أذّنَ)لو في وَدْنيهْ.سمعت لعيالات كيتهامسو بيناتهوم .باينة جاتهوم عْجبْ.زعما هاد الرجل اللي هو أنا ما كيحشمشْ حيت هازْ ولدو وكيفتاخر بيهْ[/FONT][FONT=&quot].
[/FONT]
[FONT=&quot]هادا هو الكلخْ بعينيهْ[/FONT][FONT=&quot]
[/FONT]
[FONT=&quot]خوكم من بعد ،جْبد المصحف وقْرى آيات من الذكر الحكيم .دابا خاصني نْوجّدْ راسي لسْبوعْ[/FONT][FONT=&quot].
[/FONT]
[FONT=&quot]ولكن كان خاصني نْديرْ شهادة طبية ديالْ أسبوع يا الله فاشْ تكفيني.راكو عارفين الإدارة كتعطي 3 أيام للموظف (زعما راها قاضْياها؟[/FONT][FONT=&quot])
[/FONT]
[FONT=&quot]من الإجرائات اللي درت هو عملية تسجيل الولد ديالي بسجلات الحالة المدنية.انا عملي وخاصني كل حاجة تكون في وقتها.باقي عاقل مين وصلت للبلدية أعطيت للموظف الورقة باش ينقل المعلومات[/FONT][FONT=&quot] :
_ [/FONT]
[FONT=&quot]آشْ سميَّتْ الولد ؟[/FONT][FONT=&quot]
_ [/FONT]
[FONT=&quot]راها مكتوبة أحْداكْ[/FONT][FONT=&quot]
_ [/FONT]
[FONT=&quot]أناسْ ياكْ ؟[/FONT][FONT=&quot]
_ [/FONT]
[FONT=&quot]راك غالك أنَسْ بْلا مدْ[/FONT][FONT=&quot]
_ [/FONT]
[FONT=&quot]أنت معلم ؟[/FONT][FONT=&quot]
_ [/FONT]
[FONT=&quot]واشْ ما بايناشْ علي ؟ ولكن عيّطْ لي أستاذ[/FONT][FONT=&quot]
_ [/FONT]
[FONT=&quot]واخّا أستاذ[/FONT][FONT=&quot]
[/FONT]
[FONT=&quot]شي وقيتة شفتو يكتب الإسم ديال ولدي بالفرنسية.خوكم الحوميدي بْحال هاد النوع ديال الموظفين اللي كيحتاقرو رجل التعليم هو ديما ليهوم بالمرصاد وبالعكس أنا كنْبهدلهومْ بالمعقول[/FONT][FONT=&quot]
_ [/FONT]
[FONT=&quot]شوف أداكْ بنادم ماشي هاكْدا خاصّكْ تكتب أنسْ[/FONT][FONT=&quot]
_ [/FONT]
[FONT=&quot]ولكن يا أستاذ كنكتبوها هاكْدا S-A-N-A[/FONT][FONT=&quot]
[/FONT]
_ [FONT=&quot]ماكاينش غير S واحد ، كاين جوج ديال S[/FONT]
_
[FONT=&quot]غريبة هادي .ما عمرو ما سمعت بها[/FONT]
_
[FONT=&quot]هدا يعني باللّي راكْ ناقص فاللغة الفرنسية [/FONT]
_
[FONT=&quot]ياكْ ما أنت أستاذ ديال الفرنسية ؟[/FONT]
_
[FONT=&quot]إيهْ أستاذ ونصْ[/FONT]
خونا بالله ما فادو غير كتبها Anass ومن ديكْ لوْقيتة
[FONT=&quot] ما زال مكتوبة فالحالة المدنية بهاد الطريقة[/FONT]
من يعد شْرحتْ لْخونا بالله عْلاشْ كاينْ جوجْ ديالْ S .
[FONT=&quot]ماشي غير واحد.هادي غادي نْخليها فالإضافات ديال هاد الحلقة حيت الشرح ديالها يلزم الكلام بالفرنسية[/FONT]
[FONT=&quot]المهم خوكم الحوميدي اتّاصل بالواليد ديالو وخبْرو بالمزيود .ما نخْفيشْ عليكوم أن الواليد فْرحْ بزافْ.غادي تعّرفو عْلاشْ[/FONT].
[FONT=&quot]لوْقيتة مينْ زادتْ عفاف ديالي ، الواليد ما عجبوشْ الحال.هادا فكّرني بداكْ الشّي ديال الجاهلية .انا بالعكس عندي سواسية ولد أو بنت .والصراحة اليوم كنفضّل البنت على الولد .البنت حْنينة بزّاف مع واليديها، أما الولد ما مْسوّقْ حتى لْشي حاجة[/FONT].
[FONT=&quot]المهم يوم كانت ادزادتْ عفاف ، الواليد كيفْ ما قلت بيّنْ عدم الرّضا..من بعد سمعت شي هضْرى ديالو بْقاتْ فيا المعنى ديالها أنّ الحوميدي ما فْيدّوشْ.هادا هو لحماق بْعينيهْ.ياكْ زعما ربّي هو اللي يعطي الذكر والأنثى واللي بْغاه يكون عقيم هو المريدْ ..كولشي بمشيئة الله[/FONT].
[FONT=&quot]على كل حال ، من بعد الواليد ساق لخبار عن قرب الولادة ديال أخ أو أخت عفاف ، قال ليا شوف أحميد الى كان ولد الكبش الجاوجْ على حْسابي وأنا غادي نْجيبْ العرْفا حتى للدارْ وعلى حْسابي[/FONT].
[FONT=&quot]هي هاديكْ قلت لو : ما تنساشْ تشري الكبش وتجيبْ العرفا[/FONT].
[FONT=&quot]نرجع للولادة ديال أنس .الصراحة كانت صْعيبة .كل مرّة كانت الزوجة ديالي تْحسْ بالمخاضْ ولكن غيرْ توصل لسْبيطارْ، ما كاين والو .شي وْقيتة بْقاتْ أسبوعْ.واحد النهار الطبيب قال ليها يمكن الى خاصّك العملية القيصرية [/FONT].[FONT=&quot]الزوجة ديالي تْخلعات ماشي بْعيد حتى أناسْ خافْ مينْ شافْ باللي القضية فيها المنشار والموس ولمقصْ.هي هاديك قال ليهوم : الَخّوتْ راني موجود خاصْني شي دفعة لله[/FONT].
[FONT=&quot]وفعلا خْرج أنسْ للوجود وْهو كيْغوّتْ بْحالْ الى ما ساخيشْ بالجوْ اللي كان فيه[/FONT].
[FONT=&quot]كاين حاجة أخرى خوكم دارها فالسْبوع ديالْ ولدو أنسْ.يمكن موحالْ الى يْديرْها شي حدْ.كان عندي صديق ديالي قلت لو : خويا سليماني واشْ تعرفْ شي ناسْ يقْراوْ القرآن ويمتْعونا بالأمداح بْلا ما يطلبو لفلوسْ.انا ما عمرو في حياتي نْعطي لفلوسْ للفقها .مينْ نعطي لفلوس من الأحسن نتصدّق بيهوم[/FONT].
[FONT=&quot]ردْ علي هادْ الصديق : فعلا عندك الحق .كْلام الله ما يتباعْ ، ما يتَّشْرى[/FONT]
_
[FONT=&quot]اوى خويا واشْ كاين شي ناس فهاد الدنيا يقراوْ في سبيل الله؟[/FONT]
_
[FONT=&quot]كاين ولكن خاصّكْ تتهلّى فيهوم ؟[/FONT]
_
[FONT=&quot]غادي ياكلو ويشربو ولكن الدّورو(الريال) ما يدّيوهْشْ[/FONT]
_
[FONT=&quot]صافي انت فاهمْ[/FONT].
[FONT=&quot]فعلا خويا سليماني جاب ليا 4 ديال الأساتذة صْحابْ لْحايا[/FONT].
[FONT=&quot]من قبل كان جا عندي الواليد وقال لي : راني تْكلّمتْ لك مع لفقيه ديال الجامع باشْ يجي لعشية.ردّيتْ على الواليد : غير قولّو ما يْجيشْ.راني لْقيتْ شي ناسْ معقولين[/FONT].
_
[FONT=&quot]ولكن هادا فقيه وقاري 60 حزب[/FONT]
_
[FONT=&quot]عندك الحق قاري 60 ومْتلّفْ 70 [/FONT]
_
[FONT=&quot]آشْ كتقولْ ، الله ينعل اللّي ما يحشمْ[/FONT]
_
[FONT=&quot]شوفْ أبّا أنا ما عنديشْ مع الفقها اللي يمشيوْ لدْيورْ باشْ ياكلو ويشربو ومن الفوق تعطيهوم لفلوسْ[/FONT]
_
[FONT=&quot]اوى أولدي هاداكْ شغلكْ[/FONT]
_
[FONT=&quot]واخّا غيرْ ما تنساشْ تْجيبْ العَرفا[/FONT]
_
[FONT=&quot]ياكْ ما ناوي ما تعطيهوم والو ؟[/FONT]
_
[FONT=&quot]اللي بغى يْبرّحْ يْشوفْ جيبو[/FONT]
[FONT=&quot]المهم فالليلة الموعودة جاوْ خوتنا بالله معاهوم سليماني صاحبي.الصراحة تقال دازت ليلة كان فيها القرآن قْراوهْ الأساتذة بخشوع وكانت أمداح نبوية تْفاعل مْعاها الحضور.بإختصار دازت ليلة فاعلة تاركة[/FONT]
[FONT=&quot]النْسيبْ ديالي (الله يرحمو) ما عجبوشْ الحال .هو والواليد ديالي ما بْغاوْشْ يدخلو عند الفقها الجْدادْ.بْقاوْ فالبيت بوحديتهوم[/FONT] .
[FONT=&quot]سبحان الله العطيم دازت تقريبا 3 سنوات .كنت واحد النهار مشيتْ عند صاحبي سعيد فمدينة العيون الشرقية.هاد المدينة بعيدة على تاوريرت ب50 كيلومتر وعلى وجدة ب60 كيلومتر.باقي عاقلين على صاحبي سعيد.راه ما بْقاشْ في تاوريرت حيت طْلبْ الانتقال لمدينة لعيون[/FONT].
[FONT=&quot]المهم واحد النهار مْشيتْ لعندو كان يوم ديال الأربعاء حيتْ عندي سْواري(أمسية).المهم قرّرْتْ نباتْ عندو .هاديك الليلة قال لي سعيد راحنا معروضين عند واحد الأستاد .قلت لو : ولكن أخويا أنا مانمْشيشْ لعندو حيت موحال الى يْكون عارضْ علي[/FONT].
[FONT=&quot]جاوبني سعيد : بالعكس قال لي أجي مع الضيوف ديالك[/FONT]
_
[FONT=&quot]اوى باشْ عْرفْ باللي عندك شي ضيفْ ؟[/FONT]
_
[FONT=&quot]غادي نكون معاك صريح .كان عْرضْ علي وخوكْ ما كانْشْ باغي يمشي ، هي هاديكْ بْغيتْ نْديرْ بيكْ السّبّةْ (العذر[/FONT])
_
[FONT=&quot]سعّى القضية تْقلْباتْ ، ياكْ ؟[/FONT]
_
[FONT=&quot]فعلا ، أعرضنا بجوج بينا؟[/FONT]
[FONT=&quot]باقي عاقل مزيان .هاديك لوقيتة كانت أيامات العيد لكبير.كنّا عيّدنا هاديك 10 أيام او 15 يوم[/FONT] .
[FONT=&quot]مْشينا عند خونا بالله صديق سعيد والصراحة تُقالْ تْهلّى فينا مزيانْ.شي شْوية بْقيتْ نتمعّن فيه .قال لي : خويا شفْتكْ غيرْ تْحَنْزَزْ (تتمعّنْ) فيا [/FONT].[FONT=&quot]واشْ كتعرفني ؟[/FONT]
_
[FONT=&quot]آشْ غادي نقولْ ليك يا أخي.راه سْبقْ لي شفتكْ ولكن فينْ ؟ الله أعلم[/FONT]
_
[FONT=&quot]حتى أنا ياخويا سابق لي شفتك .فين ؟ حتى أنا ماعارفْشْ[/FONT]
[FONT=&quot]فكّرتْ شي شوية وقلت لو: صافي ، ما نكونو تْلاقينا غير فوجدة[/FONT]
[FONT=&quot]أو هو يْردْ علي : انا ساكن في لعيون .ما نمشيشْ لوجدة .ليلة وحدة كنت قصّرتْ عند واحد السيد الله يْعمّرها دار كان عندو السْبوع وراهْ كْرمْنا الله يكّرْمو فالجنة[/FONT]
[FONT=&quot]خوكم الحوميدي وْقفْ وقالْ ليه : هو أنا[/FONT]



