جولة مع bouchaib وhoumidi في قصر مولاي اسماعيل

Houmidi59

::الفارس المغربي ::

غير متصل
#1
خلال عطلة الصيف الماضي قمت بجولة انا وابنتي عفاف إلى مدينة القنيطرة حيت تسكن إحدى أخواتي وأخي وصديقي بوشعيب الزجال الكبير .طبعا العطلة صادفت شهر رمضان المبارك وكنا في بدايته.لم يمنعنا هذا من الخروج إلى الطبيعة وزيارة بعض ما يميز مدينة اليوطي ومن ذلك قصر مولاي اسماعيل محمية سيدي بوغابة بالمهدية
قبل الولوج الى هذا القصر الرائع دعوني أحدثكم عنه بطريقتي الخاصة :
قصبة المهدية موقع أثري مهم يوجد في ضواحي مدينة القنيطرة .موقعها عند مصب نهر سبو في المحيط الأطلسي على بعد 12 كيلومترا من القنيطرة.بنيت في عهد الموحدين في القرن ال6 الهجري الموافق ل12 ميلادي في عهد السلطان الموحدي عبد المومن بن علي الكومي .وقد تعرضت القصبة الى حملات كثيرة منها البرتغالية على الخصوص.وقد استرجعها السلطان مولاي اسماعيل وسميت بإسمه
هذه صور من قصر مولاي اسماعيل





لعلمكم إخواني وأخواتي عندما وصلنا الى قصر مولاي إسماعيل وجدناه مغلقا وليس هناك أية لافتة أو بطاقة تشير الى توقيت فتح الأبواب للزوار.المهم بعد دورة شرفية لأسوار القصر وجدنا هذه الفتحة الصغيرة ومنها دخلنا أنا وأخي بوشعيب الزجال الكبير والشجاع العظيم الذي لايخاف الا الظلام
صورة للفتحة (سمّيتها فتحة بابا شعيبة)


هديتي لكم وأنا وأخي بوشعيب الزجال الكبير والشجاع العظيم والرجل الوسيم أمام قصر مولاي اسماعيل وداخل الفتحة العجيبة التي لولاها لما تمكنت من أخذ هذه الصور.
كان المكان شبه مقفر يعني كما نقول بالمغربية الذبانة ما تدورش.ورغم هذا صادفنا بعض المخمورين في احدى جوانب القصر نائمين الله يحسن عونهم زعما رمضان

يا الله حتى نلتقي مع الجزء الثاني ليلة مباركة سعيدة

 

مغربي

::مؤسس الموقع ::
طاقم الإدارة

غير متصل
#2
رد: جولة مع bouchaib وhoumidi في قصر مولاي اسماعيل

يعني بصدق أبدعت أخويا الحميدي
وصفآ و صورآ و كذلك نثرآ في أخونا بوشعيب ههه
ممتاز جدآ و تستحق وسام مميز على هذا الموضوع
شخصيآ حاولت مرتين زيارة ذلك القصر و لم أتمكن من ذلك
شكرآ مجددآ أخويا
 

Houmidi59

::الفارس المغربي ::

غير متصل
#3
رد: جولة مع bouchaib وhoumidi في قصر مولاي اسماعيل

يعني بصدق أبدعت أخويا الحميدي
وصفآ و صورآ و كذلك نثرآ في أخونا بوشعيب ههه
ممتاز جدآ و تستحق وسام مميز على هذا الموضوع
شخصيآ حاولت مرتين زيارة ذلك القصر و لم أتمكن من ذلك
شكرآ مجددآ أخويا



صراحة هاد الليلة أنا فرحان وسعيد جوج ديال المرات.الاولى حيت العيد غادي يكون نهار الجمعة يعني غادي نزيدو نصومو نهار آخور والثانية الوسام الذي حصلت عليه بهذه السرعة
بارك الله فيك أخي مغربي على هذه الالتفاتة وسرعة التنفيذ .وأقول لك هاذ الوسام هو مسؤولية أخرى في عنقي حتى أعطي كل ما عندي للمنتدى وهمي طبعي إدخال البهجة والسرور ومشاركة كل إخواني ما أعيشه .
أرجو أن يقرأ أخي بوشعيب الزجال الكبير والشجاع العظيم والرجل الوسيم والمعلق الظريف هذا الموضوع ويكتب لنا بعض الذكريات والنوادر المتعلقة بهذه الزيارة.
ليلتك مباركة أخي مغربي وأقول لك : الله يفرحك ويعطيك كل ما تمنيتي فهاد العواشر
 

