باع عروبتو واصبح نصراني

bouchaib56

::مراقب مغربي ::

غير متصل
#1
كنت احمد الله اعجن الخبز في فراني

اشحال وانا في هذا الحرفة جاراني

عايش في الذل والتشوميرة حكراني



ارشيت المسؤولين والمقدم عراني
نسيت محاربة الفساد اللي ابا قراني



بعت اكسيبتي من قطيع بقر وثيراني
اركبت امواج الموت داخل في نيراني



اميمتي واش راضية علي اوعاذراني
راني غرت بي نفسي والقيتها غاذراني
كنت لي نعم الامومة من الحر ساتراني

شلا حوايج نقولهم ليك في قلبي ضاراني




هاانا في بلادات الغربة اصبحت براني
لا هي ولا ابلادي اعوذ بالله من شراني

لقيت الطاليان يحنوا علي هما جيراني

انهز الاثقال او نشرب خمرة في بيراني



ايه بيعوني عروبتي واصبحت نصراني

احصلت على حريتي ودابا انا حيراني
 

عبدالخالق الكوتاري

::مراقب مغربي ::
طاقم الإدارة

غير متصل
#2
معندي منكول خويا بوشعيب تبارك الله عليك تنفرح بزاف ملي كنشوف عضويتك المتميزة حاضرة معانا
ان شاء الله يفرج الشدائد وتصفى الاحوال لاني استنبطت حزنا واسى عميق فضحته ما وظفت من كلمات وعبر رنانة زادت قصيدتك ا خويا بوشعيب رونقا ومهابة
 

عبدالخالق الكوتاري

::مراقب مغربي ::
طاقم الإدارة

غير متصل
#4
الفضل كله يرجع اليك اخي الكوتاري جمعت شملا كان سيضيع الى الابد ضويت بوابة قصيدتي فزدتني ثقة بنفسي
تحياتي
هانيا خويا بوشعيب انت حبيب وغالي وربي لي عالم بهاد الشي وبناتنا 8 سنوات ديال الصداقة
مرحبا في اي وقت واعلم ان هناك قلوبا في الرباط تحبك وتتمنى لك كل الخير
 

مغربي

::مؤسس الموقع ::
طاقم الإدارة

غير متصل
#7
الله الله على كلمات في الصميم .
لكن منين كتبتي الطاليان قلت ممكن الأستاذ بوشعيب تيقصدني بهاد القصيدة . ههه
إبداع كالعادة أخويا بوشعيب. تحياتي الخاصة
 
أعلى