[FONT=&quot]عودة لمذكرات معلم في الوسط الحضري مع ما تبقى من الحلقات[/FONT]
[FONT=&quot][/FONT]
[FONT=&quot][/FONT][FONT=&quot]حوميدي والتلفزة كولور وشرارة [/FONT]
[FONT=&quot][/FONT][FONT=&quot]حوميدي والخزانة المدرسية[/FONT]
[FONT=&quot][/FONT][FONT=&quot]حوميدي ومعلمة بنتو عفاف[/FONT]
[FONT=&quot][/FONT][FONT=&quot]حوميدي وصديقي السقرام نبيل (1[/FONT][FONT=&quot])[/FONT]
[FONT=&quot][/FONT][FONT=&quot]حوميدي وصديقي السقرام نبيل (2[/FONT][FONT=&quot])[/FONT]
[FONT=&quot][/FONT][FONT=&quot]حوميدي والإنتقال إلى وجدة (نهاية المذكرات[/FONT][FONT=&quot])[/FONT]

 

Houmidi59

::الفارس المغربي ::

غير متصل
#68
رد: قصة بالدارجة المغربية : مذكرات معلم في المدينة

الحلقة رقم 38 من مذكرات حوميدي في العالم الحضري : [FONT=&quot]حوميدي والتلفزة كولور وشرارة

الجزء الأول : حوميدي شْرى تلفزة كولور

قبل ما نتزوج ماكنتشْ مْسوّق ْ للتلفزة .مين نبغي نتفرّج شي فيلم نمشي للسينيما ؛ إلى بْغيتْ نعرف الجديد ديال الأخبار ، نمشي للقهوة ؛ أما الموسيقى هاديك ساهلة ماهلة ، راها عندي مسجلة
ديال الكاسيط والموسيقى غير هي فالسوق.
مينْ تزوّجت ، إوى الحالة تْغيْراتْ.خوكم الحوميدي ما بْقاشْ يخرج عند صْحابو حيت لوْلية ما يمكنشْ نْخلّيها فالدار بوحديتها.المشكل الى بْقيتْ فالدار ما كاين كا يدّارْ .اوى الراديو ؟ بعض المرات حتى هو يبقى غير يْخرّفْ. الكاسيطْ ؟ راه طْلعْ فالراسْ.لكتاب والمجلة ؟ ما يصلحوش مينْ يكون مْعاكْ شي حدْ .ياكْ أنتوما عارفينها الكتاب هو الأنيس في الوحدة .هكْدا علْمونا فالمدرسة وحْنا دابا كنعلْموها لوْلادْ ديالْنا.اللّي كان أن هاد البراهشْ ديال هاد العصر عايْقين.هوما ما عندهومش مع الكتاب .
المهم كان خاص حلْ والحل دائما كيْجي من لعْيالاتْ :
_ أخويا راني قْنطْتْ ، خاصّك تشوفْ ليا شي حلْ
_ يا الله نْديرو البولفارْ(boulevard)
_ واشْ راكْ تضحكْ علي .تاوريرت فيها شارع واحد ويمكن تقطعو فخمسة مينوت
_ عندك الحق .صافي لقيتها ، يا الله نمشيوْ للسينيما
_ انا ما عمرو مْشيتْ ليها
_ واخّا أجي كتبي معايا لي فيشْ (les fiches)
_ لا أسيدي هاداك الشّي عندك واعر ، أنا ما قادّة عليه
_ اوى عندك شي حلْ ؟
_ شْري لي الله يْخلّيك تلفزة ...آه وتْكون كولورْ
_ مزيان تبارك الله
تلفزة كولور كتسْوى 4000 درهم وخوكم الحوميدي يا الله كيتخلَّصْ 1500 درهم .باش نشري بْحالْ هادي خاصني نصوم 3 ديال الشهورا على الماكلة وهدا ما كافيشْ حيت يلزم علي ناكول مول الدار اللي كان كاري ليا.
_ شوفي يا ديكْ لوْلية المتعوسة راه ما عندي فلوس للتلفزة .الى عندك شي ذهب أرايْ نبيعوه
_ ذهبي ما نفرّطْ فيه ما نْبيعو .
بْديتْ فعلا نْفكَّر فهاد المشروع.فعلا خاصنا شي تلفزة ولكن على قدْ الحال : شي تلفزة بالابيض ولكْحلْ ..باراكا علينا.
المشكل أن الدّاخلية (الزوجة المحترمة) والو ما بغاتش .قالت لك أنا باغية التلفزة كولور
المهم انْهيتْ هاد الموضوع وقلت ليها : يكون خير إن شاء الله.
فعلا واحد النهار تْلاقيت صاحبي سعيد وحْكيتْ لو اللي صارْ أُو هو يقول لي : عندي ليك الحل.الميلود يقدر يْبيع لك تلفزة كْريدي وبالتقسيط المريح
_ واه ! يا الله نمشيوْ دابا عندو
فعلا وصلنا عند الميلود.هاد خونا بالله كبير وصحيح وعندو لحية نازلة حتى للأرض .هادا يشبه للخوميني.سعيد تْكلّم لو على الرغبة ديالي.بولحية قال لو ما كاين مشكل .وقتاش ما بْغيتْ نجي ناخود التلفزة.
خوكم الحوميدي ردْ عليه : راني باغي غير شي تلفزة صغيرة
_ موجودة وعندي منها 3 ديال الأنواع
_ شْحال بعدا كتسْوى الله يرحم الوالدين ؟
_ والدينا وواليديك أسيدي ، الثمن ديالها غير 3000 درهم.
_ تبارك الله .اوى شحال نقدر نعطيك فالشهر ؟
_ أنت معلم ياك ؟ المانضة عندك شوية ضعيفة .شوف غادي تعطيني 300 درهم فالشهر حتى تْساليها إن شاء الله.
_ الله يْكثرْ خيرك.
المهم رْجعت للدار وخْبرتْ المدامْ باللي راني لْقيتْ التلفزة.
لعْشية مْشينا عند الميلود باشْ نختارو التلفزة.فعلا لْقينا واحد النوع رائع .المهم فْديكْ الساعة ، دخل واحد الإخواني للمحال ديال الميلود.فْديكْ الساعة كان خونا بالله كيْجرّبْ التلفزة.
هاد بولحية شافْ فيا وقال لي :
_ اسمح لي يا أستاذ بْغيتْ انّصْحكْ واشْ تقبل بالنصيحة
_ نعامْ سيدي
_ وايّكْ دّخّلْ هاد لحرامْ للدار.راه غادي يلهيك على العبادة وراه كلّو منكر
خونا بالله كيتكلّم على التلفزة
_ ولكن أسيدنا بْغينا فاشْ نتْلهّاوْ
_ كاين ما يدّارْ ! قْرى أولدي القرآن وكثّرْ من الصلاة
الميلود كان ساكت .غير سالا بولحية ، قال ليه : أنت باينة مفتي مجهد .زعما التلفزة في نظرك حرام ؟
خونا بالله جاوبو :
_ بكلْ تأكيد نعمْ
_ واخّا الله يرحم الوالدين هاد الكاس واشْ حلالْ أو حْرامْ ؟
بولحية ضْحكْ وردْ : واشْ هادا سؤالْ ؟ راه باين حْلال
الميلود هو اللي ضْحك :
_ اوى راك غالطْ.هاد الكاس الى عمّرْناهْ بالخمر راه حْرام والى كان فيه لحليب حلال.
حتى هاد التلفزة الى بنا دمْ استغلْها باشْ يتفرّج الحاجة المفيدة ليه فالدنيا والآخرة راها حْلالْ والى كانت تْلهّيه على الدين ديالو وفيها المنكر ، راها حْرام
بولحية ما صابْ ما يْقولْ واعْترفْ من بعد باللي هاد التلفزة ما هي الا وسيلة والانسان هو اللي يمكن يْردها أداة ديال لحْلالْ أو لحرام

الجزء الثاني : الكولور فالتلفزة يقدر يتْقاضى

فالدار كنا نتفرجو فالتلفزة واللي كان يْبانْ فيها كان يعجبنا.الصراحة تقال قليل اللي كان عندو التلفزة بالألوان فْديكْ لوْقيتة.
واحد الجارة ديالنا ساقتْ لخبرْ .بْقاتْ تْجي كل ليلة حيتْ كانتْ مْتبْعة شي مسلسل مصري وْدابا اكتاشفات ان البطلة عندها ملابس زوينة مْلوْنة.كل نهار كانت تْجي باشْ تتفرج معانا.غيرْ يبدى المسلسل وهي تْعلّقْ : ياهْ مازال لابسة غير الكسْوة ديال البارح.يا طوموبيلا خضرى.سبحان الله اللون لزْرق جا معاها.
المهم خوتنا بالله قلْباتْ ليا راسي.تْصورو بْقيت نسمح ونمشي للقهوة باشْ نتفرّجْ التلفزة واخّا حتى أنا عندي فالدار.
لمرى ديالي حتى هي كرْهاتْ.واحد النهار قالت لي : آشْ دّاني نقول ليك اشري لي تلفزة كولور
_ ياكْ ما نْدمتي ؟
_ كون غي ردّيتيها لو
_ واشْ حْماقيتي ؟ ما يمكنش ومن الفوق راني عاطيلو الشيكانْ.
_ ولكن أخويا هاد لللّا تورية ديما جايّة لعندي باشْ تتفرّج.المشكل ما تسكتشْ من الهضْرة.دابا راني ما بقيتْشْ نتفرج المسلسل ديالي على خاطْري
_ ساهلة مين تسمعي الدّقْ ديالها ، ما تْردّيشْ عليها
_ ولكن الى خلّيتها غادي تفرع علي الباب
مشكيلة فعلا هاد خوتنا بالله لصْقة واشْ من لصقة !
_ صافي ، يمكن لْقيتْ الحلْ
هي هاديك شْعلتْ التلفزة .شي شْوية بالبوطونْ (الزر) حيّدْتْ الالوان والتلفزة رجعات بالأبيض والأسود
الزوجة ديالي تْخلْعاتْ : أويلي ياكْ ما التلفزة ضاعتْ
_ لا ما تقتْقيشْ.راني رجّعتها عادية
دابا مين جارتك غادي تْجي وتشوف باللي ماكاينشْ الألوان ، قولي ليها راه الألوانْ تْقاضاوْ
داك الشّي اللي كان .الجارة جاها لعجب.أنا كنت فالبيت ديالي.غير سْمعتها تتعجب ، قلت ليها : راه الألوان تْقاضاوْ ليها.
_ لعجب هدا !
_ الألوان غاليين على داكْ الشّي دغيا يتقاضاو
مسكينة كانت مكلْخة: دابا فهمت علاشْ أم متولّي ضاعت ليها الكسوة ديالها ، كانت كتْبدّلْ كل نهار الكسوة ديالها وكتصبغها بالألوان
_ شفتي كتفهمي دغْيا