مغربي

::مؤسس الموقع ::
طاقم الإدارة

غير متصل
#4
رد: جولة مع bouchaib وhoumidi في قصر مولاي اسماعيل


صراحة هاد الليلة أنا فرحان وسعيد جوج ديال المرات.الاولى حيت العيد غادي يكون نهار الجمعة يعني غادي نزيدو نصومو نهار آخور والثانية الوسام الذي حصلت عليه بهذه السرعة
بارك الله فيك أخي مغربي على هذه الالتفاتة وسرعة التنفيذ .وأقول لك هاذ الوسام هو مسؤولية أخرى في عنقي حتى أعطي كل ما عندي للمنتدى وهمي طبعي إدخال البهجة والسرور ومشاركة كل إخواني ما أعيشه .
أرجو أن يقرأ أخي بوشعيب الزجال الكبير والشجاع العظيم والرجل الوسيم والمعلق الظريف هذا الموضوع ويكتب لنا بعض الذكريات والنوادر المتعلقة بهذه الزيارة.
ليلتك مباركة أخي مغربي وأقول لك : الله يفرحك ويعطيك كل ما تمنيتي فهاد العواشر
أنت فرضت نفسك و لم تكن هدية
بل تستحقها عن جدارة و تقدير
و نحن نعتز بأن يضم منتدانا مبدعين مثلك أخويا
 

bouchaib56

::مراقب مغربي ::

غير متصل
#5
رد: جولة مع bouchaib وhoumidi في قصر مولاي اسماعيل

مغامرات هذه الجولة في رمضان والساعة تقارب السادسة مساء الابواب موصدة لقصر مولاي اسماعيل
لانه يغلق في الرابعة مساء
الحل الدخول من الفتحة المصورة ونطوف بالحجرات ونقتحمها ونطأ بارجلنا في الظلام وأنا خائف من الأفاعي
اما هو فمدرب لانه تدرب عليها في ساحة جامع الفنا ونجد مدافع قديمة على فتحات الاسوار متجهة وتطل على بحر مهدية مرتقبة السفن القادمة والرائحة
مرابط خيول مولاي اسماعيل العلوي وثكنات حربية لم تبق منها الا الاطلال
البناء بالطين والاحجار واعمدة الخشب
الصور غنية عن التعريف
بقيت لكم محمية سيدي بوغابة وصورت في نفس اليوم
تحياتي اترككم مع حوميدي في تغطية ما تبقى من الجولات الباقية
الى ذلكم الحين تبقون في رعاية الله
 

Houmidi59

::الفارس المغربي ::

غير متصل
#6
رد: جولة مع bouchaib وhoumidi في قصر مولاي اسماعيل

مغامرات هذه الجولة في رمضان والساعة تقارب السادسة مساء الابواب موصدة لقصر مولاي اسماعيل
لانه يغلق في الرابعة مساء
الحل الدخول من الفتحة المصورة ونطوف بالحجرات ونقتحمها ونطأ بارجلنا في الظلام وأنا خائف من الأفاعي
اما هو فمدرب لانه تدرب عليها في ساحة جامع الفنا ونجد مدافع قديمة على فتحات الاسوار متجهة وتطل على بحر مهدية مرتقبة السفن القادمة والرائحة
مرابط خيول مولاي اسماعيل العلوي وثكنات حربية لم تبق منها الا الاطلال
البناء بالطين والاحجار واعمدة الخشب
الصور غنية عن التعريف
بقيت لكم محمية سيدي بوغابة وصورت في نفس اليوم
تحياتي اترككم مع حوميدي في تغطية ما تبقى من الجولات الباقية
الى ذلكم الحين تبقون في رعاية الله
شكرا أخي بوشعيب على هذه الإضافات القيمة وبارك الله فيك .أنت دوما في المستوى المطلوب
بالمناسبة أطلب منك ان تنظم لنا زجلية حول زيارتنا الى قصر مولاي اسماعيل
يا الله أخويا جيب راسك بحال البرد حتى انت تحصل على وسام واعر ديال الزجل
بعد قليل لكم موعد مع الجزء الثاني من الزيارة.ما تبعدوش
 

