عيال الشيشانية واخوانهم من أبوهم!!!!!!!

ايقطة

::مغربية::

غير متصل
#1
السلام عليكم: اسمحولي غبت لفتره عن منتداي المفضل لظروف عائليه انسانيه
انا مقهوره لدرجه أنكم اسمحولي اذا كتابتي بتكون ملخبطه! ابتديلكم حكايه عيال خالي!!
خالي كان متزوج وجاب ولدين وبنت وكبروا واحد طيار والثاني مدير والثالثه درست طب المهم والدتهم توفت وبعد سنه تزوج خالي ( شيشانيه) صغيره بالنسبه لخالي واخر مره شفنا خالي بعد ماانجب منها بنت عمرها كان شهر بعدها انقطع عن العائله من غير سبب واللي يشوفه بالصدفه ويقوله خالي عطني رقمك يعطيه رقم وهمي!! راحت السنين وفجأ قبل اسبوعين اتصلت طفله عمرها 12 سنه علي ابن خالتي الساعه 12 بالليل رد عليها كلمته بكلام عربي مكسر فقالت له ابوي بالمستشفي وانا ماأعرف احد ولقيت هذا الرقم واتصلت الله يخليك تعال ساعد ابوي قال لها وين والدتك قالت امي بالمستشفي الطب النفسي من كذا شهر رد عليهاانشاءالله راح اجيلك ولما ذهب للمستشفي لقى خالي يحتضر ويردد عيالي عيالي!! والطفله فاطمه طلعت بنت خالي!!! المهم العائله كلها صار عندها علم انا اول مابلغوني اخذت رقم الطفله فاطمه وكلمتها الساع 9 بالليل اول ماقلت لها انا بنت عمتك قامت تبكي وتقولي بلكنتها المكسره ( تأآ لي الله يخليك رديت انا جايتلكم الحين ذهبت لقيت 5 اطفال اصغرهم سنتين واكبرهم فاطمه 12 سنه في شقه الله لايوريكم المنظر فراش فقط بالصاله وكنبل مشقق متغطين فيه وخدامات ثنتين اثيوبيات اشكالهم تخوف وشفت الخدامه حاطه عالحائط صور المسيح وصليب!!!!!!!!!!!! والشقه قمه بالقذاره ..........يـــتــبـع
 
أعلى