الجزء الثالث : حوميدي وشرارة

من بعد رحلنا لواحد الدار واستقرّينا فالطابق الأول .هاد العمارة فيها غير الموظفين.المهم ما كانشْ اللي يْجي لعندنا.
كانت الزوجة ديالي هي اللي محتاكْرة التلفزة .أنا فْديكْ لوقيتة كنت غيّرْت المستوى وكنت متابع بالتحاضير .على داك الشي ماكانشْ عندي الوقت باشْ نتفرّج على التلفزة.
واحد النهار زاروني 3 ديال الأساتذة باشْ زعما يْعزّيوْني فالوفاة ديال أخي جمال.
المهم دخلو للبيت .واحد فيهوم شاف التلفزة ونقْدر نقول ليكوم اول مرّة هاد خونا بالله يْشوف تلفزة بالألوان.
_ يااااااااا ألوان شْحالْ زينين !!!!!!!!!!!!!!!!!!!!!!!
الأستاد التاني ضارْ فصاحبو : الله يْخلّيكْ كولْ تْبارك الله
ولكن خونا بالله زاد بيّنْ باللي راه مبهوضْ : شوف على الألوان وهاد الطوموبيل ما تْكولْ غيرْ ديالْ مْبصّحْ
الاستاذ الثالث هو اللي تْدخَّلْ: سّي عبد الحميد الله يْخليك لا ما تطْفي هاد الصندوق.
فعلا طْفيتو وبْركنا نتكلمو على الموت والحياة والصبر عند الشدائد.المهم استافدت.
من بعد شْربنا القهوة وخْرجتْ معاهوم .
مع ديكْ التَّسْعة ديالْ الليل ، لْقيتْ لمرى ديالي كتسمع لرّاديو
_ واه ياكْ ما التلفزة كولور طلْعاتْ ليك فالرّاسْ
_ حْنا اللي يمكن طْلعنا ليها فالرّاسْ
_ كيفاشْ.ياكْ ما راها خاسْرة؟
_ إوى قْشعْها (اشعلها) أو شوف.
فعلا بعدما شعلتها : والو غير التْشاشْ
_ ياكْ كانت خدّامة .ياكْ ما المسخوطة حْرقْتيها؟
_ والله ما درتْ لْها والو .يا الله فاشْ شعلتها ما بانت ليا التصويرة وْأنا نطفيها
_ ما كاين مشكل غادي ندّيها غدّا اللي كيصلاحْهومْ.
كاين واحد كيصايبهوم جاي حْدى المدرسة ديالي ومن الصدف أن ولدو كيقرى عندي.موحال اللى غادي يتخلّصْ منّي.
خلّيتْها لو وقلت لو غادي نْدوزْ مع الطْناشْ باشْ ناخودها
فعلا غير خْرجت من الخدمة ، مْشيتْ لعندو
_ أمنْضْرى أمْعلّمْ ؟ لقيتي الدّيفو ؟
لمعلّم جاوبني جواب جْعلْني نْشكْ فراسي
_ التلفزة ديالك ما عندها والو .شوف هاهي خدّامة في أمان الله وحفظه
_ واه والله الى عندك الحق!
خْديتْ التلفزة ديالي ورجعْتْ للدّار.
بْرانْشيتْ (هدا من فعل brancher) الضّو .آشْ ضْهر ليكوم الى قلت ليكوم التلفزة ما بْغاتشْ تخدم .ديما ما يْبانْ غير التْشاشْ
لوْلية قالت لي : ياكْ ما دارْها بيكْ ؟
_ واشْ أنت حْماقيتي؟ راني بْعينيا شَفْتْ التلفزة خدّامة
_ اوى وعْلاشْ ما راهاشْ خدّامة ؟
_ الله أعلم .غادي نْسَوْلو.
فعلا مْشيتْ وحْكيتْ لو لي صار.قال لي : انا دابا عرفت المشكل ديالك : راه عندك السلك اللي يْدوز من لانْتينْ (l'antenne) لتلفزة مْقطّعْ فْشي بْلاصة.خاصّك تْصاوْبو
فالدار ما لْقيتْ حتى ديفو فالسلك.خْديتو مْعايا ودّيتو للمصلح ديال التلفزاتْ.
خونا بالله حتى هو حار لو لعجب : هاد السلك ما زال جديد وهاهو خدّام
_ اوى خويا هاد التلفزة آشْ عندها ؟
_ شوف رجّعها ليا ، ربما فالطريق تكون شي بولة تْحرقاتْ ليها
خوكم الحوميدي خْدى التلفزة للمحالْ.خونا بالله شْعلْها : راها خدّامة
_ صافي راه عندك الدّيفو فلانْطينْ
_ ما يمكنش راه عندي جديدْ
_ اوى خويا هاد التلفزة ديالك خاصّكْ تْزوّرْها راها قاستها العين.
دازت 3 ديال الأيام من داك الحدث المشؤوم كنت راجع من الخدمة ، لْقيتْ التلفزة خدّامة
_ تبارك الله كي درتي ليها باشْ خدْماتْ
_ والو غيرْ شْعلتها وهاهي خدّامة
_ سبحان الله العظيم !
_ هادي راها تقويسة عين
_ عندك الحق وراه قالها ليا صاحبي اللي يصلح التلفزات
من بعد تْأكّدْت باللي العين كاينة وهاد العين لعْيادو بالله شحالْ مشْرارة!!!!!!!!!!!!!!!!!!!!!!!!!!!!!!!



[/FONT]

[FONT=&quot][FONT=&quot]عودة لمذكرات معلم في الوسط الحضري مع ما تبقى من الحلقات[/FONT]

[FONT=&quot][/FONT][FONT=&quot]حوميدي والخزانة المدرسية[/FONT]
[FONT=&quot][/FONT][FONT=&quot]حوميدي ومعلمة بنتو عفاف[/FONT]
[FONT=&quot][/FONT][FONT=&quot]حوميدي وصديقي السقرام نبيل (1[/FONT][FONT=&quot])[/FONT]
[FONT=&quot][/FONT][FONT=&quot]حوميدي وصديقي السقرام نبيل (2[/FONT][FONT=&quot])[/FONT]
[FONT=&quot][/FONT][FONT=&quot]حوميدي والإنتقال إلى وجدة (نهاية المذكرات[/FONT][FONT=&quot])[/FONT]

[/FONT]
 

bouchaib56

::مراقب مغربي ::

غير متصل
#69
رد: قصة بالدارجة المغربية : مذكرات معلم في المدينة

حوميدي الانسان المميز لا أحد يتحداه في هذا الابداع القصصي
السهل الممتنع
ورأيت فيه فكرا خصبا عن تجربة وممارسة تربوية تجعلك ترجع الى الوراء وتبحث عن ارشيفك التربوي
بمراحله عمل وجد ونشاط داخل الفصل هي التي نراها مهمة ولكن يرينا كيف يعيش المعلم خارج المدرسة كيف يتأقلم مع شرائح مختلفة في نمطها الحياتي وينذمج مع جميع مكونات المجتمع في الأرياف في الجبال في المناطق النائية وصعوبة الحياة بها ولو روت لنا نماذج من معلمين كل منهم يعاني من صعوبة حياة مع ذلك المحيط
ومع ذلك نراه يبتسم لأطفاله لتلاميذه أمامهم ينسى كل متاعبه اليومية
أقول لحوميدي برافو لأنك عيشتنا مع ناس تاوريرت ووجدة وهناك مناطق تعرف اكثر معاناة المعلم
ولكنه يبقى النموذج الأعلى لتلاميذه
ومع ذلك لايؤثر من شيئ على مساره التربوي
 

Houmidi59

::الفارس المغربي ::

غير متصل
#70
رد: قصة بالدارجة المغربية : مذكرات معلم في المدينة

الحلقة رقم 39 :مذكرات حوميدي في العالم الحضري
عنوان الحلقة :
[font=&quot][font=&quot]حوميدي والخزانة المدرسية


خوكم حوميدي كانت ديما خاطيه الأنشطة منْ غيرْ الانشطة مع التلاميد ديالو فالقسم.كان اللي يهمو هادي قبل ما تبقى تْبرَّحْ بيها الوزارة : حْنا هنا من أجل مصلحة التلميذ.
خوكم الحوميدي ما كان منخرط لا في جمعية ولا هيأة مدنية.كانو الأساتدة كيتسابقو باش يترشحو مثلا للتعاونية المدرسية او نائب المدير أو مكلف بالرياضة من غيري أنا اللي كنت ضارب هاد الشّي كلّو بْركْلة .
ولكن جا النهار اللي خوكم تْصيّدْ فيه.اللي وْقع كان المدير جْمع الأساتذة والغرض هو تفعيل التعاونية المدرسية .كانت نقاشات حول المداخيل باش زعما نهتمّو بالفضاء الأخضر ديال المدرسة.المهم كلام يْجيبْ كلام ، حوميدي قال ليهوم باللي الثقافة ما كايناش فالأنشطة المدرسية.شي معلمين بحال الى ما عْجبهومشْ الحال
_ بالعكس أخويا راه الأنشطة هي اللي كاينة.شوف ها المسابقات الثقافية .....
كان علي نشرح ليهوم :خاص التلميذ يقرى ويطالع الكتب والمجلات والقصص سواء بالعربية أو بالفرنسية.هي هاديك ، قال لي المدير : ماغاديشْ نلْقاوْ أحسنْ منّكْ اللي يمكن يْقابلْ الخزانة المدرسية.
فعلا قْبلتْ هاد العرضْ وقلت ليهوم : ولكن حتى واحد ما يدَّخّلْ فالشؤون ديالي.
كولهوم وافقو.من بعد سَوْلوني كيفاشْ زعما غادي نْسيّرْ هاد الخزانة .ردّيتْ عليهوم : اعْطيوْني شي وقيتة وغادي نْجيبْ ليكوم البرنامج ديالي.
داز واحد الاسبوع خوكم الحوميدي كان عندو واحد لبْلانْ واعر :كل يوم 20 تلميد يمكن ليهوم إعارة الكتب .هاد التلاميذ حسب برنامج غادي نختاروهوم من كل المستويات.هاد الإعارة ماشي مجانية ولكن ماشي شي حاجة كبيرة حيتْ غادي تكون 50 سنتيم للكتاب .هاد الكتاب خاص التلميد يْردّو بعد 3 ديال الأيام والى بْغى يْزيدْ فالمدة خاصّو يخلّصْ نصف درهم أخور.زعما غرامة ديال التأخير.
ولكن الحاجة الزوينة فهاد المشروع كل تلميد خْدى قصة خاصّو يْصايبْ ليها ملخّصْ.باش نشجّع هاد التلاميد قلت ليهوم غير جيبو داك الشي اللي كتبتو ، أنا غادي نْصحّو ومن بعد غادي نعطيكوم واحد السّجّلْ باش تكتبو الملخص ديالكوم ويمكن لكل تلميد نضيفو لو الصورة ديالو .المفاجأة لكبيرة أنه في آخر السنة الدراسية أصحاب الملخصات الممتازة غادي يربحو جائزة.
المعلمين أعجبهوم الحال وهكدا خوكم الحوميدي إضافة الى التدريس كان شادْ المكتبة ديال المدرسية .فالاستراحة او الأمسية ديالو كيبقى فالخزانة باش اما يسجل اللي باغيين يكْريوْ القصص أو حتى اللي بْغاوْ يقراوْ بْعينْ المكان.
الخاصية اللي كاينة انّ اللي يبقى فالخزانة من أجل المطالعة : فابور
اوى آشْ جيتكوم فْهادي ؟ بزاف ديال التلاميد بْقاوْ حتى هوما يجيوْ للمدرسة مين تكون عندهوم أمسية باش يستافدو من المطالعة الفابورية .
خوكم الحوميدي حقق نجاح كبير وجمع حْصيْصة كبيرة .كان ديما مْخبّيها وكياخودها مْعاهْ مينْ يرجع لْدارو.
المدير كان كل ما يْجي زعما يْراقب آشْ كاين فالمرميطة ، خوكم الحوميدي كان يْدورْ فيه : شوف الله يْخلّيكْ ياكْ اتافقنا باشْ حتى واحد ما يدّخّلْ فالشؤون ديالي.كان مسكين يْردْ علي : غير بْغيتْ نعرف واش الأمور غادية مزيانة.
أنا كنقول ليه : سيرْ سوْلْ التلاميد هوما اللي يمكن يعطيوكْ الخبر اليقين.
فعلا كان عندو لخبارْ ولكن خونا بالله كان باغي يعرف شْحالْ فالزعْبولة ؟ زعما باغي يشوفْ واشْ غْنانا الله ولّى ما زالْ.
ولكن راه ماشي غالطْ راهْ خاطي الطريق.الحوميدي ما عمْرو يْكون خطّافْ أو سرّاق (ماشي ديال الزيت) حوميدي يقدر يْزيدْ من جيبو الى شاف أن لفلوس غير كافية
المهم جاتْ آخر السنة ولْقيتْ باللي جمعت هاديك ل 500 درهم .هي هاديك قلت مع راسي هاد لفلوس ما خاصني نْشيّطْ منهوم حتى دورو (ريال) .لهدا غادي نشريهوم جوائز لكل التلاميذ اللي كتبو الملخص فالسجّلْ.التلاميد كانو تقريبا 36 .المهم لفلوس غير كافيين باش نشريوْ لهوم شي حاجة مزيانة.اوى خوكم الحوميدي اتّاصل بشي معلمين ومعلّمات كانت عندو علاقة زينة معاهوم وطلب منهوم واش يمكن يعاونوه بْشي بركة .هاد لخّوت ولخْواتات كانو فالمستوى ، على داكْ الشّي جمعت تقريبا 200 درهم.
دابا التلاميد غادي يتْبرعو بالجوائز.
باقي عاقل شْريت هوم من وجدة.اللي نشري من عندو شي حاجة كنطلب منّو يعطيني فاتورة.هادي باش خونا بالله الى حلْ فمّو غادي نْسدّو لو .
النهار اللي غادي نوزّعْ الجوائز أخبرت التلاميد والأساتدة والمدير باللي الحفل غادي يكون فالخزانة.
بعدما لْقيتْ واحد الكلمة شْكرت فيها التلاميد والمدرّسين ، بْديتْ نْعيّطْ على التلاميذ الفائزين.هي فالحقيقة كولهوم فائزين .اوى كنقول فْلانْ غادي يْسلمو الجائزة فرتلّان (الاستاد او الأستادة)
باقي عاقل كانت معايا لغزالة ديالي عفاف وعْجابها الحفل.آه نْسيت أنا اللي شْريتْ الحلويات والمشروبات للأساتدة والفائزين.
المهم داز الحفل على ما يرام.من بعد كل واحد مْشى في حالاتو ونقدر نقول ليكوم أن التلاميد الفائزين كانت راشْقا ليهوم حيت ربحو جوج حوايج : الرغبة فالمطالعة والتميّز عن باقي التلاميد.
قبل ما نمشي في حالاتي قال لي المدير : أجي نتْحاسبو .
بالطبع خوكم كان قانوني ، اعطاه الفواتير والسجل اللي مْسجّلْ فيه كل كبيرة وصغيرة.
خونا بالله تْعجّبْ وقال لي : الصندوق خاوي ما فيه حتى دورو !
جاوبتو : انا راني زايد من فلوسي ومن جيب شي معلمين ومعلمات.
مسكين قبل ما نخلّيه ، سمعت يقول : وابكْري ربحنا معاكْ!