Houmidi59

::الفارس المغربي ::

غير متصل
#7
رد: جولة مع bouchaib وhoumidi في قصر مولاي اسماعيل

اسيادنا قبل ما ندخلو فالجزء الثاني من الزيارة ديالنا أنا وأخي بوشعيب الزجال الكبير والشجاع العظيم والرجل الوسيم والقاص البارع صليو على الرسول الكريم سيدنا محمد بأفضل الصلوات ...عاود زيدو ما اسمعتكمش مزيان....باراكا عليكم
يا الله بعدما دخلنا من الفتحة المعلومة والتي أطلقت عليها إسم فتحة ابّا شعيبة ، لقينا بيوت شبه مخربة وأبواب قديمة وشي وحدات فيهم لكرياج .هادو ما يكونو غير سيلونات يعني زنزانات .كاليا خويا بوشعيب الزجال الكبير والشجاع العظيم والرجل الوسيم والقاص البارع والباحث الاسطوري أن مولاي اسماعيل كان داير شي حباسات غير للمساجين السود والذين أصلهم من السينيغال وكانوا في خدمته.نيت شفنا شي بيوت بلا سراجم وشحال مظلامين.لعفو يا مولانا بنادم الى برك غير قسم يحس بالموت
غادي تلاحظو شي تصاور ما باينينش مزيان حيت قلة الضو
لقينا عاود ثاني شي مطمورات واش كانو يخبيو فيها الزاد .المهم غادي تشوفو لعجب العجاب
يا الله بلا ما نطول عليكوم ها الجزء الثاني من الجولة الحوميدي بوشعيبية



















































































غادي تلاحظو شي حاجة ديال لخضوريا : نباتات عجيبة ما عمرني شفتها.عنداكو تحسابوها هندية .هادي شي هندية بلا شوك وعندها شي نوارة حمر.المهم انا خاطيني البوطانيك وحتى شعيبة ما عندوش معاها (النباتات)







































ها الظلمة اللي تكلمت لكم عليها.ناري منظر كيخوف.خويا بوشعيت رجع اللور اما انا زدت لقدام وسلاحي الوحيد هو لاباراي فوطو ديالي .لكن يا اخوتي الله غالب لفلاش اللي عندي ضعيف او ما شديت تقريبا والو
كاليا بوشعيب هاد لبلاصة معمرة لفاعي خاصة هداك لحنش اللي كنسميوه فوجدة بلحنش بومرايات
على كل حال جاب الله كنت فمراكش واعطاوني مواليها بركة لحنوش .انا ما نخاف يعضوني لفاعي او حنوشا حيت حيت عندي الضمانة ديال مولاي ابراهيم وسبعة رجال ولقرع فركوس










يظهر نكتفيو بهاد القدر من التصاور .الى اللقاء خوتنا .آه صبرو شي شوية ...يا الله صليو على النبي العدنان ...زيدو زيدو باراكا عليكم بحال الى غالبكوم رمضان
اوى سيرو ترتاحو .العاصر مازال بعيد



 

Houmidi59

::الفارس المغربي ::

غير متصل
#9
رد: جولة مع bouchaib وhoumidi في قصر مولاي اسماعيل

الزيارة لقصر مولاي إسماعيل : آخر الصور
أرجو أن تكونوا قد استمتعتم في الرحلة
في انتظار زيارة أخرى إلى مكان آخر من المغرب الحبيب دمتم في رعاية الله وحفظه


انتهت الجولة الحوميدي بوشعيبية
وجدة يومه 2 شوال 1434 موافق ل10 غشت 2013


 

غير متصل
#11
رد: جولة مع bouchaib وhoumidi في قصر مولاي اسماعيل


بغيت نقول لخويا حوميدي
أني متسناش ليا وزرت هاد المناطق
ولكن الان زرتها معاكوم في هاد الموضوع الرائع
 

Houmidi59

::الفارس المغربي ::

غير متصل
#12
رد: جولة مع bouchaib وhoumidi في قصر مولاي اسماعيل


بغيت نقول لخويا حوميدي
أني متسناش ليا وزرت هاد المناطق
ولكن الان زرتها معاكوم في هاد الموضوع الرائع
أنا سعيد لأن الزيارة أعجبتك
في انتظار زيارات أخري لك مني أعذب تحية وأحلى أمنية
 

bouchaib56

::مراقب مغربي ::