الى اللقاء مع الحلقة القادمة[/font]
[/font]
 

Houmidi59

::الفارس المغربي ::

غير متصل
#71
رد: قصة بالدارجة المغربية : مذكرات معلم في المدينة

الحلقة رقم 40 من مذكرات معلم في الوسط الحضري
حلقة اليوم :
[font=&quot][font=&quot]حوميدي ومعلمة بنتو عفاف

فالحقيقة ماعمرو ما كنت ننْوي نْقرّي بنتي عفاف .بزاف ديال المعلمين كيرتاكْبو هاد الخطأ .من بعد يْبان ليهوم كان عليهوم يكون ولدهوم أو بنتهوم بعيد عليهوم فالتيقار .شْحالْ من واحد ولدو حشْمو مع التلاميد.مالْنا أخوتي مع هاد لفضايحْ؟ خلّيه تمّا يتربّى والى دار عْلَياشْ ياكول لعمود وْأنا غادي نْزيدْ لو
واحد المرّة كانت عفاف تبكي .سوّلت ماماها ، قالت لي راها المعلمة ضربتها.
خوكم بالله مشى عند بنتو وعاود سوّلها
_ مالكي تبكي ؟
_ ضرباتني المعلمة
خوكم الحوميدي ما عمرو ما ضْربْ بنتو ولكن هاد المرّة جْبدْ معاها بْطرشة لوْجه وقلت ليها
_ مالكي تبكي ؟
_ ضرباتني المعلمة
الحوميدي للمرة الثانية يعاود ليها بتصرفيقة تانية حتى سالو دموع عينيها.هي هاديك قلت ليها ما حدّك تقولي المعلمة ضرباتني وأنا عليك بالصْفيعْ .فهمتيني ، ياكي ؟
_ نعم فْهمت .
_ واشْ ضرباتك المعلمة
_ لا ما ضرباتنيش
_ مزيان ! عقْلي مزيان على لكلام ديالي النْهار اللي نسمعك تشكي ليا من المعلمة ديالك غادي نقتلكْ
فعلا ما عمرو بنتي ما تْشكّات لي من أي معلم أو معلمة
الصراحة لعصا راها ضرورية باش التلاميذ يقراوْ ويتْربّاوْ.أمّا هديك السياسة ديال البيداغوجي غير لكدوب وما تصلاحْشْ مع اولاد لعرب
مرة أخرى جاتْ عندي بنتي وقالت لي : أبّا عْطيني باشْ نشري دفتر!
ديكْ لوْقيتة باقي عاقلْ ، كنا في شهر يناير .اللي حارْ لي فيه لعجب أن هاد المعلمة طلبات فاللائحة 10 ديال الدفاتر ديال 24 ورقة و5 ديال 50 ورقة .تصورو معايا هادْ الدفاتر كاملين آشْ غادي تْعمّر فيهوم معلمة تْقرّي المستوى الثالث.واللي ما بْغاشْ يتصوْرو عقلي أن خوتنا بالله كتْقرّي الفرنسية.
واه ياكْ حتى أنا مدرس ديال الفرنسية.الدفاتر اللي نحتاج يا الله 3 : واحد ديال القسم واحد ديال الأختبارات والثالث ديال المنزل.حتى المعلمة ديال السادس موحال الى تطلب هاد العدد ديال الدفاتر.
خوكم الحوميدي ما بْغاشْ يْديرْ المشاكل مع المعلمة فبداية السنة .لهادا شْرى لبنتو كل الدفاتر اللي طلْباتهوم المعلمة.اللي كان هو أني ننْتضَرْ الفرصة باش هاد المجرمة نْسمَّعْها لكلام اللي ما عمرو قالو ليها شي حدْ.
هي هاديك ، قلت ليها : سيري للقسم وقْرايْ كي العادة.الى سَوْلاتكْ المعلمة على الدفتر باشْ تكتبي ، قولي لها أن بّا غادي يْجيبو لي مع الاستراحة.
انا فالاستراحة ما مْشيتشْ.مع ديك الطْناشْ جاتْ البنت تبكي .
_ عفاف مالكي تبكي؟
_ لا والو !
_ياكْ ما ضرباتكْ المعلمة
_ لا والله ما ضرباتْني
خلّيتها ومْشيتْ لبيتي .
فْلعشية رجْعاتْ عادية ما عندها والو حيت كانت تقرى اللغة العربية.هاد المعلمة كانت تشكرها وتعتبرها من أنجب التلاميد ديالها.
فالغد ليه قالت لي عفاف : بابا راك نْسيتي ما شْريتيشْ لي الدفتر
_ غير سيري أنا غادي نْجيبو لك
_ ولكن المعلمة غادي تضربني
_ ياكْ ما ضرباتكْ ؟
_ لّا ولكن قالت لي الى ما جبتيش غدّا الدفتر غادي نعاقبك
_ ما يمكنش معلمة تْعاقبْ تلميدة على دفتر
_ ولكن أبابا راها ضرباتني البارح على الدفتر
_ ولكن راكي قلتي لي باللي ما ضرباتكشْ
_ ضرباتني على الدفترْ
_ ما يمكنش تضّربكْ على الدفتر.ولكن شوفي الى ضرباتك اليوما على الدفتر أنا غادي نمشي باشْ نتفاهم مْعاها
فعلا مع وقت لغدى جاتْ عفاف تبكي .سوّلْتها واشْ ضرباتك؟ هاد المرة ما ردّاتشْ علي.زادت فلبْكى.المهم فهمت باللي فعلا خوتنا بالله راها عْطاتْها شي سلْخة ديالْ لعصا.
دابا الحوميدي غادي يمشي عند المعلمة باشْ يتفاهم معاها.
مع ديك التسعة وربع ديال الصباح ، مْشيتْ ديريكْتْ للقسم ديالها.لْقيتْها كتضْربْ عفاف.غير شافتني قالت لها : يا الله سيري لبْلاصتك يا الكسولة .مْزيَة جا أبّاكْ باشْ نشرح لو كولشي.
نْسيتْ ما قلتشْ ليكوم أن هاد المعلمة كتسكن فالحومة ديالنا ولكن بعيدة شي شْوية من الدار ديالي.كانت تعرفني وتعرف الزوجة ديالي ، واخّا هكْدا ما راعاتْ لا معرفة ولا جورَةْ.
المهم خوتنا بالله بْداتْ عليا بالمحاضرة ديالها باللي بنتي راها تتْهاونْ فالقسم وأن النقط ديالها راهوم تحت المعدّل وأنها كتلعب فالقسم .المهم شي كلام ما دخلْ لي منّو والو فراسي.
_ لعجبْ المعلمة ديال العربية كتشكرها حيت هي اللّولى عندها فالقسم
_ عندك الحق أسّس عبد الحميد ولكن عندي راها من التلاميد الكسالى
شوفو سبحان الله العظيم ! هاد المعلم بْحالْ الى كتْكلّم مع شي واحد يبيع الشفنج أو شي واحد ما قاريشْ.زعما كتعرفني باللي معلّم وسابقها بسلّم (أنا السلم 10 وهي ما زال فالسلم 9 واخّا سابقني فالتعليم بْشي 15 عام)
خوكم الحوميدي قال ليها : سمحي ليا يا أستادة ياكْما راكي تتكلْمي ليا على شي عفاف من غير بنتي ؟
_ لا عفاف بنتكْ وهي اللي كاينة بهاد السْمية
_ واخّا غير اللّي بغيتْ نقول ليك واشْ كاين شي كسولْ كيْجيبْ ديما فالواجباتْ ديالو 9 أو 10 على 10 ؟
_ ما فهمتشْ.واشْتا (أشنو)هو قصدك ؟
_ قصدي أن عفاف دائما عندها النقط ديالها مرتفعة .أنا اللي كنوقّعْ ليها الواجبات اللي كتْجيبْ للبيت ماشي أمْها
خوتنا بالله كانت تقول فْراسها اللي بان باللي راه خاوي بأنّ حوميدي حيت كيخدم في تاوريرت راه ما عندو خبر.من الصدف أيضا أن ديك لوقيتة كنت في رخصة مرضية ديال 10 ديال الأيام.
ما كنتشْ مريض ولكن كنت باغي نرتاح من الجو ديال تاوريرت.
خوتنا بالله غير سكتاتْ.ما عندها ما تْزيدْ حيتْ دابا اللي غادي تْكولو غادي يْكونْ ضدْها
_ شوفي يا أستاذة يا محترمة بنتي كنعرفها مزيانة وانت كتعرفيها : هي تلميدة مجتهدة وهي عندك الأولى فالقسم.انا غادي نقول ليك علاشْ ضربتيها ؟
_ ............... ؟
_ ضربتيها على حقّاشْ ما جابتشْ دفترْ جديدْ
خوتنا بالله لْقاتْ الفرصة باشْ تهجم
_ اوى أستاد مينْ أنت عارف علاشْ ما شْريتيشْ ليها دفتر جديد ؟
خوكم بالله ضحك حتى يمكن يكونو سمعوه من برّا.
_ والله الى قتلتيني بالضحك. هادوك الدفاتر اللي خْديتي من عندهوم شْحالْ هادي ، فينْ مْشاوْ ؟
_ الدفاتر ؟
_ إيه يا أستاذة : باشْ نْفكْرك 10 دفاتر ديال 24 ورقة و5 ديال 50 ورقة
دابا خوتنا بالله دْبالت وصْفارتْ.مسكينة صافي تلْفاتْ ليها الهضْرة .بْداتْ غير تتْلعثم .
_ واه واه عندك الحق هادو راني نْسيتهوم .والله الى مْشاوْ ليا من البالْ
_ اوى سيري بعدا شوفي يقدر يكون كْلاهوم الفار
المهم خلّيتْ خوتنا بالله وْشيتْ في حالاتي.
المشكل أن خوتنا بالله زادت فالعناد .عاود تاني ضربات عفاف.هاد المسخوطة بيْناتْ على الخبت ديالها : دارت ليهوم شي اختبار وأعطات لبنتي نقطة بين 2 و4 على 10 زعما التمارين ديالها غلطْ.باش تْبيّنْ لي باللي بنتي كسولة.
الورقة راجعتها ولْقيت باللي هي اللي غالطة حيت كان فيها التصحيح.
كانت فرصة ومْشيتْ عند المدير وبعدما قدّمت لو نفسي باللي أنا الأب ديال عفاف ورجل تربية وتعليم.
المهم خونا بالله عرف باللي المعلمة ديال عفاف هي المخطئة .ما نشْقاشْ نقول ليكوم باللي سَخْسَخْها
منْ ديك لوقيتة ما بْقاتشْ تتكلم مع عفاف حتى لنهاية السنة.اللي وقع من جهة أخرى أن الأستادة ديال العربية وشي أساتدة ديالها كولهوم جاوْ مع عفافْ
عفاف انتاصرت عليهوم ونجحات وكانت طبعا هي اللّولى فالقسم.
[/font]
[/font]
 

Houmidi59

::الفارس المغربي ::

غير متصل
#72
رد: قصة بالدارجة المغربية : مذكرات معلم في المدينة

الحلقة رقم 41 : مذكرات حوميدي في العالم الحضري

الجزء الأول : خونا بالله داخل عليا طولْ

كل واحد فينا عندوأصدقاء .الصديق كي ما تعرفو يكون فيه الخير او الشرْ.لهادا اختيار صديق راها مسألة ماشي ساهلة ؛يعني أنت وزهرك ! ولكن يبقى أنّ الصداقة ديال الطفولة ماكاينش بْحالها.فْديكْ لوقيتة كتْكون البراءة والعفوية وما كاينشْ شي أطماع منْ موراها.
اسمحو لي على هاد المقدمة حول الصداقة.اللي كنت باغي نقول أن هاد الصديق ديال الموضوع ديالي كنت نعرفو شْحال هادي ، من أيامات الاعدادي ولكن دازت سنوات كان غابر فيها.المهم فالأعوام ديالي الأولى وخاصة فالسنة الأولى ديال الزواج ديالي ، ضْهر هاد خونا بالله.
من بعد عْرفت باللي الأخ نبيل راه تْعيّنْ في نواحي دبدو فْشي عْروبية.اليوم الأول جا غير بوحديتو.خوكم الحوميدي استقبلو وفْرحْ بيه بزّافْ.دازت شي 10أيام وخونا باللي جا عاود تاني ولكن معاه الزوجة ديالو وجوج بناتو.
الزوجة ديالي عجبها الحالْ حيت تقريبا ما كان يْجي عندها شي واحد من غير الإخوان ديالها والواليد ديالها يا الله مرة كل شهر أو ربما حتى لجوج شْهورا.على كل حال كان خونا بالله هو والعائلة ديالو يْدوْزو الويكاند (نهاية الأسبوع)عندي واكلين شاربين وشابعين راحة .أما الحوميدي هو اللي يصرف وجيبو يخْوى من شي دراهم كانو يمكن ينفعوه للأيام القادمة.بالنسبة للزوجة ديالي مسكينة تقريبا راها غير فالكوزينة كتوجد فالشهيوات ديال المأكولات وما لدَّ وطاب.
العجيب فالأمر أن خونا بالله كيدخل طويل .والو.... ما يشري والو !
تصورو أن الزوجة ديالو كانت حاملْ ديك لوقيتة .بدل باشْ يشري ليها مقوّيات أو حتى الدْوا ، والو !
واحد النهار طاحت عندنا فالدار حيت كانت فاشلة .مْشى خوكم الحوميدي وشْرى ليها لحليب باش مسكينة رجعات ليها الروح والدم لوجهْها.
آه يا خوتي هادا أكبر سقرام عرفتو في حياتي ، هدا تْعدى هداك مول البولة (المصباح) أو خونا بالله اللي كان يشري 60 بيضة باشْ يدوّزْ بيها الشهر.
هدا تْمَحْرايْدو مْقزْدرْ وماشي بعيد تكون هاد الكلمة مكتوبة فالجبهة ديالو حيت عندو التْسَنْطيحة
المهم يا خّوتي لْقيتْ راسي خاسر بالمعقول ولمرى تْهلْكاتْ بالخدمة المنزلية.المشكل أن خونا بالله كان يْجي مع ديك لعشية ديال لخميس ويبقى عندنا حتى لصباح الاثنين عادْ يمشي في حالاتو
ولكن الحمد لله كان يجي غير كل 15 يوم ، يعني اسبوع من جوج كنّا نلقاوْ راحتنا .
اوى يا خّوتي صافي الزوجة ديالي طْلعْ ليها الدم وقالت لي
_ " اسمع الله أيْخلّيكْ راني عْييتْ.شوف شي حلْ مع هاد صاحبك!
_ ما عندي حل وحتى أنا السيد راه خْرجْ علي
_ اوى زعما ديما فايق وعايق وهاد صاحبك نبيل قْضى عليكْ
_ ماركا علي ماشي غير إصابة وحدة بزّاف ديالْ الأهدافْ
_ ولكن أخويا أنت اللي ضسّرْتيهْ علينا
_ كيفاش زعما راني ما فْهمْتْ والو
_ غادي نْفهْمكْ : ياكْ كل ما يْجي تبقى علي كَتْري اللْحم ، بْغيتْ اللوبيا ! فينا هو الديسيرْ ؟
واشْ كاينة هادي أوْ ما كايناشْ ؟
_ كاينة وعندك الحق .انا فيَا شوية ديالْ البُخْ
_ اوى أخويا باراكة من البُخْ
_ عندك الحق.ولكن واشْ عندك شي حلْ؟
_ عندي ولكن الله يرحم الوالدين الى راكْ باغي الخطّة ديالي تنجح خاصك تسكتْ ما تْعلّقْ والو
_ واخّا ما تكوني غير على خاطركْ
_ انا نعَّرْفكْ مزيانْ دغْيا تنْسى
_ صافي والله كلمة واحدة ما نْكولها واخّا تْغدّينا بالنَّخّالة
_ دابا غادي نتْبالى بْصاحبك وبمْراتو


الجزء الثاني : خونا بالله خْرجتْ فيه عرضْ



الجمعة فلعشيا هاد المرّة ، خونا بالله جا ومْعاه مْراتو وجوج بناتو ومن الفوق شي بنت عْرفنا من بعد باللّي هي بنت أختو.
فْديك الليلة الزوجة ديالي ما طيْبَتْشْ لعْشا كي العادة.يا الله جابت براد أتاي مع الخبز .لا زبدة لا كونفيتير ، والو هادا هو الخبز الحافي اللي تْكلّم عليه محمد شكري (الله يرحمو)
تصوْرو كنت باغي نتْكلّم ولكن الشّوفة ديال لمرى دْيالي فكّرتني بالوعد ديالي وباللي راني حْلفْتْ باشْ نبقى ساكتْ
خوتنا بالله بْحالْ الى ما عجبْهومشْ الحال خصوصا مع الضيفة ديالهوم.واخّا هكْدا بْدى خونا بالله يدفع فالهضْرة
_ حْنا ما عمرو ما تْعشّينا بالخبز وْأتايْ
خوكم الحوميدي ما ردْشْ عليه.خلّيتو مع الدّاخلية (الزوجة ديالي)
_ أخويا راحنا مْعمْرينْ كريديَاتْ واللّوّلْ ديال الشهر ما زال بعيد.
خونا بالله يعرف يهضرْ :
_ اوى سّي حميد خاصّكْ تعْرفْ كيفاشْ تْسَيَّرْ الميزانية ديالك .أنا كنعرفك مزيان أنت يدّكْ مطلوقة غير كترمي فِْلفْلوسْ بْلا ما تْخمَّمْ
_ عندك الحق أخويا نبيل .دابا راني حاصل وما لْقيتْ اللي يعتقني
_ ياكْ ما خاصّكْ شوية ديال لفلوس ؟
_ بارك الله فيك كنت عارْفكْ كْريم
_ آها صْبرْ شي شوية .أنا باغي نْسَلْفكْ
_ حتى أنا غير كنضحكْ معاك الحمد لله ما خاصني خير.
المهم باشْ ما نْطوْلوشْ فالهضْرة قلت لو :
_اسمح لي راني شْوية عيّانْ وغدّا أنا ندخل مع التْمنْية.غادي نمشي ننْعسْ
الزوجة ديالي تبْعاتني .
يا الله خْرجنا سمعناهوم كيتكلمو علينا.شي هضرة ماشي زينة .
فالصباح خونا بالله مْشى للسوق ديال الخوردة وانا مْشيتْ للخدمة ديالي.
جيت مع وقت لغدى.شمّيتْ آشْ كاينْ فالكوزينة .والو !
ياكْ ما لمْرى ما طيْباتْ والو ؟ ما يمكنْشْ ؟ ولكن خاصني نصبر ونْشوفْ
المهم بعدما صلّينا الضْهور ، قالت لينا الزوجة ديالي : وجْدو راسكوم لغْدى راه موجود.
اوى الَخّوت دَرْنا (من فعل دار يدور)على الطّابْلة كي العادة.انا الوحيد اللي كننْتظر آشْ غادي تْكون المفاجأة.زعما آشْ يمكن الزوجة ديالي غادي تْقدّم لينا فلغْدا ؟ بْطاطا بْلا لحم ؟ طبسي عْدسْ ؟ بيضات مسلوقين؟
انا هكْدا دخْلاتْ زوجتي المحترمة وبيدها صحن كبير يبدو من بعيد أبيَضْ
آشْ هادا ؟ إنه طبسي شوربة (شعرية ) بالحليب
_ يا الله كولو ومرحبا بيكوم ! هدا راه نْهار كبيرْ
نبيل والقافلة ديالو طاحو على الطبْسي وْصاطو فيه .يعني ما خلّاوْ والو
_ واشْ نْزيدْكومْ ؟ راهْ ما زال الخير
_ الله يخلف والله الى شبعنا
_ بصحتكوم
خونا بالله بان لي هاد المرّة حْواجْبو تْلوّاوْ.ماشي بعيد غير يمشي لبيتو ماغادي ما يْخلّي ما يْقطّعْ فيا أنا والزوجة ديالي
فلعْشية ، جابت الزوجة ديالي أتاي بالخبز حافي.
كلينا وشربنا ولكن هاد المرة كي ما نقولو باللغة العربية في صمت رهيب.
من بعد أنا مْشيتْ نكتب المذكرات ديالي بعدما خلّيتْ خونا بالله يتفرّجْ فالتلفزة.
خوتنا بالله (ماشي بعيد يْكون نبيلْ كورَدْها) قالت لللزوجة ديالي : واشْ نْعاوْنك باشْ نْديرو لعْشى؟
الزوجة ديالي ذكية وكتعرف تْردْ (ماشي الصرف) : بارك الله فيك أختي ولكن لعْشى راه موجود.
مع ديك التسعة ديال الليل ، قلت لمْرى ديالي : إوى راحنا جعنا .وشْ كاينْ شي عْشا
_ كاينْ يا الله وجّدْ الطابلة، راني جايباتو .
خونا بالله شفْتو بْحال الى الروح رجْعتْ فيه.ابتاسمْ وقال لي : الشوربة ديال لغْدى جوْعاتني
آه يا لخّوت مْنعْ ليكوم منظر يقتل بالضحك.منظر ما تلقاوهشْ حتى فالأفلام ديال شارْلو
جابت الزوجة ديالي لعْشا : الشوربة بلحْليبْ
خونا بالله غير شافْ الطبسي المعلومْ كانْ غادي يسكت ليه القلب.أمّا أنا جاتني ضحْكة كبيرة ، راني شدّيتْها غير بلكْشايفْ.
المهم كْلينا ولكن شي حاجة قليلة.خونا بالله يمكن كْلى جوج معيلْقاتْ أو ثلاثة وقال لي مسكين : شْبعتْ الله يخلفْ
خوكم الحوميدي دائما مْأدَّبْ قال للضيفْ ديالو : زيدْ أخويا نبيلْ .الشوربة مزيانة بللّيلْ وراه فيها لحليبْ !
خونا بالله يمكن حسْ باللي راني كنضْحكْ عليه ولكن ردْ علي بْشي كْلامْ فيه المعنى : نَسْتاهل أنا اللي خلّيتْ الزردة فداري وجيتْ نطلبْ الصدقة عند جيراني.
شفتو طْياحْتْ الهضْرة .ولكن ماخاصْنيشْ نْردْ عليه.
_ خويا نبيل تسمح لي غادي نمشي ننْعسْ.أنا هاد النهار خْدمْتْ ماشي بْحالك أنت اللي ضالْ غيرْ فالسوق والقهوة.
فالصباح شربنا القهوة كحلة بْلا حْليبْ.
_ هاد المرة خونا بالله قال لي : واشْ ما عندكومشْ لحليبْ ؟
الزوجة ديالي ردّاتْ عليه: والو أسّي نبيل .لحليب اللي كانْ درْتو مع الشوربة ديال البارح
صافي خونا بالله غادي ينوض ويجمع حْوايْجو باشْ يمشي في حالاتو .
ولكن ، والو يا الله قال للزوجة ديالو : أجي نْديرو شي دورة فالسوق !
يا الله خرجو ، قالت لي الزوجة ديالي : إوى كي جاتك الخطة ديالي ؟
_ حامْضةْ شي شْوية
_ ياكْ ما ما عجْباتاكْشْ
_ صْحابْنا اللي ما عاجْباهومْشْ، ماشي أنا
_ يسْحابْ لي أنت
_ لا حاشا ...غير زيدي وكْلينا الشوربة ....بْحالْ والو نقَّدرو نشْريوْ فيلّا فالسعيدية