غير متصل
#13
رد: جولة مع bouchaib وhoumidi في قصر مولاي اسماعيل

الاخ حوميدي شكرا على الفوطوشوب الرائع
ولكن اطليبة الى جات اعلى خاطرك أحوميدي
المحية محمية سيدي بوغابة
شكرا ل حوميدي لأني أرى فيك هذه الذكريات
لأن متعتي كانت بالملموس بالواقع
 

Houmidi59

::الفارس المغربي ::

غير متصل
#14
رد: جولة مع bouchaib وhoumidi في قصر مولاي اسماعيل

الاخ حوميدي شكرا على الفوطوشوب الرائع
ولكن اطليبة الى جات اعلى خاطرك أحوميدي
المحية محمية سيدي بوغابة
شكرا ل حوميدي لأني أرى فيك هذه الذكريات
لأن متعتي كانت بالملموس بالواقع
باين ليا أخويا بوشعيب رمضان طحْطحْك بالمعقول .واه هاد الجواب لا علاقة له بالفوطوشوب .اما عن محمية بوغابة باقي ما تكلمتش عليها .غير اصبر شي شوية او يكون الخير
 

koora

::مغربي ::

غير متصل
#15
رد: جولة مع bouchaib وhoumidi في قصر مولاي اسماعيل

سعداتكم أخويا جولة رائعة و شحال زينة تكونو أصدقاء في الواقع و في النت
شكرآ أخويا حميد للتقاسم
 

Houmidi59

::الفارس المغربي ::

غير متصل
#16
رد: جولة مع bouchaib وhoumidi في قصر مولاي اسماعيل

سعداتكم أخويا جولة رائعة و شحال زينة تكونو أصدقاء في الواقع و في النت
شكرآ أخويا حميد للتقاسم

فعلا خويا كورة صداقة واقعية وافتراضية.
شي نهار حتى انت غادي تولي صديقي ونتلاقاو ونديرو شي تصاور واعرين
علاش اللّا
يا الله نهارك مبروك
 

غير متصل
#17
رد: جولة مع bouchaib وhoumidi في قصر مولاي اسماعيل

ولايني راك زورو مغربي ديال بصح فاش لقيتي ديك الفتحة ديال با شعيبةودخلتو منها ههههههههههههههههههه
بارك الله فيك استادي على هاد الصور ...
هادشي غزال تبارك الله ..الصور والتقرير فالمستوى...
الله يعطيك الصحة انت والاستاد بوشعيب..وتستاهلو كتر من وسام..
وتمنيت كون المسؤولين نتابهو شوية لهاد المعلمة الاثرية حيت هاد القصر والا مهمل بزاف...
 

Houmidi59

::الفارس المغربي ::

غير متصل
#18
رد: جولة مع bouchaib وhoumidi في قصر مولاي اسماعيل

ولايني راك زورو مغربي ديال بصح فاش لقيتي ديك الفتحة ديال با شعيبةودخلتو منها ههههههههههههههههههه
بارك الله فيك استادي على هاد الصور ...
هادشي غزال تبارك الله ..الصور والتقرير فالمستوى...
الله يعطيك الصحة انت والاستاد بوشعيب..وتستاهلو كتر من وسام..
وتمنيت كون المسؤولين نتابهو شوية لهاد المعلمة الاثرية حيت هاد القصر والا مهمل بزاف...


فعلا أختي أطلسية مغربية هذا المكان يستحق العناية والاهتمام من المسؤولين لأنه معلمة تاريخية.
للأسف الشديد يمكن اعتباره مكانا مهجورا لا يلجه الا المخمورون ودْعاوي لَبْلا
أختي أطلسية أنت باينة عليك إنسانة مرحة ويمكن ليك من الآن تعتابْريني خوك لكبير
نهارك مبروك
 

bouchaib56

::مراقب مغربي ::

غير متصل
#20
رد: جولة مع bouchaib وhoumidi في قصر مولاي اسماعيل

باقي مايتشاف من ماثرنا السياحية التي تركها لنا السلاطنة العلويين وباقي السلاطين مرورا بالمرابدين والموحدين والوطاسيين والسعديين والمرينيين
الو عهد العلويين وما زلنا سنقزم ان شاء الله بجولات اخرى لامتاعكم
حوميدي بتصويره
 
أعلى