الجزء الثالث : خونا بالله طلْعاتْ ليه الشوربة فالرّاسْ

اوى جا لغدى وكي العادة الشوربة بلحليبْ.
صافي خونا بالله غادي ينْفاجرْ : أخوتْنا مالكومْ مع الشوربة بلحليبْ ؟
_ أخويا أنت اللي مالكْ معاها؟ أنا بعدا عاجباني وبالعكس راها صحّية وبْنينة
_ خويا حميد ما كنتشْ نعّرْفكْ هاكْدا قرْزازْ (سَقْرامْ)
_ ياكْ أخويا نبيلْ تْعايرْني في داري
_ أخويا واشْ ما كاينْ لحم ما كاينْ مرْقةْ ؟
_ كاين أخويا وهادْ الخير ماشي بْعيد راهْ فالسوقْ
_ إوى ؟
_ اوى أخويا الله يْجيبْ اللّي يفهمنا
خونا بالله طْلعْ لو الدّمْ وخْرج من الدارْ.دازتْ شي 6 ديال السْوايع وخونا بالله ما بانْ ليه حتى أثَرْ.
ولكن الحمد لله مع الآذان ديالْ لعشى جَا .....ديما طْويلْ.واه هادا ما عندو وجه ديال الحشمة.
الزوجة ديالي غير شافتو قالت لو : واشْ نْجيبْ لك لعشى ؟
_ واشْ الشوربة بلحليبْ ؟
خوكم الحوميدي هو اللي ردْ عليهْ: بْحالْ الى علْمكْ الله
_ لا لا ما خاصنيشْ راني شْبعتْ.هاديكْ الشوربة راها طلْعاتْ لي فالرّاسْ
كي العادة قلت لو : خويا نبيل تصبح على خير غادي نمشي ننعس حيت غدّا خاصني نْفيقْ بكري.
فالصباح مع ديك الخمسة ، سمعنا شي حركة فالبيت ديالْ الضْيافْ.نبيل والزوجة ديالةو كيتخاصْمو .ما كاين غير المعيور .الصراحة ماشي من طبعي التجسس ولكن سمعت عن غير قصد خوتنا بالله كتْعايرْ الزوج ديالها وتقولّو باللي هو اللي جيعان وراه يسْتاهل أكثر من هاد الشّي.زادتْ قالت لو : هاد لمْرى (يعني الزوجة ديالي) راها بعدا وكْلاتكْ الشوربة بلحليب حيتْ حتى هادي راها خْسارة فيكْ.
المهم خونا بالله قال ليها : يا الله نمشيوْ لدارنا وما عمرو ما نْجيوْ لهْنا
_ الزوجة ديالي فرحات وقالت لي : بالما والشطّابة حتى لْقاعْ لبْحرْ
واخّا هكدا مشات لعندهوم وقالت ليهوم : بْقاوْ حتى تشربو القهوة ولكن ما فيهاشْ لحليبْ

إلى اللقاء مع الحلقة 42 من مذكرات حوميدي في العالم الحضري ومغامرات أخرى مع صديقي السقرام نبيل

 

Houmidi59

::الفارس المغربي ::

غير متصل
#73
رد: قصة بالدارجة المغربية : مذكرات معلم في المدينة

الحلقة رقم 42 : مذكرات حوميدي في العالم الحضري
مع صديقي السقْرام (تتمة المغامرات)

الجزء الثالث :خونا بالله لْقى شي فيكْتيمْ

دازت أيّام وأسابيع ، خونا بالله نبيل مابْقاشْ بانْ.واحد النهار كنت فالسوق ، كان يوم الأحد.تْلاقيتْ بخونا السقْرامْ يشري فالخوردة .غير شافني سلّمْ علي وعنّقْني بْحالْ الى ما كاينْ بيناتْنا والو.خوكم الحوميدي دائما قلبو أبيضْ من لحليب، عْرضْ عليه باشْ يمشي يتْغدّى مْعاهْ ولكن هو كان معْروضْ عند شي واحد .زاد قال لي باللي الزوجة ديالو وجوج بناتو راهوم فالدار ديال السيد.
شفتو : خونا بالله لْقى فيكْتيمْ (victime)من غيري.
سوَّلتو على هاد السيد، قال لي باللي راه دارْ مْعاه العرْفْ فْشي درس نموذجي كان جْمعهومْ فْشي مدرسة.بالطبع هاد لكلام ديالو ما يمكنشْ يدخل لوْدنْ ديالْ حوميدي بْلا ما يْدوْزو فالسْكانيرْ (scanner)ديالو وطبعا راه لعْنبْ فْلعنبْ.(لكْدوبْ فلكْدوبْ)
آشْ دخّلْ تاوريرت مع دبدو ؟ ياكْ ما مفْهمْتو
والو ؟ غادي نشرح ليكوم : خونا بالله كيخدم فالنواحي ديال دبدو وهاد لمدينة بعيدة على تاوريرت ب50 كيلومتر.المهم ما عندو حتى علاقة مع تاوريرت حيت المفتشين ديالها ماشي هوما اللي كاينين عندهوم.دابا راكو عقتو باللي خوكم السقرام كيكدب علي.
المهم قلت لو :
_ شْحال هادي وانت تْجي عندو؟
_ من النهار اللي ما بْقيتشْ نْجي عندك
قبل ما نْودْعو قال لي : لْمدامْ راها حامْلة وراها فشهرها الثامن
خوكم الحوميدي قالّو : الله يْكمّلْ على خيرْ
_ اوى عنداك تنسى راكْ معروضْ لسْبوع


الجزء الرابع : أخبارات خونا بالله وصلاتني

دازت أيّامات ونْسيتْ خونا بالله حتى تْلاقيتْ شي واحد أستاذ عندي مْعاه شي معرفة سطحية.هاد السيد كنت تقريبا كنتْلاقى مْعاه فالتْرانْ مينْ نمشي لْوجدة.
كْلامْ يْجيبْ كْلامْ ، تْكلّمْ لي على شي مجموعة مدرسية فالنّواحي دياتلْ دبدو.سبحان الله العظيم ، حْكى لي على خونا بالله .قال لي باللي شي معلّم ما عمْرو ما شافو شي واحد جيعانْ بْحالو ادْزادت عندو بنت والمعلمون والمعلّماتْ شدّو فيه مزيانْ باشْ يْديرْ شي صدقة .فعلا أعْرضْ عليهوم.لخّوتْ تْفارْضو وجمْعو لو شي بركة مهمة يمكن شي 1.000 درهم.
على ما عاود لي هادْ الأخ باللي هاد الجعْواني (مصطلح حوميدي يعني جيعان) جْمعْ المعلمين فْجهة والمعلّمات فْجهة واعطى لْكلْ مجموعة طبسي طعام فيه دجاجة.
خاصكوم تعرفو أن العدد فكل مجموعة كان تقريبا 12 الفردْ.
خوكم الحوميدي ، قال للسيّد : هاد السيد ماشي سْميْتو نبيلْ؟
الأستاد تبْهضْ : هو بْداتو! واشْ تعَّرْفو ؟
_ لا ولكن سْمعتْ بيه.
واشْ أنا غبي باش نقولو راه كان فاتح المطعمْ عندي أيّامات وْأسابيعْ.
المهم دازتْ أيّامات وبالصدفة تْلاقيتْ بيهْ:
_ حْشومة عْليكْ خويا حميد كنتْ مْعوّلْ عليك تْجي تْباركْ لي المولودة
_ عندك الحق ولكن ما كانشْ عندي النْهارْ ديالْ السبوع ديالْ هاد المبروكة
_ واه والله الى عندك الحق.ولكنْ راني صيفطْ ليك لوْصاية مع صاحبك عبد الرحمان مول الحانوت
_ اوى خويا راه ما كالْ لي والو
_ ما يْكونْ غيرْ نْسى
ماعْليهْ ولكنْ خاصّك تْجي .أنت راكْ صاحبي
_ واخّا غادي نْشوفْ
_ شوفْ والله حتى تْجي لْعندي والطاكسي على حْسابي
_ بارك الله فيك عندي فلوسي.
_ راني عارف ولكن أجي مْعايا وغادي تعرفْ
فعلا مْشينا لواحد لبْلاصة كيوقْفو فيها الطاكسياتْ.سوّلْ على موسْطاشْ.فعلا جا واحد السيّدْ غْليضْ بْحالْ لعْجلْ ولكن ما عندو موسْطاشْ.
خونا بالله قال لهاد لعْجلْ : خويا موسطاش هادا حْبيبي وخويا وصاحبي بْغيتك تْجيبو هو ومْراتو وتْحطّو حتى بابْ الدّار ديالي وخْلاصكْ راه عندي.
موسطاشْ شافْ فيا وقالْ لي : وقْتاشْ ناوي تمشي؟
_ الله أعلم
_ أخويا خاصّكْ تْشوف النهار اللي باغي تمشي فيه .أنا ما رانيشْ مْسالي .نقدر ما نْكونشْ.
_ واخّا هادْ الحدْ الجايْ
_ صافي .أجي مْعى العشرة .غادي نْخلّي ليك جوج بْلايصْ
نبيل ضْحكْ وقال لي : الله يفرحك خويا حوميدي.


الجزء الخامس :خونا بالله خْوى بينا

هي هاديكْ مْشينا للقهوة .منْها نشربو شي حاجة ومنْها نتكلمو.كانت مناسبة وتكلّمنا على السبوع ديال بنتو .
خونا بالله حْكى لي كولشي من الطاق طاق حتى لسلام عليكم.واه خونا بالله يْفوح بْلا حشمة وبْلا حْيا.اللي حْكى لي ما يمكن يصدقو غير شي صْمكْ.
قال لك أسيدي يوم السبوع ديال بنتو عْرضْ على لقبيلة كاملة لدرجة أنّ كانت لعْراضة بالأفواج : فوج داخل وفوج خارج.يمكن كانت ديكْ 40 طابلة اللّي كْلاتْ وشرْباتْ.
فكلْ طابلة 4 ديال الدجاجات وقْنية.أما الفواكه كولشي الفواكه المعروفة واللي ما معروفاشْ كْلاوْها الضْيافْ.
اللبن كانْ يْسيلْ بالويدانْ
بالنسبة للمعلمين والمعلّماتْ، تْهلّى فيهوم مزيان .قال لك أسيدي هوما كانو 4 فالطابلة وكل واحد عندو دجاجة أو قْنية (ما عْليهوم غير يختارو) .
المهم داكْ الشّي اللي حْكى لي راه حتى السندباد البحري ما يقدر يحْكيهْ
رجعت للدّار وحْكيتْ للزوجة ديالي.هاد لمْرى ديالي باقي فيها الخير ، قالت لي : خاصنا نمشيوْ نباركو ليهوم.
ردّيتْ عليها : داك الشّي اللي كنت ناوي.نهار الحدْ ان شاء الله نمشيوْ
فالسبت شْرينا الكادو .
آه نْسيتء نقول ليكوم أن خونا بالله وصّاني باشْ نشري لو شوية الخضرى حيت فلعروبية ما عندو مين يشري من غير السوق الأسبوعي.
فعلا شرينا البطاطا والماطيشة واللفت وخزّو وشْرينا شْوية كفتة والخبز والعصير.
مع ديك العشرة ديال الصباح، كان موسطاشْ كينْتاضرْ فينا.ركبنا حنا فلبلاصة القدّامية.
مْشاتْ الطاكسي ديك 30 كيلومتر .دازت تقريبا ديك 40 دقيقة ، وْقف مول الطاكسيي حْدى مدرسة وقال لي : هادي هي المدرسة ديال صاحبك.
نْزلنا من الطاكسي .مْشيت باشْ نْدقْ حيتْ باب المدرسة كان مسْدودْ.يمكن دازت ربع ساعة وحتى واحد ما حلْ لينا الباب.
واه السيد راه زعما فخْبارو باللي غادي نْجيوْ عندو .زعما فين يكون مشى؟
شي وْقيتة دازتْ شي مْرى مع بنتها وقالت لينا :
_ ياكْ ما جيتو عند الأستاد نبيل ؟
_ نعم الشْريفة.
_ ما عندكوم زْهَرْ.راه معروض عند شي ناسْ فلغدا.
خلّاتني شي يْشوف فْشي.المشكل من لوقيتة اللي مشى موسطاشْ حتى طاكسي ما دازتْ.باشْ تعرفو باللي هاد الطريقة تقريبا مقطوعة.
دازت تقريبا جوج ديال الساعات.خوكم الحوميدي عْيى والزوجة ديالة ماتت بلعْيى.
اللي كان فْرعت واحد السرْجم ودخلت منّو باشْ نفتح القسم.هي هاديكْ دخلنا.
واحد لوْقيتة جعنا .ما لْقينا ما ناكلو غير ماطيشة بالخبز.
شفتو هاد عدو الله عارضْ علي ولكن مشى حيت حتى هو عارْضينو بْلا ما يْفكّرْ فيا.
الصراحة سبّيتْ فيه وما خلّيتْ ما دْعيتْ فيهْ.



الجزء السادس :هادي طاكسي أو علبة سردين ؟

مع ديك الربعة ديال لعشية ، جا خونا بالله بْحالْ الى ما فْراسو ما يْعاود:
_ مفاجأة هادي خويا حميد! تبارك الله عليك راك درْتيها ولكن خْسارة راكْ ما علمتْنيشْ ...
_ الله ينْعلْ اللي ما يحشمْ.واشْ هاداكْ وجهكْ واللّى كْفاكْ ؟
_ مالكْ أخويا شفتكْ غضبانْ
_ والله ما عندك الكلمة .تابع غير كرشك يا بركاشْ
جاب الله كان مْعاهْ نسيبو.بالطبع خونا بالله كان خايف من التبهديلة .هي هاديكْ شْرحت لهاد النسيب اللي كاينْ.الصراحة كان راجل وما شي بْعيدْ يكونْ احْتاقْرو.
فالحقيقة ما خلّالوشْ:
_ سّي نبيل هاد الخدمة اللي درتي ما يْديرْها غير الشْماتة
خونا بالله بْدى غيرْ يْتلَّفْ بالهضرة.المهم على وجه النسيب، برّدْتْ دمي.لأنّه فالحقيقة فْديكْ لوقيتة كنت غادي نرجع لتاوريرت والنسيبْ حْلفْ عليا باشْ نبقى.
خونا بالله كان خاصْو يْديرْ لعشى.لفضيحة الكوزينة عندو خاوية ما فيهاشْ حتى البصْلة.
الزوجة ديالي جبْداتْ الخضرى والكفتة وقالت ليهوم : حنا الضياف جبنا ليكوم ما تاكْلو.
خونا بالله حْشم ْ ومْشى دغيا يْقلّبْ على شي دجاجة يشريها.المشكل حتى واحد ما بْغى يْبيعْ لو.باين باللي راه واكلْ ليهوم دجاجات بلا ما يْخلّصْهومْ.
ولكن حيت هو خبيت ، قال ليهوم باللي شي معلّم راه باغي شي قْنية .جا شي واحد مسكين واعْطاني قْنية وقال لي هادي فابور ليكْ.
خوكم الحوميدي ديما ربّي ناصرو على عدْيانو.
المهم قلت لو : هاكْ دبح لينا هاد لقنية وأنا نْشوف دمها يْسيلْ
_ كيفاشْ خويا حميد واشْ ما بْقاتْشْ التّقة بيناتْنا ؟
_ انت ما فيك تقة ، تقدر تبيع هاد لقنية
صافي خونا بالله عْرف باللي حوميدي كيحتاقرو بْحالْ نْسيبو والزوجة ديالو.
المهم ديكْ الليلة قصّرنا حتى لْديكْ لحْضاشْ ديال الليل.كان عليا ننعس وخاصني نْفيق مع ديك الربعة ديالْ الصبح باش نرجع لتاوريرت.خونا بالله كان تْفاهم مع شي واحد عندو طوموبيل فوضى باش يركّبني معاه.
المشكل مين جا ووْقفْ حْدى الباب ، كانو راكبين فالطاكسي 7 ديال الناس.آه يا خوتّي أول مرة كنشوف بْواطا (boite)ديال السردين بْحالْ هادي.
الزوجة ديالي بْقاتْ حتى للصباح حيت أنا متبوع بالخدمة وخاصني نكون فالمدرسة مع التْمنية.
ركبت وزادو لخّوت اللي راكبين تْعصرو.المهم يا الله تمشينا ديك 10 كيلومتر ، زادْ طلّع جوج أخْرين.دابا حْنا كْلنا 11 واحد فالطاكسي : 5 القدّام و6 فالخلْفْ
باشْ وصلنا لتاوريرت درْنا تقريبا 2 سْوايع و30 دقيقة.مين وصلت للدار ديالي كانت 8 قلْ عشْرة
هداك النهار جاني النعاسْ فالقسم وكان باين عليا لعْيا وجوج مرات وخوكم يْطيحْ فالقسم.
شي وْقيتة شافني المدير وقال لي : أستاد راك عيّان سير دابا ترتاح ما ترجع حتى لْغدّى
مْشيتْ هي هاديك.من بعد جاتْ الزوجة ديالي وقالت لي باللي جا معا نبيل فالطاكسي ديال موسطاش.
من داك النهار تْقطْعات الصلة بيني وبينوحتى اليوم

انتهت القصة المتعلقة بصديقي السقرام نبيل
 

Houmidi59

::الفارس المغربي ::

غير متصل
#74
رد: قصة بالدارجة المغربية : مذكرات معلم في المدينة

الحلقة رقم 43 : حوميدي والانتقال الى مدينة وجدة
الجزء الأول : بداية الزهرْ بانتْ مع لعْراضة

حوميدي كان ديما كيْشارك فالحركة الانتقالية بْحال جميع المعلمين ولكن والو !!!!!!!!!!!!! خوكم كيتفْقصْ بالمعقول.هي هاديك ما تبقى تْبانْ ليه لا عطلة لا حتى شي حاجة.
الصراحة من بعد بْقيتْ نكتاشف باللي الانسان كيتصرّفْ ببلادة حيت عْلاشْ مْبرزطْ راسو وهو عارف ان كولشي بالمكاتيب.اللي بْغاها الله هي اللي تكون.شْحال من واحد ما بيه ما عْليه حتى رْجع لاباسْ عليه، شْحال من واحد ماكانشْ ناوي على شي حاجة وحتى جاتو لْبابْ دارو.
المهم خوكم الحوميدي ما بْقاشْ ينتاضرْ النتائج ديال الحركة الانتقالية.صافي ما بْقاشْ يْسوّقْ ليها.
واحد النهار تْلاقينا أنا وصاحبي بلخضر الصديق الحكيم واحد الأستاذ كيقرّي الانجليزية في تاوريرت.كانت ديك لوقيتة من أيّامات شهر يوليوز .خونا بالله عْرضْ علينا للعرس ديالو .اوى كان خاصنا زعما نمشيوْ باشْ نباركولو.
المشكل ما نعرفوش الدار ديالو ولكن الاستاد اعْطى لينا لبلاصة اللي يمكن غادي ينتاضرنا فيها.
هي هاديك مع ديك الستّة ديال لعشية ، ركبت أنا وصاحبي بلخضر فالطوبيس اللي يمشي لْسيدي يحي ونزلنا ومشينا لواحد التيلي بوتيكْ فينْ خونا بالله كان داير مْعانا الموعد.
مينْ وصلنا لبْلاصة ما لْقينا حدْ.الاستاد راه نْسانا والله يحسنْ عَوْنو غير مع الفاميلة ديالو.
شي شوية سونيتْ لو بالبورتابلْ ديالي .الحمد لله ردْ علي وقال لي راني جايْ
لوقيتة اللي دخلنا للدار لقينا يا الله 4 ديال الناس : شي شباب ماشي بعيد يكونو اصْحابو.دازت تقريبا ساعة عادْ البشرْ المعْروضْ بْدى يْبانْ.
شي شوية جاوْ الطلْبة باشْ يقراوْ القرآن.
دازت وْقيتة ، جا خونا بالله وقال لينا أجيوْ تمشيو لواحد البيت فيها غير الشباب .
خويا بلخضر رحّبْ بالفكرة .هي هاديكْ اتْبعناه.البيت اللي دخلنا فيها مْعمرة أساتدة والمشكل ما كاين الهضْرة غير على التعليم والحركة الانتقالية.

الجزء الثاني : لخبر جا حتى لعندي


شي شْوية التيليفون ديالي قال لي : تْكلّمْ لْمّالينْ الدارْ راهومْ بْغاوك.
الصراحة كنتْ ناوي لوْلية باغية تمشي لْشي بْلاصة وراها باغية تطلبْ الإدْن أو ربما جاها شي ضيف وما عندهاشْ لفلوس ...المهم شي تْخربيقة بْحالْ هادي.
ولكن اللي قالتو لي راه ما كانْشْ فالحسبان
_ حميد واحد صاحبك في تاوريرت راه قال لينا باللي راك انْتاقلتي لْوجدة
خوكم الحوميدي قْفَزْ واستغْربْ : ما يمكنشْ؟ راها الحلركة ما زالْ ما بانتْشْ
_ هاد صاحبك قالك راها فالأنترنيتْ
_ واخّا ولكن واشْ قالكْ الاسم ديالو ؟
_ سْميتو العربي
_ صافي راني عْرفتو هادا الزوج ديال واحد المعلّمة كتخدم مْعايا فالمدرسة.مزيان.
واشْ بعدا أعطاكْ النمرة ديال التيليفون؟
الزوجة ديالي كتفهم مزيان : راه عيَّطْ من تيلي بوتيك
_ خْسارة ما نقدرشْ نتّاصلْ بيه
المهم قبل ما ننْهي المكالمة قلت ليها في حالة الى العربي عاود اتّاصل تعطيه النمْرة ديالْ البورتابْلْ ديالي
صاحبي بلخضر قال لي شفْتك غير ترْجف ، ياكْ ما جاكْ شي خبرْ زينْ
_ بْحالْ الى علمك الله .راني انتاقلت لوجدة
_ مبروك عليك خويا حميد والعقْبى لينا
لخّوت كولهوم بْداوْ يْسوْلو : آشْ كاين؟
خويا الحكيم قال ليهوم : هاد الأخ راه حنْ عليه ربّي وراه انتاقلْ لوجدة
فْديكْ لوقيتة جا عندي الاستاد ديال الانجليزية وقال لي : حتى أنا راه جاني خْبر باللي راني انتاقلت لْجْرادة ولكن ما بْغيتْشْ نْتيَّقْ
دابا مين عْرفتْ باللي أنت انْتاقلْت ، صافي تيّقْتْ
كولشي فرحو وقالو يا رب لا تحرمنا حتى حْنى من الفرحة ديالْ لخّوتْ
الصراحة هاد الخبر نسّاني كل ما عانيتْ من عزوبية طيلة 11 سنة.تفكرت هاد عدو الله ديال المدير ولكلام اللي كان قال لي : والله حتى تْشدْ المستوى السادس وبالسيفْ عليك.
دابا نقدر نقولّو : اربح بيهوم بْجوجْ الكامبو.راكْ درتي العيب معايا فابورْ.

الجزء الثالث : وقْتاشْ تْجي غدّا ؟

لعْشا ما حسّيتْشْ بيه.الفرحة كتْشبّعْ.
كنت غير نسْتنّى غير وقتاشْ نمشي للدّار ..كنت فالحقيقة ننْتضَرْ الصباح ديال الغدْ ليه باشْ نمشي لْشي سيبيرْ باشْ نجْبدْ اللائحة
فْديكْ لوقيتة (2005) كان خوكم الحوميدي كانبو فالمعلوميات وحتى الحاسوب ما كانشْ عندي
بعد العشاء وكيسان أتاي، الطّلْبا دارو الفاتْحة بالدعاء .باقي عاقل على شي دْعاوي ديال لفقيه على النْصارى : الله يْشتّتْ شملْهوم .الله يجعل هوم غنيمة للمسلمين.الله يعطيهوم الطّاعون....المهم شي دْعاوي كانو ديما يقتلوني بالضحك.خويا بلخضر قال لي : شوف هاد العرب غير يْعمرو كرْشهوم يقلبوها دْعاوي على النصارى حيت هوما ديما كارهينْ هومْ.
هاد النصارى ما عندهوم زْهر ، شْحالْ من حاجة اختارعوها وحْنا كنسْتعْملوها وشْحالْ من مرض لْقاوْ لو العلاج.كونْ ما هوما كونْ شْحالْ هادي باللي انْقارضنا.
فالتالي لعرب كيدعيوْ فيهوم بالشرْ
ولكن هوما ديما منتصْرين علينا حيت ربي ما كيسْتاجبْشْ لينا.
المهم خرجنا من الدار بعد ما قلنا لصاحبنا لعْريسْ: الله يْكمّلْ بالخير
دابا خاصْنا نلْقاوْ شي طاكسي.المشكل شْحالْ تْمشّينا باشْ لْقينا وحدة .
هاديك الليلة طارْ لي النعاس .شْحالْ قريتْ من استغفر الله واخّا انا بايتْ مْعشّي.

الجزء الرابع : البحت على النتيجة فالسيبير وعند النقابات

المهم فالصباح غير فقتْ قلت مع راسي نمشي نْشوف شي سيبيرْ.
من الزهر ديالي الكونيكسيون كانت تقيلة وحتى نتيجة ما بْغاتْ تْبانْ.
هي هاديكْ واحد الصديق قال لي : سير للنقابة ديال الدجاج راها معلقة النتائج ديال الانتقالات.خوكم الحوميدي اطْلقْ رجليه للمكان ديال النقابة بْلا ما يشكر صاحبو.
وْصلت وانا كنْحطّم الرقم القياسي فهاد المسافة اللي كنت كنقطعها شْحالْ من مرة في ظرف 3 ديال الدقائق بدلْ 20 دقيقة.
آه يا خّوتي المقر ديال النقابة مْزوكَمْ بالوجدية تعني البشرْ بْلا حساب.كولهوم كيْقلبو على سْمياتهوم.
خوكم ماشي طويل بزاف باشْ يْشوفْ ، بْقى يْساينْ زعما شي مجموعة تخْوي لبْلاصة ولكنْ شكونْ اللي باغي يتْحرّكْ من بْلاصْتو ؟
شي شْوية واحد صاحبنا جا لْعندي وقال لي : ياكْ ما جاي تشوفْ واشْ خْرجتي فالحركة الانتقالية؟
ردّيتْ عليه : جيتْ غيرْ باشْ نتْأكَّدْ حيت قالو لي شي ناس الله يجازيهوم بيخير راني انتاقلت
خونا بالله ضْحكْ وقال لي : لاواهْ لبْعابَعْ!!! ما انْتاقلتي ما والو
_ ما يمْكنْشْ ؟
_ انتاقلت بعدا أنا اللي قْديمْ عْليكْ في تاوريرت
صافي خوكم الحوميدي غادي يسكت ليه القلب.الدنيا بْداتْ تكْحال ، غير شْوية وغادي نفْقدْ الوعي.
جاب الله كان دايزْ صاحبي حسن .غير شافني جا لْعندي يجري : مبروك خويا حميد الانتقال
خوكم الحوميدي باقي مصْدوم من لخبر ديال عدو الله.
_ ما يمكنش ما كين والو خويا حسن
_ بالعكس خويا حميد والله الى راك منتاقل
_ ولكن ما رانيشْ خارج فهاد اللائحة ديال نقابة الدجاج
_ أجي مْعايا وغادي تْشوف اسميْتك بْعينيكْ
_ فينْ لْقيتيها ؟
_ فالنقابة ديال سوق الذهب
_ ياكْ ما عند خوتنا لخوانْجية
_ واه أخويا حميد
_ يا الله دابا نمشيوْ ليهوم ولكن فالطاكسي راني ما قادر نتْحرّكْ
فعلا ركبنا فالطاكسي .غير وصلنا مْشيتْ ديريكتْ كنْقلّبْ على الاسم ديالي.هاد حسن الله يكثّرْ من امتالو .كانْ مارْكاها بالستيلو:
_ شوف هاداك الاسم اللي عليه سْطرْ بْلحْمرْ
_ واه والله الى انتاقلتْ والله الى انتاقلتْ
_ شفتي وانت أصاحبي مْقلّقْ على والو
_ ولكن هاداك عدو الله قال لي راه ما كايناشْ سْميْتي فاللائحة.زعما يكون كْدبْ علي؟
_ خويا حميد راه الحقد كيعْمي العينينْ
_ عندك الحق
_ دابا خاصني نعلم لوْلية (الزوجة) باللي نيشانْ راني انتاقلت.
هي هاديك قلت لصاحبي حسن : خويا حسن تسْتاهل الكادو
ردْ علي مسكين : الكادو هو تحمد الله
_ عندك الحق .
هي هاديك طول الطريق وحْنا نتْمشّاو حْمدتْ الله.
مينْ وصلنا للشارع ديال محمد الخامس قلت لو : أجي نشربو شي عصير ديال الفواكه
هي هاديك شربنا جوج كيسان ديال الأفوكا.
انا رجعت للدار ولقيت الزوجة ما زال ما مطمائنّة ولكن غير شافتني فرحانْ عرفت باللي راها القضية فيها (ماشي إنَّ)
دازت واحد الاسبوع ، طْلعت لتاوريرت باشْ نْجيبْ حوايجي .دزت للدار فاللّوّلْ و منْ بعدْ للمدرسة .
مع لعشية وانا راجع لوجدة قلت لتاوريرت : الوداع يا تاوريرت وخا فيك شي ناس عْزازْ علي كاين شي كْمامرْ(وجوه) يسْتاهلو نْبعّدْ عليكْ
رغم هدا كلّو ، مْشيتْ لتاوريرت شْحالْ من مرّة باشْ نْزورْ الاصدقاء ديالي القدامى

خاتمة ظريفة : حوميدي ديما نشيط

انتهت مذكرات حوميدي في العالم الحضري.دابا حوميدي كيشتاغل في مجموعة مدرسية كتبعد على وجدة ب34 كيلومتر .كل صباح من غير السبت والأحد كيمشي يخدم ويرجع مع الجوج و30 دقيقة.فالبادية كاين كي العادة التكرفيصْ وخاصة حيت كنت آخر من التحق عانيت تقريبا جوج ديال السنوات فواحد الفرعية فيها البيسْتْ وكان عندي مشاكل مع السكان ومع المدير
هاديك قصة أخرى ، شي عام نْعاودها ليكوم بْحالْ الحجاية ، شي عام إما نْكون خْديتْ التقاعد ديالي أو نكون انتاقلت لمدينة وجدة.
على كل حال ، خوكم الحوميدي دائما عضو نشيط وكيخدم بْنيْتو والحمد لله فهاد الساعة راها عندو شْحالْ من مسؤولية كيْقوم بيها بدون أن يقول (أحْ) أو يشْكي كما يفعل المعلمون مين تكترْ عليهوم الخدمة



انتهت مذكرات حوميدي في العالم الحضري
 

bouchaib56

::مراقب مغربي ::

غير متصل
#75
رد: قصة بالدارجة المغربية : مذكرات معلم في المدينة

انتهت مذكراتك اخي حوميدي اما انت لم تنته بعد لان خيالك خصوبة شبابية
انتاج غزير وقتما تضع يدك على ريشة قلمك فتنبع منهم أشاء الله من نسيج خيالك
الواقعي لأنك خزان قصص واقعية من صميم حياتك شكرًا علمتنا كيف تقسو
المعاملة حتى عند الأساتذة بعضهم مع البعض وصراعات المعلم وحش المدير مع وحش المفتش مع وحش الآباء
 

عبدالخالق الكوتاري

::مراقب مغربي ::
طاقم الإدارة

غير متصل
#76
رد: قصة بالدارجة المغربية : مذكرات معلم في المدينة

شكرا جزيلا خويا حميد على مشاركتنا ذكريات ويوميات حياتك التعليمية
حقا حياة ومشوار حافل بالاحداث الشيقة والمثيرة المفرحة والمحزنة
نحن جلوس ولكن بملكتك الفذة وتمكنك الكبير وكتاباتك الدارجة ،حملتنا محبيك ومتابعيك الى غابر السنوات والعقود واطلعتنا على اسرار وعالم التدريس وصعوباته الذي وبنزاهتك واستقامتك اخي عبدالحميد وكفرد منه حملت على عاتقك حسن تلقينه وايصاله الى النشئ الصغير والذين ربما هم اصبحوا اساتذة ومعلمين ومسؤولين ومنهم من قرأ ذكرياتك فدعى لك او استرحم على والديك
كما لا يفوتني ان اتقدم بخالص تعازي في اخيك جمال رحمه الله واسكنه فسيح جناته فقد عرفناه ولم نره .
سلامي الحار لأناس {أفك دو اس..ههه} والطيبة عفاف وصاحبة البيت والوالدين الحبيبين الذين اعتقد انهم جيراني فقد قلت في احد مذكراتك انهم بحي اليوسفية بالرباط و الذي لا يفصلني عنه سوى خطوات قصيرة.
واخيرا لا انسى خويا بوشعيب رفيق الدرب ومزاول نفس المهنة حضوره طيب ومداخلاته حلوة كالعسل اتمنى ان يوافقني الرأي في ان نطلب منك ان لا تتوقف عن الكتابة والقص فقد كسبت معجبين قد لا يروق لهم الانقطاع والتوقف عن متابعتك والسلام عليكم من صديقك المخلص عبدالخالق.
 

غير متصل
#77
رد: قصة بالدارجة المغربية : مذكرات معلم في المدينة

القصة مزيونة بزاف وخا بقا مسيلتاشي انسجمت معها اكتر حتاش بالدارجة وعليها التعليق ديالي تا هو بالدارجة الله يعطيك الصحة
 

غير متصل
#78
رد: قصة بالدارجة المغربية : مذكرات معلم في المدينة

انا بعدا أعجبتني هاد القصة بزاف ردتني لبعيد لوقت القراية والبراءة وشويا دالصلابة أما la bande dessinèe راه كانت كتحمقني دك القصة د السيدة الطيبة والمرميطا ديالا مكرهتشي نجبرا باقا كتباع نقراها لولادي المهم انا باقا مستمرة فالقراية د المدكرات الرائعة ديالك الله يعطيك الصحة
 

غير متصل
#80
رد: قصة بالدارجة المغربية : مذكرات معلم في المدينة

باقا عاقلة فالرابع ابتدائي كن كنشريو الحلوى والعلك وندخلو القسم نزلوها على البيرو د الاستاذ عاد نجلسو ، علمونا الرشوة وأحنا بأسنان الحليب ياريت كن طحنا فشي أستاذ فحالك
 
أعلى